bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 24
Deuteronomy 24
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
1
Agar koí mard kisí ‘aurat se biyáh kare, aur píchhe us meṉ koí aisí behúda bát páe, jis se us ‘aurat kí taraf us kí iltifát na rahe, to wuh us ká taláqnáma likhkar us ke hawále kare aur use apne ghar se nikál de.
2
Aur jab wuh us ke ghar se nikal jáe, to wuh dúsre mard kí ho saktí hai.
3
Par agar dúsrá shauhar bhí us se náḳhush rahe, aur us ká taláqnáma likhkar us ke hawále kare, aur use apne ghar se nikál de, yá wuh dúsrá shauhar jis ne us se biyáh kiyá ho mar jáe,
4
to us ká pahlá shauhar, jis ne use nikál diyá thá, us ‘aurat ke nápák ho jáne ke ba‘d phir us se biyáh na karne páe, kyúṉki aisá kám Ḳhudáwand ke nazdík makrúh hai. So tum us mulk ko, jise Ḳhudáwand tumhárá Ḳhudá mírás ke taur par tum ko detá hai, gunahgár na banáná.
5
Jab kisí ne koí nayí ‘aurat biyáhí ho, to wuh jang ke liye na jáe, aur na koí kám us ke supurd ho. Wuh sál bhar tak apne hí ghar meṉ ázád rahkar apní biyáhí húí bíwí ko ḳhush rakkhe.
6
Koí shaḳhs chakkí ko yá us ke úpar ke páṭ ko girau na rakkhe, kyúṉki yih to goyá ádmí kí ján ko girau rakhná hai.
7
Agar koí shaḳhs apne Isráílí bháiyoṉ meṉ se kisí ko g̣ulám banáe yá bechne kí niyat se churátá húá pakṛá jáe, to wuh chor már ḍálá jáe. Yúṉ tum aisí buráí apne darmiyán se dafa‘ karná.
8
Koṛh kí bímárí kí taraf se hoshyár rahná, aur Láwí káhinoṉ kí sab bátoṉ ko jo wuh tum ko batáeṉ jánfishání se mánná, aur un ke mutábiq ‘amal karná; jaisá maiṉ ne un ko hukm kiyá hai, waisá hí dhyán dekar karná.
9
Yád rakhná ki Ḳhudáwand tumháre Ḳhudá ne, jab tum Misr se nikalkar á rahe the, to ráste meṉ Maryam se kyá kiyá.
10
Jab tum apne bháí ko kuchh qarz do, to girau kí chíz lene ko us ke ghar meṉ na ghusná.
11
Tum báhar hí khaṛe rahná, aur wuh shaḳhs jise tum qarz do ḳhud girau kí chíz báhar tumháre pás láe.
12
Aur agar wuh shaḳhs miskín ho, to us kí girau kí chíz ko pás rakhkar so na jáná;
13
balki jab áftáb g̣urúb hone lage, to us kí chíz use pher dená, táki wuh apná oṛhná oṛhkar soe, aur tum ko du‘á de, aur yih bát tumháre liye Ḳhudáwand tumháre Ḳhudá ke huzúr rástbází ṭhahregí.
14
Tum apne g̣aríb aur muhtáj ḳhádim par zulm na karná, ḳhwáh wuh tumháre bháiyoṉ meṉ se ho, ḳhwáh un pardesiyoṉ meṉ se, jo tumháre mulk ke andar tumhárí bastiyoṉ meṉ rahte hoṉ.
15
Tum usí din is se pahle ki áftáb g̣urúb ho us kí mazdúrí use dená, kyúṉki wuh g̣aríb hai, aur us ká dil mazdúrí meṉ lagá rahtá hai; tá na ho ki wuh Ḳhudáwand se tumháre ḳhiláf faryád kare, aur yih tumháre haqq meṉ gunáh ṭhahre.
16
Beṭoṉ ke badle báp máre na jáeṉ, na báp ke badle beṭe máre jáeṉ. Har ek apne hí gunáh ke sabab se márá jáe.
17
Tum pardesí yá yatím ke muqaddame ko na bigáṛná, aur na bewa ke kapṛe ko girau rakhná:
18
balki yád rakhná, ki tum Misr meṉ g̣ulám the, aur Ḳhudáwand tumháre Ḳhudá ne tum ko waháṉ se chhuṛáyá; isí liye maiṉ tum ko is kám ke karne ká hukm detá húṉ.
19
Jab tum apne khet kí fasl káṭo, aur koí púlá khet meṉ bhúl se rah jáe, to us ke lene ko wápas na jáná. Wuh pardesí, aur yatím, aur bewa ke liye rahe, táki Ḳhudáwand tumhárá Ḳhudá tumháre sab kámoṉ meṉ jin ko tum háth lagáo, tum ko barakat baḳhshe.
20
Jab tum apne zaitún ke daraḳht ko jháṛo, to us ke ba‘d us kí sháḳhoṉ ko dobára na jháṛná, balki wuh pardesí, aur yatím, aur bewa ke liye rahe.
21
Jab tum apne tákistán ke angúroṉ ko jama‘ karo, to us ke ba‘d us ká dána dána na toṛ lená. Wuh pardesí, aur yatím, aur bewa ke liye rahe.
22
Aur yád rakhná, ki tum Misr ke mulk meṉ g̣ulám the; isí liye maiṉ tum ko is kám ke karne ká hukm detá húṉ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34