bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 17
Deuteronomy 17
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
1
Tum Ḳhudáwand apne Ḳhudá ke liye koí bail, yá bheṛ bakrí, jis meṉ koí ‘aib yá buráí ho, zabh mat karná, kyúṉki yih Ḳhudáwand tumháre Ḳhudá ke nazdík makrúh hai.
2
Agar tumháre darmiyán tumhárí bastiyoṉ meṉ, jin ko Ḳhudáwand tumhárá Ḳhudá tum ko de, kahíṉ koí mard yá ‘aurat mile, jis ne Ḳhudáwand tumháre Ḳhudá ke huzúr yih badkárí kí ho ki us ke ‘ahd ko toṛá ho,
3
aur jákar âur ma‘búdoṉ kí, yá súraj yá chánd, yá ajrám i falak meṉ se kisí kí, jis ká hukm maiṉ ne tum ko nahíṉ diyá, pújá aur parastish kí ho,
4
aur yih bát tum ko batáí jáe, aur tumháre sunne meṉ áe, to tum jánfishání se tahqíqát karná aur agar yih ṭhík ho aur qata‘í taur par sábit ho jáe, ki Isráíl meṉ aisá makrúh kám húá,
5
to tum us mard, yá us ‘aurat ko, jis ne yih burá kám kiyá ho, báhar apne pháṭakoṉ par nikál le jáná, aur un ko aisá sangsár karná, ki wuh mar jáeṉ.
6
Jo wájibu’l qatl ṭhahre, wuh do yá tín ádmíoṉ kí gawáhí se márá jáe; faqat ek hí ádmí kí gawáhí se wuh márá na jáe.
7
Us ko qatl karte waqt gawáhoṉ ke háth pahle us par uṭheṉ, us ke ba‘d báqí sab logoṉ ke háth. Yúṉ tum apne bích se sharárat ko dúr kiyá karná.
8
Agar tumhárí bastiyoṉ meṉ kahíṉ ápas ke ḳhún, yá ápas ke da‘we, yá ápas kí már píṭ kí bábat koí jhagṛe kí bát uṭhe, aur us ká faisala karná tumháre liye niháyat hí mushkil ho, to tum uṭhkar us jagah, jise Ḳhudáwand tumhárá Ḳhudá chunegá, jáná.
9
Aur Láwí káhinoṉ aur un dinoṉ ke qázíoṉ ke pás pahuṉchkar un se daryáft karná, aur wuh tum ko faisale kí bát batáeṉge;
10
aur tum usí faisale ke mutábiq, jo wuh tum ko us jagah se jise Ḳhudáwand chunegá batáeṉ, ‘amal karná. Jaisá wuh tum ko sikháeṉ, usí ke mutábiq sab kuchh ihtiyát karke manná.
11
Sharí‘at kí jo bát wuh tum ko sikháeṉ, aur jaisá faisala tum ko batáeṉ, usí ke mutábiq karná, aur jo kuchh fatwá wuh deṉ, us se dahine yá báeṉ na muṛná.
12
Aur agar koí shaḳhs gustáḳhí se pesh áe, ki us káhin kí bát, jo Ḳhudáwand tumháre Ḳhudá ke huzúr ḳhidmat ke liye khaṛá rahtá hai, yá us qází ká kahá na sune, to wuh shaḳhs már ḍálá jáe, aur tum Isráíl meṉ se aisí buráí ko dúr kar dená.
13
Aur sab log sunkar ḍar jáeṉge, aur phir gustáḳhí se pesh nahíṉ áeṉge.
14
Jab tum us mulk meṉ, jise Ḳhudáwand tumhárá Ḳhudá tum ko detá hai, pahuṉch jáo, aur us par qabza karke waháṉ rahne aur kahne lago, ki Un qaumoṉ kí tarah jo hamáre girdágird haiṉ, ham bhí kisí ko apná bádsháh banáeṉ;
15
to tum ba har hál faqat usí ko apná bádsháh banáná, jis ko Ḳhudáwand tumhárá Ḳhudá chun le. Tum apne bháiyoṉ meṉ se hí kisí ko apná bádsháh banáná, aur pardesí ko, jo tumhárá bháí nahíṉ, apne úpar hákim na kar lená.
16
Itná zarúr hai, ki wuh apne liye bahut ghoṛe na baṛháe, aur na logoṉ ko Misr meṉ bheje, táki us ke pás bahut se ghoṛe ho jáeṉ; is liye ki Ḳhudáwand ne tum se kahá hai, ki Tum us ráh se phir kabhí udhar na lauṭná.
17
Aur wuh bahut sí bíwiyáṉ bhí na rakkhe, tá na ho ki us ká dil phir jáe: aur na wuh apne liye soná chándí zaḳhíra kare.
18
Aur jab wuh taḳht i saltanat par julús kare, to us sharí‘at ki jo Láwí káhinoṉ ke pás rahegí, ek naql apne liye ek kitáb meṉ utár le.
19
Aur wuh use apne pás rakkhe, aur apní sárí ‘umr us ko paṛhá kare, táki wuh Ḳhudáwand apne Ḳhudá ká ḳhauf mánná, aur us sharí‘at aur áín kí sab bátoṉ par ‘amal karná síkhe;
20
jis se us ke dil meṉ g̣urur na ho, ki wuh apne bháiyoṉ ko haqír jáne, aur in ahkám se na to dahine na báeṉ muṛe, táki Isráílíoṉ ke darmiyán us kí aur us kí aulád kí saltanat muddat tak rahe.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34