bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 21
Deuteronomy 21
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 22 →
1
Agar us mulk meṉ, jise Ḳhudáwand tumhárá Ḳhudá tum ko qabza karne ko detá hai, kisí maqtúl kí lásh maidán meṉ paṛí húí mile, aur yih ma‘lúm na ho, ki us ká qátil kaun hai;
2
to tumháre buzurg, aur qází nikalkar us maqtúl ke girdágird ke shahroṉ ke fásile ko nápeṉ;
3
aur jo shahr us maqtúl ke sab se nazdík ho, us shahr ke buzurg ek bachhiyá len, jis se kabhí koí kám na liyá gayá ho, aur na wuh júe meṉ jotí gayí ho;
4
aur us shahr ke buzurg us bachhiye ko bahte pání kí wádí meṉ, jis meṉ na hal chalá ho, aur na us meṉ kuchh boyá gayá ho, le jáeṉ, aur waháṉ us wádí meṉ us bachhiye kí gardan toṛ deṉ;
5
tab baní Láwí jo káhin haiṉ nazdík áeṉ, kyúṉki Ḳhudáwand tumháre Ḳhudá ne un ko chun liyá hai ki Ḳhudáwand kí ḳhidmat kareṉ, aur us ke nám se barakat diyá kareṉ, aur un hí ke kahne ke mutábiq har jhagṛe aur már píṭ ke muqaddame ká faisala húá kare;
6
phir is shahr ke sab buzurg, jo us maqtúl ke sab se nazdík rahnewále hoṉ, us bachhiye ke úpar jis kí gardan us wádí meṉ toṛí gayí, apne apne háth dhoeṉ;
7
aur yúṉ kaheṉ, ki Hamáre háth se yih ḳhún nahíṉ húá, aur na yih hamárí áṉkhoṉ ká dekhá húá hai.
8
So ai Ḳhudáwand, apní qaum Isráíl ko, jise tú ne chhuṛáyá hai, mu‘áf kar, aur begunáh ke ḳhún ko apní qaum Isráíl ke zimme na lagá. Tab wuh ḳhún un ko mu‘áf kar diyá jáegá.
9
Yúṉ tum us kám ko karke, jo Ḳhudáwand ke nazdík durust hai, begunáh ke ḳhún kí jawábdihí ko apne úpar se dúr o dafa‘ karná.
10
Jab tum apne dushmanoṉ se jang karne ko niklo, aur Ḳhudáwand tumhárá Ḳhudá un ko tumháre háth meṉ kar de, aur tum un ko asír kar láo,
11
aur un asíroṉ meṉ kisí ḳhúbsúrat ‘aurat ko dekhkar tum us par farefta ho jáo, aur us ko biyáh lená cháho,
12
to tum use apne ghar le áná, aur wuh apná sir munḍwáe aur apne náḳhun tarashwáe,
13
aur apní asírí ká libás utárkar tumháre ghar meṉ rahe, aur ek mahíne tak apne máṉ báp ke liye mátam kare; is ke ba‘d tum us ke pás jákar us ke shauhar honá, aur wuh tumhárí bíwí bane.
14
Aur agar wuh tum ko na bháe, to jaháṉ wuh cháhe us ko jáne dená, lekin rupaye kí ḳhátir us ko hargiz na bechná, aur us se lauṉḍí ká sá sulúk na karná, is liye ki tum ne us kí hurmat le lí hai.
15
Agar kisí mard kí do bíwiyáṉ hoṉ, aur ek mahbúba aur dúsrí g̣airmahbúba ho, aur mahbúba aur g̣airmahbúba donoṉ se laṛke hoṉ, aur pahlauṭhá beṭá g̣airmahbúba se ho,
16
to jab wuh apne beṭoṉ ko apne mál ká wáris kare, to wuh mahbúba ke beṭe ko g̣airmahbúba ke beṭe par, jo fi’lhaqíqat pahlauṭhá hai, fauqíyat dekar pahlauṭhá na ṭhahráe:
17
balki wuh g̣airmahbúba ke bete ko apne sab mál ká dúná hissa dekar use pahlauṭhá máne; kyúṉki wuh us kí quwwat kí ibtidá hai, aur pahlauṭhe ká haqq usí ká hai.
18
Agar kisí ádmí ká ziddí aur gardankash beṭá ho, jo apne báp yá máṉ kí bát na mántá ho, aur un ke tambíh karne par bhí un kí na suntá ho,
19
to us ke máṉ báp use pakaṛkar aur nikálkar us shahr ke buzurgoṉ ke pás us jagah ke pháṭak par le jáeṉ;
20
aur wuh us ke shahr ke buzurgoṉ se ‘arz kareṉ, ki Yih hamárá beṭá ziddí aur gardankash hai, yih hamárí bát nahíṉ mántá, aur ‘uṛáú aur sharábí hai.
21
Tab us ke shahr ke sab log use sangsár kareṉ, ki wuh mar jáe. Yúṉ tum aisí buráí ko apne darmiyán se dúr karná. Tab sab Isráílí sunkar ḍar jáeṉge.
22
Aur agar kisí ne koí aisá gunáh kiyá ho, jis se us ká qatl wájib ho, aur tum use márkar daraḳht se ṭáṉg do;
23
to us kí lásh rát bhar daraḳht par laṭkí na rahe, balki tum usí din use dafn kar dená; kyúṉki jise pháṉsí miltí hai wuh Ḳhudá kí taraf se mal‘ún hai, tá na ho ki tum us mulk ko nápák kar do jise Ḳhudáwand tumhárá Ḳhudá tum ko mírás ke taur par detá hai.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34