Proverbs 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1طَانَ، كَرْٻِ مَغَنَاتَ، كَكُمَ ٻُواْيٜىٰ عُمَرْنَيْنَ أَ ذُوثِيَارْكَ؞

2كَسَ كُنّٜىٰ غَ حِكِمَ، كَبَادَ ذُوثِيَارْكَ دُواْمِنْ سَامُنْ ڢَهِمْتَ؞

3عِ، كَنَاثٜىٰ دُواْمِنْ كَكَيْ غَ غَانٜىٰوَ، كَتَادَ مُرْيَ دُواْمِنْ كَنٜىٰمِ بَسِيرَ؞

4نٜىٰمٜىٰتَ كَمَرْ نٜىٰمَنْ أَظُرْڢَا، كَنٜىٰمَ كَمَرْ نٜىٰمَنْ دُوكِيَرْ دَتَكٜىٰ عَٻُواْيٜىٰ؞

5عِدَنْ كَايِ حَكَنَنْ، ذَاكَ غَانٜىٰ أَبِنْدَ عَكٜىٰ نُڢِ دَ ڟُواْرُوانْ يَهْوٜىٰهْ ، ذَاكَ كُمَ سَامِ سَنِنْ اللَّهْ ؞

6غَمَا يَهْوٜىٰهْ يَنَ بَادَ حِكِمَ، سَنِ دَ غَانٜىٰوَ مَا دَغَ بَاكِنْسَ سُكٜىٰ ڢِتُواْوَ؞

7يَكَنْيِ تَبَا مَاسُ غَسْكِيَ أَ ظُوثِ عَيْنِحِنْ حِكِمَ، شِے غَرْكُوَ نٜىٰ غَ مَاسُ تَڢِيَ ثِكِنْ غَسْكِيَ،

8غَمَا يَنَ كُلَ دَ حَنْيَرْ شَرِيعَرْ غَسْكِيَ، يَنَ كِيَايٜىٰ هَنْيُواْيِنْ مَاسُ ڧَوْنَرْسَ؞

9تَهَكَ ذَاكَ غَانٜىٰ أَدَلْثِے دَ شَرِيعَرْ غَسْكِيَ، دَ يَدَّ ذَاكَ عَيْكَتَ أَبِنْدَ يَكٜىٰ دَيْدَيْ؞ ذَاكَ كُمَ غَانٜىٰ كُواْوَثٜىٰ حَنْيَ مَيْݣَوْ؞

10غَمَا حِكِمَ ذَاتَ شِغَ ذُوثِيَارْكَ، سَنِ كُمَ ذَيْ ذَمَ دَ دَاطِے غَ رَنْكَ؞

11حَنْكَلِ ذَيْ يِتَڟَرٜىٰكَ، ڢَهِمْتَ كُمَ تَيِ تَكِيَايٜىٰكَ؞

12حِكِمَ ذَاتَثٜىٰثٜىٰكَ دَغَ حَنْيَرْ مُوغَيٜىٰ، دَغَ مُتَنٜىٰ مَاسُ كَلْمُواْمِنْ رُوطُ،

13دَغَ مَاسُ ڧِنْ حَنْيَرْ غَسْكِيَ، دُواْمِنْ سُيِ تَڢِيَ أَ حَنْيَرْ دُهُ،

14مَاسُ مُرْنَ ثِكِنْ عَيْكَتَ مُغُنْتَا، سُنَ كُمَ جِنْ دَاطِنْ رُوطِنْ مُغُنْتَا،

15تَڢِيَرْسُ كُوَ تَݣُونَ ݣُونَ ثٜىٰ، هَنْيُواْيِنْسُ نَحَلِنْ رُوطُ نٜىٰ؞

16حِكِمَ كُوَ ذَاتَثٜىٰثٜىٰكَ دَغَ حَنُّنْ مَاتَرْ وَنِ، دَغَ وَتَ مَثٜىٰ مَيْ ذَاڧِنْ بَاكِ،

17مَرَرْ أَمِنْثِ غَ مِجِنْتَ نَڧُرُثِيَ، مَيْ كَرْيَ يَرْجٜىٰجٜىٰنِيَرْ دَ تَيِ أَغَبَنْ اللَّهْ ؞

18غَمَا غِدَنْتَ حَنْيَرْ مُتُوَ ثٜىٰ، هَنْيُواْيِنْتَ سُنَ كَيْ غَ وُرِنْ رُوحُواْحِنْ مَتَتُّو؞

19دُكْ وَنْدَ يَتَڢِے وُرِنْتَ بَايَ كُواْمُواْوَ، بَايَ كُمَ ڧَارَ بِنْ حَنْيَرْ رَيْ؞

20سَبُواْدَ حَكَ كَدِنْ‌غَ تَڢِيَ أَ حَنْيَرْ مَاسُ كِرْكِ، كَبِے هَنْيُواْيِنْ مَاسُ أَدَلْثِے؞

21غَمَا مَيْ غَسْكِيَ أَ ظُوثِ ذَيْذَوْنَ عَڧَسَرْ، مَرَرْ لَيْڢِے نٜىٰ ذَيْ كَسَنْثٜىٰ عَثِكِنْتَ،

22عَمَّا ذَاعَ كَوَرْدَ مُوغَيٜىٰ دَغَ ڧَسَرْ، مَرَسَ أَمِنْثِ كُمَ ذَاعَ تُمْٻُكٜىٰ دَغَ ثِكِنْتَ؞

← Chapter 1 Jump to: Chapter 3 →