bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 16
Deuteronomy 16
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
1
Abíb ke mahíne ko yád rakhná, aur us meṉ Ḳhudáwand apne Ḳhudá kí fasah karná: kyúṉki Ḳhudáwand tumhárá Ḳhudá Abíb ke mahíne meṉ rát ke waqt tum ko Misr se nikál láyá.
2
Aur jis jagah ko Ḳhudáwand apne nám ke maskan ke liye chune, wahíṉ tum Ḳhudáwand apne Ḳhudá ke liye apne gáe bail aur bheṛ bakrí meṉ se fasah kí qurbání chaṛháná.
3
Tum us ke sáth ḳhamírí roṭí na kháná; balkí sát din tak us ke sáth beḳhamírí roṭí, jo dukh kí roṭí hai, kháná; kyúṉki tum mulk i Misr se haṛbaṛí meṉ nikle the. Yúṉ tum ‘umr bhar us din ko jab tum mulk i Misr se nikle yád rakh sakoge.
4
Aur tumhárí hudúd ke andar sát din tak kahíṉ ḳhamír nazar na áe; aur us qurbání meṉ se jis ko tum pahle din kí shám ko chaṛháo, kuchh gosht subh tak báqí na rahne páe.
5
Tum fasah kí qurbání ko apne pháṭakoṉ ke andar, jin ko Ḳhudáwand tumháre Ḳhudá ne tum ko diyá ho, kahíṉ na chaṛháná;
6
balki jis jagah ko Ḳhudáwand tumhárá Ḳhudá apne nám ke maskan ke liye chunegá, waháṉ tum fasah kí qurbání ko us waqt, jab tum Misr se nikle the, ya‘ní shám ko súraj ḍúbte waqt guzránná.
7
Aur jis jagah ko Ḳhudáwand tumhárá Ḳhudá chune, wahíṉ use bhúnkar kháná: aur phir subh ko apne apne ḍere ko lauṭ jáná.
8
Chha din tak beḳhamírí roṭí kháná, aur sátweṉ din Ḳhudáwand tumháre Ḳhudá kí ḳhátir muqaddas majma‘ ho; us meṉ tum koí kám na karná.
9
Phir tum sát hafte yúṉ ginná, ki jab se haṉsúá lekar fasl káṭní shurú‘ karo, tab se sát hafte gin lená.
10
Tab jaisí barakat Ḳhudáwand tumháre Ḳhudá ne dí ho, us ke mutábiq apne háth kí razá kí qurbání ká hadya lákar Ḳhudáwand apne Ḳhudá ke liye haftoṉ kí ‘íd manáná.
11
Aur usí jagah, jise Ḳhudáwand tumhárá Ḳhudá apne nám ke maskan ke liye chunegá, tum aur tumháre beṭe beṭiyáṉ, aur tumháre g̣ulám aur lauṉḍiyáṉ, aur wuh Láwí jo tumháre phaṭakoṉ ke andar ho, aur musáfir, aur yatím, aur bewa ‘aurateṉ jo tumháre darmiyán hoṉ, sab milkar Ḳhudáwand apne Ḳhudá ke huzúr ḳhushí manáná.
12
Aur yád rakhná ki tum Misr meṉ gulám the; aur in hukmoṉ par ihtiyát karke ‘amal karná.
13
Jab tum apne khalíhán aur kolhú ká mál jama‘ kar chuko, to sát din tak ‘íd i ḳhiyám karná.
14
Aur tum aur tumháre beṭe beṭiyáṉ aur g̣ulám, aur lauṉḍiyáṉ aur Láwí, aur musáfir, aur yatím, aur bewa ‘aurateṉ, jo tumháre pháṭakoṉ ke andar hoṉ, sab tumhárí is ‘íd meṉ ḳhushí manáeṉ.
15
Sát din tak tum Ḳhudáwand apne Ḳhudá ke liye usí jagah jise Ḳhudáwand chune ‘íd karná, is liye ki Ḳhudáwand tumhárá Ḳhudá tumháre sáre mál meṉ, aur sab kámoṉ meṉ jin ko tum háth lagáo tum ko barakat baḳhshegá, so tum púrí púrí ḳhushí karná.
16
Aur sál meṉ tín bár, ya‘ní beḳhamírí roṭí kí ‘íd, aur haftoṉ kí ‘íd, aur ‘íd i ḳhiyám ke mauqa‘ par tumháre háṉ ke sab mard, Ḳhudáwand apne Ḳhudá ke áge, usí jagah, házir húá kareṉ, jise wuh chunegá: aur jab áeṉ to Ḳhudáwand ke huzúr ḳhálí háth na áeṉ;
17
balki har mard jaisí barakat Ḳhudáwand tumháre Ḳhudá ne tum ko baḳhshí ho, apní taufíq ke mutábiq de.
18
Tum apne qabíloṉ kí sab bastiyoṉ meṉ, jin ko Ḳhudáwand tumhárá Ḳhudá tum ko de qází aur hákim muqarrar karná, jo sadáqat se logoṉ kí ‘adálat kareṉ.
19
Tum insáf ká ḳhún na karná. Tum na to kisí kí rú ri‘áyat karná aur na rishwat lená; kyúṉki rishwat dánishmand kí áṉkhoṉ ko andhá kar detí hai, aur sádiq kí bátoṉ ko palaṭ detí hai.
20
Jo kuchh bi’lkull haqq hai, tum usí kí pairawí karná táki tum jíte raho âur us mulk ke málik ban jáo, jo Ḳhudáwand tumhárá Ḳhudá tum ko detá hai.
21
Jo mazbah tum Ḳhudáwand apne Ḳhudá ke liye banáo, us ke qaríb kisí qism ke daraḳht kí Yasírat na lagáná,
22
aur na koí sutún apne liye khaṛá kar lená, jis se Ḳhudáwand tumháre Ḳhudá ko nafrat hai.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34