bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 7
Deuteronomy 7
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
1
Jab Ḳhudáwand tumhárá Ḳhudá tum ko us mulk meṉ, jis par qabza karne ke liye tum já rahe ho, pahuṉchá de, aur tumháre áge se un bahut sí qaumoṉ ko, ya‘ní Hittíoṉ, aur Jirjásíoṉ, aur Amoríoṉ, aur Kan‘áníoṉ, aur Farizzíoṉ, aur Hawwíoṉ, aur Yabúsíoṉ ko, jo sátoṉ qaumeṉ tum se baṛí aur zoráwar haiṉ, nikál de,
2
aur jab Ḳhudáwand tumhárá Ḳhudá un ko tumháre áge shikast diláe, aur tum un ko már lo, to tum un ko bi’lkull nábúd kar ḍálná; tum un se koí ‘ahd na báṉdhná, aur na un par rahm karná.
3
Tum un se biyáh shádí bhí na karná, na un ke beṭoṉ ko apní beṭiyáṉ dená, aur na apne beṭoṉ ke liye un kí beṭiyáṉ lená.
4
Kyúṉki wuh tumháre beṭoṉ ko merí pairawí se bargashta kar deṉge, táki wuh âur ma‘búdoṉ kí ‘ibádat kareṉ. Yúṉ Ḳhudáwand ká g̣azab tum par bhaṛkegá, aur wuh tum ko jald halák kar degá.
5
Balki tum un se yih sulúk karná, ki un ke mazbahoṉ ko ḍhá dená, un ke sutúnoṉ ko ṭukṛe ṭukṛe kar dená, aur un kí Yasíratoṉ ko káṭ ḍálná, aur un kí taráshí húí múrateṉ ág meṉ jalá dená.
6
Kyúṉki tum Ḳhudáwand apne Ḳhudá ke liye ek muqaddas qaum ho. Ḳhudáwand tumháre Ḳhudá ne tum ko rú e zamín kí âur sab qaumoṉ meṉ se chun liyá hai, táki us kí ḳháss ummat ṭhahro.
7
Ḳhudáwand ne jo tum se mahabbat kí aur tum ko chun liyá, to is ká sabab yih na thá ki tum shumár meṉ âur qaumoṉ se ziyáda the; kyúṉki tum sab qaumoṉ se shumár meṉ kam the:
8
balki chúṉki Ḳhudáwand ko tum se mahabbat hai, aur wuh us qasam ko, jo us ne tumháre bápdádá se kháí púrá karná cháhtá thá, is liye Ḳhudáwand tum ko apne zoráwar háth se nikál láyá, aur gulámí ke ghar, ya‘ní Misr ke bádsháh Fir‘aun ke háth se, tum ko maḳhlasí baḳhshí.
9
So ján lo, ki Ḳhudáwand tumhárá Ḳhudá wuhí Ḳhudá hai. Wuh wafádár Ḳhudá hai, aur jo us se mahabbat rakhte aur us ke hukmoṉ ko mánte haiṉ, un ke sáth hazár pusht tak wuh apne ‘ahd ko qáim rakhtá, aur un par rahm kartá hai.
10
Aur jo us se ‘adáwat rakhte haiṉ, un ko un ke dekhte hí dekhte badla dekar halák kar ḍáltá hai. Wuh us ke báre meṉ, jo us se ‘adáwat rakhtá hai, der na karegá; balki usí ke dekhte dekhte use badla degá.
11
Is liye jo farmán aur áín aur ahkám maiṉ áj ke din tum ko batátá húṉ, tum un ko mánná aur un par ‘amal karná.
12
Aur tumháre in hukmoṉ ko sunne, aur mánne, aur un par ‘amal karne ke sabab se Ḳhudáwand tumhárá Ḳhudá bhí tumháre sáth us ahd aur rahmat ko qáim rakkhegá, jis kí qasam us ne tumháre bápdádá se kháí;
13
aur tum se mahabbat rakkhegá aur tum ko barakat degá, aur baṛháegá; aur us mulk meṉ jise tum ko dene kí qasam us ne tumháre bápdádá se kháí, wuh tumhárí aulád par, aur tumhárí zamín kí paidáwár, ya‘ní tumháre g̣alle aur mai aur tel par, aur tumháre gáe bail ke aur bheṛ bakriyoṉ ke bachchoṉ par barakat názil karegá.
14
Tum ko sab qaumoṉ se ziyáda barakat dí jáegí, aur tum meṉ yá tumháre chaupáyoṉ meṉ na to koí ‘aqím hogá, na báṉjh.
15
Aur Ḳhudáwand har qism kí bímárí tum se dúr karegá, aur Misr ke un bure rogoṉ ko, jin se tum wáqif ho, tum ko lagne na degá, balki un ko un par jo tum se ‘adáwat rakhte haiṉ, názil karegá.
16
Aur tum un sab qaumoṉ ko, jin ko Ḳhudáwand tumhárá Ḳhudá tumháre qábú meṉ kar degá, nábúd kar ḍálná. Tum un par tars na kháná, aur na un ke deotáoṉ kí ‘ibádat karná, warna yih tumháre liye ek jál hogá.
17
Aur agar tumhárá dil bhí yih kahe, ki Yih qaumeṉ to ham se ziyáda haiṉ, ham un ko kyúṉkar nikáleṉ?
18
Taubhí tum un se na daṛná, balki jo kuchh Ḳhudáwand tumháre Ḳhudá ne Fir‘aun aur sáre Misr se kiyá, use ḳhub yád rakhná;
19
ya‘ní un baṛe baṛe tajriboṉ ko, jin ko tumhárí áṉkhoṉ ne dekhá, aur un nishánoṉ, aur mu‘jizoṉ aur zoráwar háth, aur baland bázú ko jin se Ḳhudáwand tumhárá Ḳhudá tum ko nikál láyá; kyúṉki Ḳhudáwand tumhárá Ḳhudá aisá hí un sab qaumoṉ se karegá, jin se tum ḍarte ho.
20
Balki Ḳhudáwand tumhárá Ḳhudá un meṉ zambúroṉ ko bhej degá, yaháṉ tak ki jo un meṉ se báqí bachkar chhip jáeṉge, wuh bhí tumháre áge se halák ho jáeṉge.
21
So tum un se dahshat na kháná; kyúṉki Ḳhudáwand tumhárá Ḳhudá tumháre bích meṉ hai, aur wuh Ḳhudá e ‘azím aur muhíb hai.
22
Aur Ḳhudáwand tumhárá Ḳhudá un qaumoṉ ko tumháre áge se thoṛá thoṛá karke dafa‘ karegá. Tum ek hí dam un ko halák na karná, aisá na ho ki janglí darande baṛhkar tum par hamla karne lageṉ.
23
Balki Ḳhudáwand tumhárá Ḳhudá un ko tumháre hawále karegá, aur un ko aisí shikast i fásh degá, ki wuh nábúd ho jáeṉge.
24
Aur wuh un ke bádsháhoṉ ko tumháre qábú meṉ kar degá, aur tum un ká nám safha e rozgár se miṭá ḍáloge; aur koí mard tumhára samná na kar sakegá, yaháṉ tak ki tum un ko nábúd kar doge.
25
Tum un ke deotáoṉ kí taráshí húí múratoṉ ko ág se jalá dená, aur jo chándí yá soná un par ho us ká lálach na karná aur na use lená, tá na ho ki tum us ke phande meṉ phaṉs jáo; kyúṉki aisí bát Ḳhudáwand tumhare Ḳhudá ke áge makrúh hai.
26
So tum aisí makrúh chíz apne ghar meṉ lákar us kí tarah nest kar diye jáne ke láiq na ban jáná, balki tum us se azhadd ghin kháná, aur us se bi’lkull nafrat rakhná; kyúṉki wuh mal‘ún chíz hai.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34