Proverbs 25

Hausa Arabic 2020 (أَتَّوْرَتْ دَ أَنَّبَاوَا)

← Chapter 24 Jump to: Chapter 26 →

1غَا وَطَنْسُ كَرِنْ مَغَنَ نَ سُلَيْمَٰنُ وَطَنْدَ مُتَنٜىٰنْ سَرْكِے هٜىٰزٜىٰكِيَ نَ يَهُودَ سُكَ تَتَّارَ؞

2غَ اللَّهْ ، طَوْكَكَرْسَ عِتَثٜىٰ أَ رُڢٜىٰ أَلْعَمَرِ، غَ سَرَاكُنَ كُمَ طَوْكَكَرْسُ عِتَثٜىٰ عَبِنْثِكَ أَلْعَمَرِ؞

3كَمَرْ نِيسَنْ سَمَ دَ ظُرْڢِنْ ڧَسَا، حَكَ تُنَانِنْ ذُوثِيَارْ سَرَاكُنَ سُكٜىٰ، سُنَدَ وُيَ عَبِنْثِكَ؞

4أَ ڢِتَرْدَ دَتِّنْ أَظُرْڢَا، مَڧٜىٰرِ يَسَامِ أَظُرْڢَرْ دَ ذَيْ يِ أَمْڢَانِ دَ عِتَ،

5أَ ڢِتَرْدَ مُوغُ دَغَ غَبَنْ سَرْكِے، كُجٜىٰرَرْ مُلْكِنْسَ ذَاتَ كَڢُ ثِكِنْ أَدَلْثِے؞

6سَعَدَّ كَكٜىٰ ڟَيٜىٰ أَغَبَنْ سَرْكِے، كَدَ كَيِ سَوْرِنْ نُونَ كَنْكَ كَيْ وَنِ أَبُ نٜىٰ، كُواْ كَڟَيَ أَوُرِنْ مَنْيَنْ مُتَنٜىٰ،

7غَمَا ڠُومَّ أَ ضُواْڧٜىٰكَ كَهَوْ ذُوَا بَبَّرْ كُجٜىٰرَ، دَ عَڧَسْڧَنْتَرْ دَكَيْ أَغَبَنْ مَنْيَ؞ أَبِنْ دَ عِدَنُونْكَ سُكَ غَنِ،

8كَدَ كَيِ سَوْرِنْ كَيْوَ عَكُواْتُ، دُواْمِنْ كَدَ كَرَسَ أَبِنْدَ ذَاكَيِ عَڧَرْشٜىٰ، سَعَدَّ مَڨُوبْثِنْكَ يَڧَسْڧَنْتَرْ دَكَيْ؞

9دَيْدَيْتَ دَامُوَرْكَ دَ مَڨُوبْثِنْكَ، كَدَ كَتُواْنَ أَسِيرِنْ مَڨُوبْثِنْكَ،

10دُواْمِنْ كَدَ مَاسُ جِنْكَ سُسَا كَجِكُنْيَا، مُتُنْثِنْكَ كُمَ يَڢَاطِ أَعِدُوانْ جَمَعَ؞

11مَغَنَرْ دَتَڢِتُواْ دَيْدَيْ تَكٜىٰ، كَمَرْ أَدُوانْ ظِينَارِيَرْ دَ عَكَيِ عَكَنْ أَظُرْڢَا؞

12كَسَ كُنّٜىٰ غَ ڟَاوَتَرْوَرْ مَيْ حِكِمَ، يَڢِ كَايَنْ أَدُوانْ دَ عَكَيِ دَ ظِينَارِيَ ظَلَّ؞

13طَنْ عَيْكَ مَيْ أَمِنْثِ يَكَنْسَا ظُكَاتَنْ مَاسُ عَيْكَنْسَ سُوَرْوَارٜىٰ، كَمَرْ سَنْيِنْ ڧَنْڧَرَ نٜىٰ أَ لُواْكَثِنْ ذَاڢِنْ عَيْكِ؞

14مُتُمِنْ دَ يَيِ أَلْڧَوَرِنْ بَ دَ ݣَوْتَا عَمَّا بَيْ بَايَرْبَ، شِ كَمَرْ إِسْكَ دَ غِذَغِظَيْ مَرَرْ ضُوَنٜىٰ؞

15دَحَڧُرِ نٜىٰ أَنَ عِيَ رِنْجَيَرْ مَيْ إِيكُواْ، هَرْشٜىٰ مَيْ لَوْشِ كُمَ يَكَنْ ڢَسَ ڧَسُسُوَ؞

16عِدَنْ كَسَامِ ظُمَ، شَا دَيْدَيْ ڧَرْڢِنْكَ، يَوَنْ شَنْسَ ذَيْسَا كَيِ أَمَيْ؞

17كَدَ كَدِنْ‌غَ ظِيَارْتَرْ مَڨُوبْثِنْكَ، يَوَنْ زِيَارَرْكَ ذَاتَسَا يَڧِكَ؞

18مَيْ شَيْدَرْ ڧَضْيَا عَكَنْ مَڨُوبْثِنْسَ، شِ كَمَرْ سَنْدَنْ يَاڧِنٜىٰ، كُواْ تَكُواْبِے، كُواْ كِبِيَ مَيْ كَيْڢِنْ بَاكِ؞

19دُواْغَضَ عَكَنْ مَرَرْ أَمِنْثِ أَ لُواْكَثِنْ وَهَلَ يَنَ كَمَرْ هَڧُواْرِنْدَ يَضُٻَنٜىٰ، كُواْ كَمَرْ تَڢِيَ دَ كَرْيَيّٜىٰنْ ڧَڢَا؞

20رٜىٰرَ وَاڧُواْڧِ غَ مَيْ بَڧِنْ ثِكِ كَمَرْ أَنْتُوٻٜىٰ مَسَ رِغَا عَثِكِنْ سَنْيِ نٜىٰ، كُواْ كَمَرْ ضُوً ڟَامِيَ دَ سُواْدَ عَكَنْ رَوْنِ؞

21عِدَنْ مَيْ ڧِنْكَ يَنَ جِنْ يُنْوَ، كَبَاشِ عَبِنْثِ، عِدَنْ كُمَ يَنَ جِنْ ڧِشِنْ ضُوَ، كَبَاشِ ضُوَ يَشَا؞

22تَهَكَ ذَاكَ جِبْغَ غَرْوَشِنْ وُتَا عَكَنْسَ، يَهْوٜىٰهْ كُوَ ذَيْبَاكَ لَادَنْ يِنْ حَكَ؞

23يَدَّ إِسْكَ تَكَنْ كَٰوُاْ ضُوً سَمَ، حَكَ بَاكِ مَيْ بَظَ جِيتَ جِيتَ يَكَنْ كَٰوُاْ ڢُشِے؞

24ڠُومَّ أَ ذَوْنَ عَڧَرَمِنْ طَاكِ أَوَجٜىٰ، دَ أَ ذَوْنَ عَثِكِنْ غِدَا تَرٜىٰدَ مَثٜىٰ مَيْ ڢِتِنَ؞

25كَمَرْ ضُوً سَنْيِ غَ رَنْ مَيْ جِنْ ڧِشِ، حَكَ لَابَرِ مَيْ دَاطِے دَغَ ڧَسَا مَيْ نِيسَ يَكٜىٰ؞

26مَيْ أَدَلْثِنْدَ يَبَرْ مُغُنْتَا تَشَا كَنْسَ، يَنَ كَمَرْ مَٻُٻُّغَرْ دَ تَڧَظَنْتُ كُواْ رِجِيَ مَيْ ضُوً دَڢِ؞

27بَاشِ دَݣَوْ أَشَا ظُمَ دَيَوَ، حَكَمَا يَوَنْ نٜىٰمَنْ غِرْمَ يَكٜىٰ؞

28مُتُمِنْ دَ بَيْ عِيَ كَمٜىٰ كَنْسَبَ، يَنَ كَمَ دَ بِرْنِنْ دَ عَكَ رُشٜىٰ كَتَنْ‌غَرْسَ؞

← Chapter 24 Jump to: Chapter 26 →