Proverbs 24

Hausa Arabic 2020 (أَتَّوْرَتْ دَ أَنَّبَاوَا)

← Chapter 23 Jump to: Chapter 25 →

1كَدَ كَيِ كِيشِنْ مُوغَيٜىٰ، كُواْ كَيِ مَرْمَرِنْ ذَمَ تَرٜىٰدَسُو،

2غَمَا ذُوثِيَارْسُ، سَيْ ڧُلَّ تَاشِنْ حَنْكَلِ، بَاكِنْسُ كُمَ ڢِتِنَ نٜىٰ ظَلَّ؞

3تَوُرِنْ حِكِمَ عَكٜىٰ غِنِنْ غِدَا، تَوُرِنْ ڢَهِمْتَ كُمَ عَكٜىٰ كَڢَتَ؞

4تَوُرِنْ سَنِ عَكٜىٰ ثِثِّكَ طَكُنَ دَ دُكَنْ كَايَ مَاسُ دَرَجَ دَ نَأَرْظِڧِ؞

5مَيْ حِكِمَ يَنَدَ ڧَرْڢِے، مَيْ سَنِ يَكَنْيِ تَڧَارُوَ دَ ڧَرْڢِے؞

6غَمَا تَوُرِنْ جِنْ حِكِمَرْ وَطَنْسُ نٜىٰ ذَاكَيِ يَاڧِنْكَ، سَامُنْ شَوَرَرْ مُتَنٜىٰ مَاسُيَوَ ذَيْسَا أَ سَامِ نَصَرَا؞

7حِكِمَ تَنَدَ ظُرْڢِنْ غَانٜىٰوَ غَ وَاوَا، أَوُرِنْ تَارُوَ عَڧُواْڢَرْ غَرِ، بَ شِ دَ أَبِنْدَ ذَيْ ڢَطَا؞

8مَيْ ڧُلّٜىٰ ڧُلّٜىٰنْ مُغُنْتَا، ذَاعَ كِرَا شِ سَرْكِنْ تَادَ حَنْكَلِ؞

9شِرْيَ مُغُنْتَا ذُنُوبِ نٜىٰ، مَيْ رٜىٰنِ كُمَ أَبِنْ ڨَمَ نٜىٰ غَ مُتَنٜىٰ؞

10إِنْ كَا نُونَ جِكِنْكَ يَمُتُ أَ رَانَرْ وَهَلَ، تُواْ، لَلَّيْ بَكَ دَ ڧَرْڢِے كٜىٰنَنْ؞

11كُٻُتَرْ دَ وَطَنْدَ عَكٜىٰ جَنْسُ ذُوَا مُتُوَ، حَنَ وَطَنْدَ سُكٜىٰ تَنْ‌غَطِ ذُوَا وُرِنْ مُتُوَ؞

12عِدَنْ كَاثٜىٰ «دُوبَ، بَمُسَنْ وَنَّنْبَ،» كَنَ غَنِ شِے مَيْ عَوْنَ ذُوثِيَا بَيْ غَنِبَ؟ كُواْ شِے مَيْ لُورَ دَ رَنْكَ بَيْ سَنِبَ؟ بَذَيْ سَاكَ وَمُتُمْ عَكَنْ أَبِنْدَ يَيِبَ؟

13طَانَ، كَشَا ظُمَ غَمَا يَنَدَ ݣَوْ، كَثِ كَكِنْسَ غَمَا يَنَدَ ذَاڧِ عَبَاكِ؞

14حَكَنٜىٰ حِكِمَ تَكٜىٰ غَ رَنْكَ؞ عِدَنْ كَا سَامِ حِكِمَ، أَݣَويْ سَا رَيْ نَنْ غَبَ، كُمَ بَذَاعَ كَوَرْدَ سَا ذُوثِيَارْكَبَ؞

15كَدَ كَذَمَ كَمَرْ مُوغُ، كَنَيِ وَغِدَنْ مَيْ أَدَلْثِے ݣُونْتُوانْ ٻَوْنَ، كَدَ كَٻَاتَ غِدَنْ مَاسُ أَدَلْثِے؞

16غَمَا كُواْ دَ مَيْ أَدَلْثِے يَڢَاطِ سَوْ بَݣَويْ، ذَيْ تَاشِ سَوْ بَݣَويْ كُمَ، عَمَّا مَسِيڢَ طَيَ تَكَنْ هَلَّكَ مُوغَيٜىٰ؞

17كَدَ كَيِ ڢَضٍ ثِكِ سَعَدَّ أَبُواْكِنْ غَابَنْكَ يَڢَاطِ، سَعَدَّ كُمَ يَيِ تُنْتُٻٜىٰ، كَدَ كَيِ مُرْنَ أَ ذُوثِيَارْكَ،

18دُواْمِنْ كَدَ يَهْوٜىٰهْ يَغَنِ يَيِ بَڧِنْ ثِكِ، حَرْ يَجَنْيٜىٰ ڢُشِنْسَ دَغَ أَبُواْكِنْ غَابَنْكَ؞

19كَدَ كَدَامُ دَ مَاسُ عَيْكَتَ مُغُنْتَا، كَدَ كَيِ كِيشِنْ مُوغَيٜىٰ،

20غَمَا مُوغَيٜىٰ بَاسُدَ أَبِنْ سَا رَيْ نَنْ غَبَ، ڢِتِلَرْ رَايُوَرْ مُوغَيٜىٰ كُمَ ذَاتَ مُتُ؞

21طَانَ، كَجِڟُواْرُوانْ يَهْوٜىٰهْ ، كَجِڟُواْرُوانْ سَرْكِے، كَدَ مَا كَهَطَكَيْ دَ مَاسُ تَاوَيٜىٰ،

22غَمَا مَسِيڢَ ذَاتَ تَاشِ دَغَ ثِكِنْسُ بَا لَابَرِ، وَيَسَنْ هَلَّكَرْ دَ دُكَنْسُ ذَاسُ كَٰوُاْ؟

23وَطَنَّنْ كُمَ كَلْمُواْمِنْ مَاسُ حِكِمَ نٜىٰ؞ نُونَ سُوانْكَيْ ثِكِنْ شَرِيعَ بَا ݣَوْ؞

24دُكْ مَيْ ثٜىٰوَ مُوغُ، «كَيْ مَرَرْ لَيْڢِے نٜىٰ،» مُتَنٜىٰ ذَاسُ لَعَنْتَشِ، أَلْعُمَّيْ كُمَ ذَاسُيِ ڨَمَرْسَ؞

25عَمَّا دُكْ مَيْ ڟَاوَتَا وَمُوغُ ذَيْسَامِ لَادَ، أَلْبَرْكَ مَيْ يَوَ ذَاتَ سَوْكُواْ كَنْسَ؞

26وَنْدَ يَبَادَ أَمْسَرْ غَسْكِيَ، يَنُونَ أَبُواْكَنْتَكَ تَعَّيْنِحِ؞

27سَيْ كَشِرْيَ عَيْكِنْ وَجٜىٰ تُكُنَ، كَڠَرَ غُواْنَكِنْكَ، دَغَ بَايَ كُمَ كَغِنَ غِدَنْكَ؞

28كَدَ كَبَادَ شَيْدَ عَكَنْ مَڨُوبْثِنْكَ بَاتَرٜىٰدَ ثِكَكّٜىٰنْ دَلِيلِ بَ، كَدَ كَڢَطِ ڧَضْيَا؞

29كَدَ كَثٜىٰ، «نِے مَا ذَنْيِ مَسَ يَدَّ شِ يَيِ مِنِ، ذَنْ رَامَ أَبِنْدَ يَيِ مِنِ؞»

30نَا بِے تَڢِيلِنْ غُواْنَرْ وَنِ مَيْ ڧِوِيَ، تَغُواْنَرْ إِنَبِے تَوَنِ مَرَرْ حَنْكَلِ،

31نَغَ كُواْعِنَ ڧَيُواْيِ سُنْ رُڢٜىٰ، ڢُسْكَرْ كُمَ ثِيَوَرْ كِرِكِرِ تَرُڢٜىٰشِ كَكَڢْ، كُمَ كَتَنْ‌غَرْ تَڢَاطِ حَرْ ڧَسَا؞

32سَعَدَّ نَغَنِ سَيْ نَيِ تُنَانِنْسَ سُواْسَيْ، نَدُوبَ، يَذَمَ مِنِ أَبِنْ كُواْيِ ثٜىٰوَ

33جِمْ كَطَنْ بَرْثِ، جِمْ كَطَنْ ڠَنْ‌ڠَطِ، جِمْ كَطَنْ نَطَ حَنُّ دُواْمِنْ هُوتُ،

34تَهَكَ تَلَوْثِ ذَيْ يِمَكَ ڨُوثٜىٰ كَمَرْ طَنْ ڢَشِ، رَشِ كُمَ ذَيْ ڢَاطُواْ مَكَ كَمَرْ ٻَرَوُاْ؞

← Chapter 23 Jump to: Chapter 25 →