bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 23
Deuteronomy 23
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
Jis ke ḳhusiye kuchle gaye hoṉ, yá álat káṭ ḍálí gayí ho, wuh Ḳhudáwand kí jamá‘at meṉ áne na páe.
2
Koí harámzáda Ḳhudáwand kí jamá‘at meṉ dáḳhil na ho. Daswíṉ pusht tak us kí nasl meṉ se koí Ḳhudáwand kí jamá‘at meṉ áne na páe.
3
Koí ‘Ammoní yá Moábí Ḳhudáwand kí jamá‘at meṉ dáḳhil na ho. Daswíṉ pusht tak un kí nasl meṉ se koí Ḳhudáwand kí jamá‘at meṉ kabhí áne na páe;
4
is liye ki jab tum Misr se nikalkar á rahe the, to unhoṉ ne roṭí aur pání lekar ráste meṉ tumhárá istiqbál nahíṉ kiyá, balki Ba‘or ke beṭe Bal‘ám ko Masopatámiya ke Fator se ujrat par bulwáyá, táki wuh tum par la‘nat kare.
5
Lekin Ḳhudáwand tumháre Ḳhudá ne Bal‘ám kí na suní, balki Ḳhudáwand tumháre Ḳhudá ne tumháre liye us la‘nat ko barakat se badal diyá, is liye ki Ḳhudáwand tumháre Ḳhudá ko tum se mahabbat thí.
6
Tum apní zindagí bhar kabhí un kí salámatí yá sa‘ádat ke ḳhwáháṉ na honá.
7
Tum kisí Adomí se nafrat na rakhná, kyúṉki wuh tumhárá bháí hai. Tum kisí Misrí se bhí nafrat na rakhná, kyúṉki tum us ke mulk meṉ pardesí hokar rahe the.
8
Un kí tísrí pusht ke jo laṛke paidá hoṉ, wuh Ḳhudáwand kí jamá‘at meṉ áne páeṉ.
9
Jab tum apne dushmanoṉ se laṛne ke liye dal báṉdhkar niklo, to apne ko har burí chíz se bacháe rakhná.
10
Agar tumháre darmiyán koí aisá ádmí ho, jo rát ko ihtilám ke sabab se nápák ho gayá ho, to wuh ḳhaimagáh se báhar nikal jáe, aur ḳhaimagáh ke andar na áe;
11
lekin jab shám hone lage, to wuh pání se g̣usl kare, aur jab áftáb g̣urúb ho jáe to ḳhaimagáh meṉ áe.
12
Aur ḳhaimagáh ke báhar tum koí jagah aisí ṭhahrá dená, jaháṉ tum apní hájat ke liye já sako;
13
aur apne sáth apne hathyároṉ meṉ ek meḳh bhí rakhná, táki jab báhar tum ko hájat ke liye baiṭhná ho, to us se jagah khod liyá karo, aur lauṭte waqt apne fuzle ko ḍháṉk diyá karo:
14
is liye ki Ḳhudáwand tumhárá Ḳhudá terí ḳhaimagáh meṉ phirá kartá hai, táki tum ko bacháe, aur tumháre dushmanoṉ ko tumháre háth meṉ kar de; so tumhárí ḳhaimagáh pák rahe, tá na ho ki wuh tum meṉ najásat ko dekhkar tum se phir jáe.
15
Agar kisí ká g̣ulám apne áqá ke pás se bhágkar tumháre pás panáh le, to tum us ke áqá ke hawále na kar dená;
16
balki wuh tumháre sáth tumháre hí bích tumhárí bastiyoṉ meṉ se jo use achchhí lage use chunkar usí jagah rahe: so tum use hargiz na satáná.
17
Isráílí laṛkiyoṉ meṉ koí fáhisha na ho, aur na Isráílí laṛkoṉ meṉ koí lútí ho.
18
Tum kisí fáhisha kí ḳharchí, yá kutte kí ujrat, kisí mannat ke liye, Ḳhudáwand apne Ḳhudá ke ghar meṉ na láná, kyúṉki yih donoṉ Ḳhudáwand tumháre Ḳhudá ke nazdík makrúh haiṉ.
19
Tum apne bháí ko súd par qarz na dená, ḳhwáh wuh rupaye ká súd ho, yá anáj ká súd, yá kisí aisí chíz ká súd ho jo biyáj par dí jáyá kartí hai.
20
Tum pardesí ko súd par qarz do to do; par apne bháí ko súd par qarz na dená; táki Ḳhudáwand tumhárá Ḳhudá us mulk meṉ, jis par tum qabza karne já rahe ho, tumháre sab kámoṉ meṉ, jin ko tum háth lagáo, tum ko barakat de.
21
Jab tum Ḳhudáwand apne Ḳhudá kí ḳhátir mannat máno, to us ke púrá karne meṉ der na karná, is liye ki Ḳhudáwand tumhárá Ḳhudá zarúr us ko tum se talab karegá, tab tum gunahgár ṭhahroge.
22
Lekin agar tum mannat na máno, to tumhárá koí gunáh nahíṉ.
23
Jo kuchh tumháre muṉh se nikle, use dhyán karke púrá karná, aur jaisí mannat tum ne Ḳhudáwand apne Ḳhudá ke liye mání ho, us ke mutábiq razá kí qurbání jis ká wa‘da tumhárí zabán se húá guzránná.
24
Jab tum apne hamsáye ke tákistán meṉ jáo, to jitne angúr cháho peṭ bharkar kháo, par apne bartan meṉ na rakh lená.
25
Jab tum apne hamsáye ke khaṛe khet meṉ jáo, to apne hath se báleṉ toṛ sakte ho, par apne hamsáye ke khaṛe khet ko haṉsúá na lagáná.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34