bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 8
Deuteronomy 8
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 9 →
1
Sab hukmoṉ par, jo áj ke din maiṉ tum ko detá húṉ, tum ihtiyát karke ‘amal karná, taki tum jíte aur baṛhte raho, aur jis mulk kí bábat Ḳhudáwand ne tumháre bápdádá se qasam kháí hai, tum us meṉ jákar us par qabza karo:
2
aur us sáre taríq ko yád rakhná, jis par in chálís barasoṉ meṉ Ḳhudáwand tumháre Ḳhudá ne tum ko is biyábán meṉ chaláyá, taki wuh tum ko ‘ájiz karke ázmáe, aur tumháre dil kí bát daryáft kare, ki tum us ke hukmoṉ ko mánoge yá nahíṉ.
3
Aur us ne tum ko ‘ájiz kiyá bhí aur tum ko bhúká hone diyá; aur wuh mann, jise na tum na tumháre bápdádá jánte the, tum ko khiláyá, táki tum ko sikháe ki insán sirf roṭí hí se jítá nahíṉ rahtá, balki har bát se, jo Ḳhudáwand ke muṉh se nikaltí hai wuh jítá rahtá hai.
4
In chálís barasoṉ meṉ na to tumháre tan par tumháre kapṛe puráne húe, aur na tumháre páṉw súje.
5
Aur tum apne dil meṉ ḳhayál rakhná, ki jis tarah ádmí apne beṭe ko tambíh kartá hai, waise hí Ḳhudáwand tumhárá Ḳhudá tum ko tambíh kartá hai.
6
So tum Ḳhudáwand apne Ḳhudá kí ráhoṉ par chalne aur us ká ḳhauf mánne ke liye us ke hukmoṉ par ‘amal karná.
7
Kyúṉki Ḳhudáwand tumhárá Ḳhudá tum ko ek achchhe mulk meṉ liye játá hai. Wuh pání kí nadiyoṉ aur aise chashmoṉ aur sotoṉ ká mulk hai, jo wádíoṉ aur paháṛoṉ se phúṭkar nikalte haiṉ.
8
Wuh aisá mulk hai, jaháṉ gehúṉ, aur jau aur angúr, aur anjír ke daraḳht aur anár hote haiṉ. Wuh aisá mulk hai, jaháṉ raug̣andár zaitún aur shahd bhí hai.
9
Us mulk meṉ tum ko roṭí báifrát milegí aur tum ko kisí chíz kí kamí na hogí, kyúṉki us mulk ke patthar bhí lohá haiṉ, aur waháṉ ke paháṛoṉ se tum támbá khodkar nikál sakoge.
10
Aur tum kháoge aur ser hoge, aur us achchhe mulk ke liye jise Ḳhudáwand tumhárá Ḳhudá tum ko detá hai, us ká shukr bajá láoge.
11
So ḳhabardár rahná, ki kahíṉ aisá na ho, ki tum Ḳhudáwand apne Ḳhudá ko bhúlkar us ke farmánoṉ aur hukmoṉ aur áín ko, jin ko áj maiṉ tum ko sunátá húṉ, mánná chhoṛ do;
12
aisá na ho, ki jab tum khákar ser ho, aur ḳhushnumá ghar banákar un meṉ rahne lago,
13
aur tumháre gáe bail ke galle aur bher bakriyáṉ baṛh jáeṉ, aur tumháre pás chándí, aur soná aur mál bakasrat ho jáe,
14
to tumháre dil meṉ gurúr samáe aur tum Ḳhudáwand apne Ḳhudá ko bhúl jáo, jo tum ko mulk i Misr ya‘ní g̣ulámí ke ghar se nikál láyá hai,
15
aur aise wasí‘ aur haulnák biyábán meṉ tumhárá rahbar húá, jaháṉ jalánewále sáṉp aur bichchhú the; aur jaháṉ kí zamín bag̣air pání ke súkhí paṛí thí, waháṉ us ne tumháre liye chaqmaq kí chaṭán se pání nikálá;
16
aur tum ko biyábán meṉ wuh mann khiláyá, jise tumháre bápdádá jánte bhí na the, táki tum ko ‘ájiz kare, aur tumhárí ázmáish karke áḳhir meṉ tumhárá bhalá kare;
17
kabhí aisá na ho ki tum apne dil meṉ kahne lago, ki Hamárí hí táqat aur háth ke zor se ham ko yih daulat nasíb húí hai.
18
Balki tum Ḳhudáwand apne Ḳhudá ko yád rakhná, kyúṉki wuhí tum ko daulat hásil karne kí quwwat is liye detá hai, ki apne us ‘ahd ko, jis kí qasam us ne tumháre bápdádá se kháí thí, qáim rakkhe, jaisá áj ke din záhir hai.
19
Aur agar tum kabhí Ḳhudáwand apne Ḳhudá ko bhúlo, aur âur ma‘búdoṉ ke pairau bankar un kí ‘ibádat aur parastish karo, to maiṉ áj ke din tum ko ágáh kiye detá húṉ, ki tum zarúr hí nest ho jáoge.
20
Jin qaumoṉ ko Ḳhudáwand tumháre sámne halák karne ko hai, un hí kí tarah tum bhí Ḳhudáwand apne Ḳhudá kí bát na mánne ke sabab se halák ho jáoge.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34