bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 12
Deuteronomy 12
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
1
Jab tak tum dunyá meṉ zinda raho tum ihtiyát karke in hí áín aur ahkám par us mulk meṉ ‘amal karná jise Ḳhudáwand tumháre bápdádá ke Ḳhudá ne tum ko diyá hai, táki tum us par qabza karo.
2
Waháṉ tum zarúr un sab jagahoṉ ko nest o nábúd kar dená jaháṉ jaháṉ wuh qaumeṉ, jin ke tum wáris hoge, úṉche úṉche paháṛoṉ par, aur ṭíloṉ par, aur har ek hare daraḳht ke níche apne deotáoṉ kí pújá kartí thíṉ.
3
Tum un ke mazbahoṉ ko ḍhá dená, aur un ke sutúnoṉ ko toṛ ḍálná, aur un kí Yasíratoṉ ko ág lagá dená, aur un ke deotáoṉ kí khudí húí múratoṉ ko káṭkar girá dená, aur us jagah se un ke nám tak ko miṭá ḍálná.
4
Par Ḳhudáwand apne Ḳhudá se aisá na karná
5
Balki jis jagah ko Ḳhudáwand tumhárá Ḳhudá tumháre sab qabíloṉ meṉ se chun le, táki waháṉ apná nám qáim kare, tum us ke usí maskan ke tálib hokar waháṉ jáyá karná.
6
Aur wahíṉ tum apní soḳhtaní qurbáníoṉ, aur zabíhoṉ, aur dahyakíoṉ, aur uṭháne kí qurbáníoṉ aur apní mannatoṉ kí chízoṉ, aur apní razá kí qurbáníoṉ, aur gáe bailoṉ aur bheṛ bakriyoṉ ke pahlauṭhoṉ ko guzránná.
7
Aur wahíṉ Ḳhudáwand apne Ḳhudá ke huzúr kháná, aur apne gharánoṉ samet apne háth kí kamáí kí ḳhushí bhí karná, jis meṉ Ḳhudáwand tumháre Ḳhudá ne tum ko barakat baḳhshí ho.
8
Aur jaise ham yaháṉ jo kám jis ko ṭhík dikháí detá hai wuhí karte haiṉ, aise tum waháṉ na karná.
9
Kyúṉki tum ab tak us árámgáh aur mírás kí jagah tak, jo Ḳhudáwand tumhárá Ḳhudá tum ko detá hai, nahíṉ pahuṉche ho.
10
Lekin jab tum Yardan pár jákar, us mulk meṉ, jis ká málik Ḳhudáwand tumhárá Ḳhudá tum ko banátá hai, bas jáo, aur wuh tumháre sab dushmanoṉ kí taraf se jo girdágird haiṉ, tum ko ráhat de, aur tum amn se rahne lago,
11
to waháṉ, jis jagah ko Ḳhudáwand tumhárá Ḳhudá apne nám ke maskan ke liye chun le, wahíṉ tum yih sab kuchh jis ká maiṉ tum ko hukm detá húṉ le jáyá karná, ya‘ní apní soḳhtaní qurbáníáṉ, aur apne zabíhe, aur apní dahyakíáṉ, aur apne háth ke uṭháe húe hadye, aur apní ḳháss nazr kí chízeṉ jin kí mannat tum ne Ḳhudáwand ke liye mání ho.
12
Aur wahíṉ tum aur tumháre beṭe beṭiyáṉ aur tumháre naukar chákar aur lauṉḍiyáṉ, aur wuh Láwí bhí, jo tumháre pháṭakoṉ ke andar rahtá ho, aur jis ká koí hissa yá mírás tumháre sáth nahíṉ, sab ke sab milkar Ḳhudáwand apne Ḳhudá ke huzúr ḳhushí manáná.
13
Aur ḳhabardár rahná, tá aisá na ho ki jis jagah ko dekh lo wahíṉ apní soḳhtaní qurbání chaṛháo.
14
Balki faqat usí jagah, jise Ḳhudáwand tumháre kisí qabíle meṉ chun le tum apní soḳhtaní qurbáníáṉ guzránná; aur wahíṉ sab kuchh, jis ká maiṉ tum ko hukm detá húṉ, karná.
15
Par gosht ko tum apne sab pháṭakoṉ ke andar apne dil kí rag̣bat aur Ḳhudáwand apne Ḳhudá kí dí húí barakat ke muwáfiq zabh karke khá sakoge. Pák aur nápák donoṉ tarah ke ádmí use khá sakeṉge, jaise chikáre aur hiran ko kháte haiṉ.
16
Lekin ḳhún ko bi’lkull na kháná, balki use pání kí tarah zamín par unḍel dená.
17
Aur tum apne pháṭakoṉ ke andar apne g̣alle, aur mai, aur tel kí dahyakíáṉ, aur gáe bailoṉ, aur bheṛ bakriyoṉ ke pahlauṭhe, aur apní mannat mání húí chízeṉ, aur razá kí qurbáníáṉ aur apne háth kí uṭháí húí qurbáníáṉ kabhí na kháná.
18
Balki tum aur tumháre beṭe beṭiyáṉ, aur tumháre naukar chákar aur lauṉḍiyáṉ, aur wuh Láwí bhí jo tumháre pháṭakoṉ ke andar ho, un chízoṉ ko Ḳhudáwand apne Ḳhudá ke huzúr us jagah kháná jise Ḳhudáwand tumhárá Ḳhudá chun le, aur tum Ḳhudáwand apne Ḳhudá ke huzúr apne háth kí kamáí kí ḳhushí manáná.
19
Aur ḳhabardár, jab tak tum apne mulk meṉ jíte raho, Láwíoṉ ko chhoṛ na dená.
20
Jab Ḳhudáwand tumhárá Ḳhudá us wa‘de ke mutábiq jo us ne tum se kiyá hai tumhárí sarhadd ko baṛháe, aur tumhárá jí gosht kháne ko kare, aur tum kahne lago, ki Ham to gosht kháeṉge, to tum jaisá tumhárá jí cháhe gosht khá sakte ho.
21
Aur agar wuh jagah, jise Ḳhudáwand tumháre Ḳhudá ne apne nám ko waháṉ qáim karne ke liye chuná ho, tumháre makán se bahut dúr ho, to tum apne gáe bail aur bheṛ bakrí meṉ se, jin ko Ḳhudáwand ne tum ko diyá hai, kisí ko zabh kar lená, aur jaisá maiṉ ne tum ko hukm diyá hai, tum us ke gosht ko apne dil kí rag̣bat ke mutábiq apne pháṭakoṉ ke andar kháná:
22
jaise chikáre aur hiran ko kháte haiṉ waise hí tum use kháná. Pák aur nápák donoṉ tarah ke ádmí use yaksáṉ khá sakeṉge.
23
Faqat itní ihtiyát zarúr rakhná, ki tum ḳhún ko na kháo, kyúṉki ḳhún hí to ján hai; so tum gosht ke sáth ján ko hargiz na kháná;
24
tum us ko kháná mat, balki use pání kí tarah zamín par unḍel dená:
25
tum use na kháná; táki tumháre us kám ke karne se jo Ḳhudáwand kí nazar meṉ ṭhík hai tumhárá aur tumháre sáth tumhárí aulád ká bhí bhalá ho.
26
Par apní muqaddas ashyá ko jo tumháre pás hoṉ, aur apní mannatoṉ kí chízoṉ ko usí jagah le jáná jise Ḳhudáwand chun le.
27
Aur wahíṉ apní soḳhtaní qurbáníoṉ ká gosht aur ḳhún donoṉ Ḳhudáwand apne Ḳhudá ke mazbah par chaṛháná; aur Ḳhudáwand tumháre Ḳhudá hí ke mazbah par tumháre zabíhoṉ ká ḳhún unḍelá jáe, magar un ká gosht tum kháná.
28
In sab bátoṉ ko, jin ká maiṉ tum ko hukm detá húṉ, g̣aur se sun lo, táki tumháre us kám ke karne se, jo Ḳhudáwand tumháre Ḳhudá kí nazar meṉ achchhá aur ṭhík hai, tumhárá aur tumháre ba‘d tumhárí aulád ká bhalá ho.
29
Jab Ḳhudáwand tumhárá Ḳhudá tumháre sámne se un qaumoṉ ko, jaháṉ tum un ke wáris hone ko já rahe ho, káṭ ḍále, aur tum un ke wáris hokar un ke mulk meṉ bas jáo,
30
to tum ḳhabardár rahná, tá aisá na ho, ki jab wuh tumháre áge se nábúd ho jáeṉ, to tum is phande meṉ phaṉs jáo ki un kí pairawí karo, aur un ke deotáoṉ ke báre meṉ yih daryáft karo, ki Yih qaumeṉ kis tarah se apne deotáoṉ kí pújá kartí haiṉ? ham bhí waisá hí kareṉge.
31
Tum Ḳhudáwand apne Ḳhudá ke liye aisá na karná, kyúṉki jin jin kámoṉ se Ḳhudáwand ko nafrat aur ‘adáwat hai, wuh sab unhoṉ ne apne deotáoṉ ke liye kiye haiṉ, balki apne beṭoṉ aur beṭiyoṉ ko bhí wuh apne deotáoṉ ke nám par ág meṉ ḍálkar jalá dete haiṉ.
32
Jis jis bát ká maiṉ hukm kartá húṉ tum ihtiyát karke us par ‘amal karná, aur us meṉ na to kuchh baṛháná, aur na us meṉ se kuchh ghaṭáná.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34