Proverbs 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1یَیَنَ، كُسَوْرَرِ هُواْرَرْوَرْ بَابَ، كُكَسَ كُنّٜىٰ كُسَامِ سَنِ دَ غَانٜىٰوَ؞

2غَمَا إِنَبَاكُ ڧَٰعِدُواْدِ مَاسُ ݣَوْ، كَدَ كُرَبُ دَ كُواْيَرْوَاتَا؞

3سَعَدَّ نَكٜىٰ طَنْ يَرُواْ كَطَيْ غَ بَابَنَ، نِے طَنْ غَاتَا نٜىٰ، ڧَوْنَتَثّٜىٰ نٜىٰ غَ مَامَاتَ،

4بَابَنَ يَكُواْيَ مِنِ يَثٜىٰ، «بَرِ ذُوثِيَارْكَ تَرِڧٜىٰ كَلْمُواْمِنْ دَ نَكٜىٰ ڢَطَا مَكَ، كَكِيَايٜىٰ عُمَرْنَيْنَ، كَرَايُ؞

5سَامِ حِكِمَ، سَامِ غَانٜىٰوَ، كَدَ كَمَنْتَا، كُواْ كَجُويَا دَغَ كَلْمُواْمِنْ بَاكِنَ؞

6كَدَ كَرَبُ دَ حِكِمَ، ذَاتَ كُوَ رِڧٜىٰكَ، كَڧَوْنَثٜىٰتَ، ذَاتَ كِيَايٜىٰكَ؞

7مُهِمِّنْ أَبُ شِينٜىٰ سَامُنْ حِكِمَ، ثِكِنْ دُكْ أَبِنْدَ ذَاكَسَامُ، سَامِ غَانٜىٰوَ؞

8إِنْ كَطَوْكَكَاتَ سُواْسَيْ، ذَاتَ طَغَكَ، عِدَنْ كَا ضُنْ‌غُمٜىٰتَ ذَاتَ كَٰوُاْ مَكَ غِرْمَمَاوَا؞

9ذَاتَ ذَمَ هُولَرْ دَرَجَ عَكَنْكَ، ݣَكْݣَوَرْ هُولَرْ يَبُواْ كُمَ؞»

10طَانَ، كَسَوْرَرَ كَكَرْٻِ أَبِنْدَ نَكٜىٰ ڢَطَا، ذَيْسَا كَيِ ڟَوُانْ رَيْ؞

11نَارِغَا نَا كُواْيَ مَكَ حَنْيَرْ حِكِمَ، نَا بِدَكَيْ عَكَنْ هَنْيُواْيِنْ دَسُكٜىٰ دَيْدَيْ؞

12عِدَنْ كَنَ تَڢِيَ، بَابُ أَبِنْدَ ذَيْ حَنَ تَاكَوَرْكَ، عِدَنْ كُمَ كَنَ غُدُ، بَذَاكَيِ تُنْتُٻٜىٰبَ؞

13رِڧٜىٰ كُواْيَرْوَرْ نَنْ دَ ڧَرْڢِے، كَدَ كَرَبُ دَ عِتَ، كِيَايٜىٰتَ دَݣَوْ، غَمَا رَيْ ثٜىٰ أَغَرٜىٰكَ؞

14كَدَ كَشِغَ حَنْيَرْ مُوغَيٜىٰ، كَدَ كُمَ كَيِ تَڢِيَ أَ حَنْيَرْ مَاسُ عَيْكَتَ مُغُنْتَا؞

15كَكَوْثٜىٰ، كَدَ كَبِے، كَجُويَا دَغَ غَرٜىٰتَ، كَيِ تَڢِيَرْكَ دَبَمْ؞

16غَمَا مُوغَيٜىٰنَّنْ بَاسَ بَرْثِ سَيْ سُنْ عَيْكَتَ مُغُنْتَا، بَرْثِ بَايَ كَامَ عِدُوانْسُ سَيْ سُنْ سَا وَنِ يَيِ تُنْتُٻٜىٰ؞

17مُغُنْتَا شِينٜىٰ عَبِنْثِنْسُ، تَادَ ظَوْنٜىٰ ڟَيٜىٰ شِينٜىٰ أَبِنْ شَا نَاسُ؞

18حَنْيَرْ مَاسُ أَدَلْثِے كَمَرْ ٻُلُّواْوَرْ حَصْكٜىٰنْ رَانَ تَكٜىٰ، حَصْكٜىٰنْ دَ يَكَنْيِ تَڧَارُوَ حَرْ يَحَصْكَكَا ثِكَكّٜىٰ إِرِنْ نَڟَكَرْ رَانَ؞

19عَمَّا حَنْيَرْ مُوغَيٜىٰ، كَمَ دَ بَڧِنْ دُهُ تَكٜىٰ، بَاسَ سَنِنْ أَبِنْدَ يَكٜىٰسَا سُيِ تُنْتُٻٜىٰ؞

20طَانَ، كَسَوْرَرِ أَبِنْدَ نَكٜىٰ ڢَطَا، كَكَسَ كُنّٜىٰ غَ كَلْمُواْمِنَ؞

21كَدَ كَبَرْسُ سُرَبُ دَغَ تُنَانِنْكَ، كَأَجِيٜىٰسُ عَثِكِنْ ذُوثِيَارْكَ؞

22غَمَا رَيْ نٜىٰ سُو غَ وَطَنْدَ سُكَ سَامٜىٰسُ، وَرْكٜىٰوَثٜىٰ كُمَ غَ دُكَنْ مُتَنٜىٰنَّنْ؞

23كِيَايٜىٰ ذُوثِيَارْكَ دَ دُكَنْ إِيَاكَثِنْ ڧُواْڧَرِ، غَمَا دَغَ ثِكِنْتَ رَيْ يَكٜىٰ ڢِتُواْوَ كَمَرْ ضُوَ؞

24كَكَوَرْدَ مَغَنَرْ ݣُونَ ݣُونَ، كَكُمَيِ نٜىٰسَ دَ مَغَنَرْ بَاكِ بِيُ؞

25بَرِ عِدَنُونْكَ سُدُوبَ غَبَ سُواْسَيْ، عَكَنْ مَغَنَرْكَ تَبَّتَاثِّيَ ثٜىٰ؞

26تَبَّتَ كَنَ بِنْ حَنْيَرْ دَتَكٜىٰ أَ مِيڧٜىٰ، كَڟَيَ عَكَنْتَ دَرَمْ؞

27كَدَ كَكَوْثٜىٰ دَامَ كُواْ هَغُ، ثِرٜىٰ ڧَڢَرْكَ دَغَ حَنْيَرْ مُغُنْتَا؞

← Chapter 3 Jump to: Chapter 5 →