Proverbs 12

Hausa Arabic 2020 (أَتَّوْرَتْ دَ أَنَّبَاوَا)

← Chapter 11 Jump to: Chapter 13 →

1دُكْ مَيْ سُوانْ هُواْرَرْوَ، مَيْ سُوانْ سَنِ نٜىٰ، عَمَّا مَيْ ڧِنْ ڟَاوَتَرْوَ وَاوَا نٜىٰ؞

2مَيْ كِرْكِ يَنَ سَامُنْ ڢَضٍ جِنِ أَوُرِنْ يَهْوٜىٰهْ ، عَمَّا مَيْشِرْيَ مُغُنْتَا، يَهْوٜىٰهْ يَكَنْ حُكُنْتَ شِ؞

3تُوشٜىٰنْ مُغُنْتَا بَذَيْ كَڢُ عَڧَسَابَ، عَمَّا تُوشٜىٰنْ مَاسُ أَدَلْثِے ذَيْ كَڢُ دَرَمْ؞

4ثِكَكِّيَرْ مَثٜىٰ هُولَرْ دَرَجَ ثٜىٰ غَ مِجِنْتَ، عَمَّا مَثٜىٰ مَيْ جَٰوُاْ كُنْيَا تَذَمَ مَسَ كَمَرْ رُٻٜىٰوَ عَڧَسُسُوَنْسَ؞

5تُنَانِنْ مَاسُ أَدَلْثِے تُنَانِنْ غَسْكِيَ نٜىٰ، عَمَّا شَوَرَرْ مُوغُ شَوَرَرْ ثُوتَا ثٜىٰ؞

6كَلْمُواْمِنْ مُوغُ كَمَرْ تَرْكُواْ نٜىٰ، عَمَّا مَغَنَرْ مَيْ غَسْكِيَ أَ ظُوثِ تَكَنْ كُٻُتَرْ دَشِ دَغَ تَرْكُوانْ؞

7أَنَ تُمْٻُكٜىٰ مُوغَيٜىٰ كَكَڢْ، عَمَّا غِدَنْ مَيْ أَدَلْثِے ذَيْ كَڢُ دَرَمْ؞

8عَكَنْ يَبِے مَيْ حَنْكَلِ، عَمَّا عَكَنْ رٜىٰنَ مَيْ رَايُوَرْ ݣُونَ ݣُونَ؞

9ڠُومَّ مُتُمِنْ دَ بَعَطَوْكٜىٰشِ كُواْمٜىٰبَ عَمَّا يَنَدَ مَيْيِ مَسَ حِدِمَ، دَ مُتُمِنْ دَيَكٜىٰ طَوْكَكَ كَنْسَ عَمَّا يَنَ ڢَامَ دَ يُنْوَ؞

10مَيْ أَدَلْثِے يَنَ كُلَ دَ لَاڢِيَرْ دَبُّواْبِنْسَ، عَمَّا ڧٜىٰتَ عِتَثٜىٰ عَيْكِ مَڢِے تَوْسَيِ نَمُوغُ؞

11مَيْ نُواْمٜىٰ غُواْنَرْسَ ذَيْسَامِ عَبِنْثِ مَيْ يَوَ، عَمَّا مَيْبِنْ أَبِنْ بَنْظَ بَ شِ دَ حَنْكَلِ؞

12مُوغُ يَنَ ݣُوطَيِنْ كَايَنْ دَ مُوغُ يَسَاتَا، عَمَّا مَيْ أَدَلْثِے يَنَ بَادَ یَیَ كَمَرْ إِتَاثٜىٰ؞

13ذُنُوبِنْ بَاكِنْ مُوغُ ذَيْ ذَمَ مَسَ تَرْكُواْ، عَمَّا مَيْ أَدَلْثِے ذَيْڢِتَ دَغَ ثِكِنْ وَهَلَ؞

14كَلْمُواْمِنْ مُتُمْ سُكَنْ حَيْڢِ أَلْحٜىٰرِ مَيْ يَوَ، حَڧِيڧَ، مُتُمْ ذَيْسَامِ لَادَنْ عَيْكِنْ حَنُّوَنْسَ؞

15وَاوَا يَنَ غَنِنْ حَنْيَرْ رَايُوَرْسَ دَيْدَيْنٜىٰ، عَمَّا مَيْ حِكِمَ يَكَنْ كَسَ كُنّٜىٰ غَ شَوَرَا؞

16وَاوَا يَكَنْ نُونَ ڢُشِنْسَ نَنْ دَنَنْ، عَمَّا مَيْ حَنْكَلِ بَيْ نُونَ يَكُلَ دَ ذَاغِبَ؞

17مَيْ ڢَطِنْ غَسْكِيَ يَنَ شٜىٰلَرْ أَدَلْثِے، عَمَّا مَيْ شَيْدَرْ ڧَضْيَا يَنَ شٜىٰلَرْ ثُوتَا؞

18مَغَنَرْ دَ أَنْيِ دَ رَشِنْ تُنَانِ تَنَ سَا رَوْنِ كَمَرْ سُواْكِنْ تَكُواْبِے، عَمَّا هَرْشٜىٰ مَيْ حِكِمَ يَكَنْ كَٰوُاْ وَرْكٜىٰوَ؞

19غَسْكِيَ ذَاتَ كَسَنْثٜىٰ حَرْ أَبَدَا، عَمَّا نَنْ دَنَنْ ڧَضْيَا تَنَ شُوطٜىٰوَ؞

20مَاسُ شِرْيَ ثِنْ أَمَانَ، تُنَانِنْسُ ثِكٜىٰ يَكٜىٰدَ ڧَضْيَا، عَمَّا مَاسُ بَادَ شَوَرَا تَسَلَمَ مَاسُ ڢَضٍ ثِكِ نٜىٰ؞

21بَا وَنِ مُوغُنْ أَبِنْدَ ذَيْسَامِ مَيْ أَدَلْثِے، عَمَّا وَهَلَ ذَاتَ شَا كَنْ مُوغُ سُواْسَيْ؞

22يَهْوٜىٰهْ يَنَ ڨَمَرْ بَاكِ مَيْ ڧَضْيَا، عَمَّا يَنَ جِنْ دَاطِنْ مَاسُ أَمِنْثِ؞

23مَيْ حَنْكَلِ يَكَنْ ٻُواْيٜىٰ سَنِنْسَ، عَمَّا ذُوثِيَارْ وَاوَا تَكَنْ بَظَ وَوَنْثِنْسَ؞

24مَيْ ڨُوظُوانْ عَيْكِ ذَيْ يِمُلْكِ، عَمَّا مَيْ ڧِوِيَ ذَيْ ذَمَ بَاوَ؞

25دَامُوَ أَ ذُوثِيَا تَكَنْ حَنَ مُتُمْ سَكٜىٰوَ، عَمَّا كَلْمَرْ ڧَرْڢَڢَاوَا تَكَنْ ڢَرَنْتَ رَيْ؞

26مَيْ أَدَلْثِے يَكَنْ بَادَ شَوَرَا مَيْݣَوْ غَ أَبُواْكَنْسَ، عَمَّا أَيُّكَنْ مُوغُ سُكَنْ سَا يَٻَاتَ حَنْيَ؞

27مَيْ ڧِوِيَ بَايَ عِيَ غَسَ نَامَنْ ڢَرَوْتَرْسَ، عَمَّا مَيْ ڨُوذُواْ يَكَنْيِ أَمْڢَانِ دَ دُكْ أَبِنْدَ يَسَامُ؞

28أَدَلْثِے حَنْيَرْ رَيْ نٜىٰ، تَڢِيَ عَثِكِنْسَ بَاتَكَيْ غَ مُتُوَ؞

← Chapter 11 Jump to: Chapter 13 →