bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 5
Deuteronomy 5
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
1
Phir Músá ne sab Isráílíoṉ ko bulwákar un ko kahá, Ai Isráílío! Tum un áín aur ahkám ko sun lo, jin ko maiṉ áj tum ko sunátá húṉ, táki tum un ko síkhkar un par ‘amal karo.
2
Ḳhudáwand hamáre Ḳhudá ne Horib meṉ ham se ek ‘ahd báṉdhá.
3
Ḳhudáwand ne yih ‘ahd hamáre bápdádá se nahíṉ, balki ḳhud ham se, jo yaháṉ áj ke din jíte haiṉ báṉdhá.
4
Ḳhudáwand ne tum se us paháṛ par rúbarú ág ke bích meṉ se báteṉ kíṉ.
5
(Us waqt maiṉ tumháre aur Ḳhudáwand ke darmiyán khaṛá húá, táki Ḳhudáwand ká kalám tum par záhir karúṉ; kyúṉki tum ág ke sabab se ḍare húe the, aur paháṛ par na chaṛhe.)
6
Tab us ne kahá, Ḳhudáwand terá Ḳhudá, jo tujh ko Misr ke mulk, ya‘ní g̣ulámí ke ghar se, nikál láyá, maiṉ húṉ.
7
Mere áge tú âur ma‘búdoṉ ko na mánná.
8
Tú apne liye koí taráshí húí múrat na banáná, na kisí chíz kí súrat banáná, jo úpar ásmán meṉ, yá níche zamín par, yá zamín ke níche pání meṉ hai.
9
Tú un ke áge sijda na karná, aur na un kí ‘ibádat karná; kyúṉki maiṉ Ḳhudáwand terá Ḳhudá g̣aiyúr Ḳhudá húṉ; aur jo mujh se ‘adáwat rakhte haiṉ, un kí aulád ko tísrí aur chauthí pusht tak bápdádá kí badkárí kí sazá detá húṉ;
10
aur hazároṉ par jo mujh se mahabbat rakhte aur mere hukmoṉ ko mánte haiṉ, rahm kartá húṉ.
11
Tú Ḳhudáwand apne Ḳhudá ká nám befáida na lená; kyúṉki Ḳhudáwand us ko, jo us ká nám befáida letá hai, begunáh na ṭhahráegá.
12
Tú Ḳhudáwand apne Ḳhudá ke hukm ke mutábiq sabt ke din ko yád karke pák mánná.
13
Chha din tak tú mihnat karke apná sárá kám káj karná;
14
lekin sátwáṉ din Ḳhudáwand tere Ḳhudá ká sabt hai: us meṉ na tú koí kám karná, na terá beṭá, na terí beṭí, na terá g̣ulám, na terí lauṉḍí, na terá bail, na terá gadhá, na terá âur koí jánwar, aur na koí musáfir, jo tere pháṭakoṉ ke andar ho; táki terá g̣ulám aur terí lauṉḍí bhí terí tarah árám kareṉ.
15
Aur yád rakhná, ki tú mulk i Misr meṉ g̣ulám thá, aur waháṉ se Ḳhudáwand terá Ḳhudá apne zoráwar háth aur baland bázú se tujh ko nikál láyá; is liye Ḳhudáwand tere Ḳhudá ne tujh ko sabt ke din ko mánne ká hukm diyá.
16
Apne báp aur apní máṉ kí ‘izzat karná, jaisá Ḳhudáwand tere Ḳhudá ne tujhe hukm diyá hai; táki terí ‘umr daráz ho, aur jo mulk Ḳhudáwand terá Ḳhudá tujhe detá hai, us meṉ terá bhalá ho.
17
Tú ḳhún na karná.
18
Tú ziná na karná.
19
Tú chorí na karná.
20
Tú apne paṛausí ke ḳhiláf jhúṭhí gawáhí na dená.
21
Tú apne paṛausí kí bíwí ká lálach na karná, aur na apne paṛausí ke ghar, yá us ke khet, yá g̣ulám, yá lauṉḍí, yá bail, yá gadhe, yá us kí kisí âur chíz ká ḳhwáháṉ honá.
22
Yihí báteṉ Ḳhudáwand ne us paháṛ par ág, aur ghaṭá, aur zulmat meṉ se tumhárí sárí jamá‘at ko baland áwáz se kahíṉ, aur is se ziyáda âur kuchh na kahá, aur in hí ko us ne patthar kí do lauhoṉ par likhá, aur un ko mere supurd kiyá.
23
Aur jab wuh paháṛ ág se dahak rahá thá, aur tum ne wuh áwáz andhere meṉ se átí suní, to tum aur tumháre qabíloṉ ke sardár aur buzurg mere pás áe.
24
Aur tum kahne lage, ki Ḳhudáwand hamáre Ḳhudá ne apní shaukat aur ‘azmat ham ko dikháí, aur ham ne us kí áwáz ág meṉ se átí suní; áj ham ne dekh liyá ki Ḳhudáwand insán se báteṉ kartá hai, taubhí insán zinda rahtá hai.
25
So ab ham kyúṉ apní ján deṉ; kyúṉki aisí baṛí ág ham ko bhasam kar degí. Agar ham Ḳhudáwand apne Ḳhudá kí áwáz phir suneṉ, to mar hí jáeṉge.
26
Kyúṉki aisá kaun sá bashar hai, jis ne zinda Ḳhudá kí áwáz hamárí tarah ág meṉ se átí suní ho aur phir bhí jítá rahá?
27
So tú hí nazdík jákar jo kuchh Ḳhudáwand hamárá Ḳhudá kahe, use sun le aur tú hí wuh báteṉ jo Ḳhudá tujh se kahe, ham ko batáná, aur ham use suneṉge, aur us par ‘amal kareṉge.
28
Aur jab tum mujh se guftogú kar rahe the, to Ḳhudáwand ne tumhárí báteṉ suníṉ. Tab Ḳhudáwand ne mujh se kahá, ki Maiṉ ne in logoṉ kí báteṉ, jo unhoṉ ne tujh se kahíṉ, suní haiṉ: jo kuchh unhoṉ ne kahá, ṭhík kahá.
29
Kásh un meṉ aisá hí dil hotá, ki wuh merá ḳhauf mánkar hamesha mere sab hukmoṉ par ‘amal karte, táki sadá un ká aur un kí aulád ká bhalá hotá!
30
So tú jákar un se kah de, ki Tum apne ḍeroṉ ko lauṭ jáo.
31
Par tú yahíṉ mere pás khaṛá rah, aur maiṉ wuh sab farmán aur sab áín aur ahkám, jo tujhe un ko sikháne haiṉ, tujh ko batáúṉgá; táki wuh un par us mulk meṉ jo maiṉ un ko qabza karne ke liye detá húṉ, ‘amal kareṉ.
32
So tum ihtiyát rakhná, aur jaisá Ḳhudáwand tumháre Ḳhudá ne tum ko hukm diyá hai, waisá hí karná, aur dahine yá báeṉ háth ko na muṛná.
33
Tum us sáre taríq par, jis ká hukm Ḳhudáwand tumháre Ḳhudá ne tum ko diyá hai, chalná, táki tum jíte raho, aur tumhárá bhalá ho, aur tumhárí ‘umr us mulk meṉ jis par tum qabza karoge, daráz ho.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34