bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 29
Deuteronomy 29
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Isráílíoṉ ke sáth jis ‘ahd ke báṉdhne ká hukm Ḳhudáwand ne Músá ko Moáb ke mulk meṉ diyá, usí kí yih báteṉ haiṉ. Yih us ‘ahd se alag hai, jo us ne un ke sáth Horib meṉ báṉdhá thá.
2
So Músá ne sáb Isráílíoṉ ko bulwákar un se kahá, Tum ne sab kuchh, jo Ḳhudáwand ne tumhárí áṉkhoṉ ke sámne Misr ke mulk meṉ Fir‘aun aur us ke sab ḳhádimoṉ, aur us ke sáre mulk se, kiyá, dekhá hai.
3
Imtihán ke wuh baṛe baṛe kám aur nishán aur baṛe baṛe karashme tum ne apní áṉkhoṉ se dekhe.
4
Lekin Ḳhudáwand ne tum ko áj tak na to aisá dil diyá jo samjhe, aur na dekhne kí áṉkheṉ aur sunne ke kán diye.
5
Aur maiṉ chálís baras biyábán meṉ tum ko liye phirá, aur na tumháre tan ke kapṛe puráne húe, aur na tumháre páṉw kí jútí purání húí.
6
Aur tum isí liye roṭí kháne aur mai yá sharáb píne nahíṉ páe, táki tum ján lo, ki maiṉ Ḳhudáwand tumhárá Ḳhudá húṉ.
7
Aur jab tum is jagah áe, to Hasbon ká bádsháh Síhon, aur Basan ká bádsháh ‘Oj hamárá muqábala karne ko nikle, aur ham ne un ko márkar
8
un ká mulk le liyá, aur use Rúbíníoṉ ko aur Jaddíoṉ ko aur Munassíoṉ ke ádhe qabíle ko mírás ke taur par de diyá.
9
Pas, tum is ‘ahd kí bátoṉ ko mánná aur un par ‘amal karná, táki jo kuchh tum karo us meṉ tum kámyáb ho.
10
Áj ke din tum aur tumháre sardár, tumháre qabíle aur tumháre buzurg, aur tumháre mansabdár, aur sab Isráílí mard,
11
aur tumháre bachche, aur tumhárí bíwiyáṉ, aur wuh pardesí bhí, jo tumhárí ḳhaimagáh meṉ rahtá hai, ḳhwáh wuh tumhárá lakaṛhárá ho, ḳhwáh saqqá sab ke sab Ḳhudáwand apne Ḳhudá ke sámne khaṛe ho,
12
táki tum Ḳhudáwand apne Ḳhudá ke ‘ahd meṉ, jise wuh tumháre sáth áj báṉdhtá, aur us kí qasam meṉ, jise wuh áj tum se khátá hai, shámil ho;
13
aur wuh tum ko áj ke din apní qaum qarár de, aur wuh tumhárá Ḳhudá ho, jaisá us ne tum se kahá, jaisí us ne tumháre bápdádá Abrahám, aur Izháq, aur Ya‘qúb se qasam kháí.
14
Aur maiṉ is ‘ahd aur qasam meṉ faqat tum hí ko nahíṉ,
15
par us ko bhí, jo áj ke din Ḳhudáwand hamáre Ḳhudá ke huzúr yaháṉ hamáre sáth khaṛá hai, aur us ko bhí jo áj ke din yaháṉ hamáre sáth nahíṉ, un meṉ shámil kartá húṉ.
16
(Tum ḳhud jánte ho, ki Misr meṉ ham kaise rahe, aur kyúṉkar un qaumoṉ ke bích se hokar áe jin ke darmiyán se tum guzre;
17
aur tum ne ḳhud un kí makrúh chízeṉ, aur lakṛí aur patthar, aur chándí, aur sone kí múrateṉ dekhíṉ, jo un ke háṉ thíṉ.)
18
So aisá na ho ki tum meṉ koí mard, yá ‘aurat, yá ḳhándán, yá qabíla aisá ho, jis ká dil áj ke din Ḳhudáwand hamáre Ḳhudá se bargashta ho, aur wuh jákar un qaumoṉ ke deotáoṉ kí parastish kare, yá aisá na ho ki tum meṉ koí aisí jaṛ ho, jo indráyan aur nágdauná paidá kare;
19
aur aisá ádmí la‘nat kí yih báteṉ sunkar dil hí dil meṉ apne ko mubárakbád de, aur kahe, ki Ḳhwáh maiṉ kaisá hí haṭṭí hokar tar ke sáth ḳhushk ko faná kar ḍálúṉ, taubhí mere liye salámatí hai.
20
Par Ḳhudáwand use mu‘áf nahíṉ karegá, balki us waqt Ḳhudáwand ká qahr aur us hí g̣airat us ádmí par barangeḳhta hogí, aur sab la‘nateṉ, jo is kitáb meṉ likhí haiṉ, us par paṛeṉgí, aur Ḳhudáwand us ke nám ko safha e rozgár se miṭá degá.
21
Aur Ḳhudáwand is ‘ahd kí un sab la‘natoṉ ke mutábiq jo is sharí‘at kí kitáb meṉ likhí haiṉ, use baní Isráíl ke sab qabíloṉ meṉ se burí sazá ke liye judá karegá:
22
aur ánewálí pushtoṉ meṉ tumhárí nasl ke log jo tumháre ba‘d paidá hoṉge, aur pardesí bhí jo dúr ke mulk se áeṉge, wuh is mulk kí baláoṉ aur Ḳhudáwand kí lagáí húí bímáríoṉ ko dekheṉge,
23
aur yih bhí dekheṉge ki sárá mulk goyá gandhak aur namak baná paṛá hai, aur aisá jal gayá hai, ki is meṉ na to kuchh boyá játá, na paidá hotá, aur na kisí qism kí ghás ugtí hai, aur wuh Sadúm, aur ‘Amúrah, aur Adamah, aur Ziboím kí tarah ujaṛ gayá, jin ko Ḳhudáwand ne apne g̣azab aur qahr meṉ tabáh kar ḍálá.
24
Tab wuh sab qaumeṉ púchheṉgí, ki Ḳhudáwand ne is mulk se aisá kyúṉ kiyá? aur aise baṛe qahr ke bhaṛakne ká sabab kyá hai?
25
Us waqt log jawáb deṉge, ki Ḳhudáwand in ke bápdádá ke Ḳhudá ne jo ‘ahd in ke sáth in ko mulk i Misr se nikálte waqt báṉdhá thá, use in logoṉ ne chhoṛ diyá:
26
aur jákar âur ma‘búdoṉ kí ‘ibádat aur parastish kí jin se wuh wáqif na the, aur jin ko Ḳhudáwand ne in ko diyá bhí na thá.
27
Isí liye is kitáb kí likhí húí sab la‘natoṉ ko is mulk par názil karne ke liye Ḳhudáwand ká g̣azab is par bhaṛká,
28
aur Ḳhudáwand ne qahr, aur g̣usse, aur baṛe g̣azab meṉ in ko in ke mulk se ukháṛkar dúsre mulk meṉ pheṉká, jaisá áj ke din záhir hai.
29
G̣aib ká málik to Ḳhudáwand hamárá Ḳhudá hí hai, par jo báteṉ záhir kí gayí haiṉ, wuh hamesha tak hamáre aur hamárí aulád ke liye haiṉ, táki ham is sharí‘at kí sab bátoṉ par ‘amal kareṉ.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34