Proverbs 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1كُجِ! حِكِمَ تَيِ كِرَا! بَسِيرَ تَنَ تَادَ مُرْيَرْتَ؞

2عَكَنْ تُدُ، عَكَنْ حَنْيَ، عِنْدَ هَنْيُواْيِ سُنْ حَطُ، نَنْ تَڟَيَ؞

3عَبَاكِنْ ڧُواْڢُواْڢِنْ شِغَ بِرْنِ، عَڧُواْڢَرْ غَرِ، تَنَ كِرَا دَ بَبَّرْ مُرْيَ؞

4«يَا كُو مَظَا، أَغَرٜىٰكُ نَكٜىٰ كِرَا، كِرَنَ غَ دُكَنْ یَنْ أَدَمْ نٜىٰ؞

5كُو مَرَسَ تُنَانِ، كُكُواْيِ يِنْ وَيُواْ مَنَ! كُو وَوَيٜىٰ، كُنٜىٰمِ غَانٜىٰوَ؞

6كُكَسَ كُنّٜىٰ، غَمَا ذَنْ ڢَطَا مُكُ أَبُبُوَ مَڢِے ݣَوْ، دُكْ أَبِنْدَ نَڢَطَا كُوَ دَيْدَيْنٜىٰ؞

7مَغَنَرْدَ نَڢَطِ غَسْكِيَ ثٜىٰ، مُغُنْتَا أَبِنْ ڨَمَ ثٜىٰ عَبَاكِنَ؞

8دُكَنْ كَلْمُواْمِنْ بَاكِنَ مَاسُ أَدَلْثِے نٜىٰ، بَابُ ٻُواْيٜىٰ ٻُواْيٜىٰ كُواْ ڧَضْيَا عَثِكِنْسُ،

9دُكَنْسُ أَ سَرَرِ سُكٜىٰ غَ مَيْ غَانٜىٰوَ، دَيْدَيْ كُمَ غَ وَطَنْدَ سُكَ سَامِ سَنِ؞

10كُكَرْٻِ هُواْرَرْوَتَ أَمَيْمَكُوانْ أَظُرْڢَا، كُكَرْٻِ سَنِ ڢِيٜىٰدَ ظِينَارِيَ ظَلَّ،

11غَمَا حِكِمَ تَڢِے دُوَڟُو مَاسُ دَرَجَ ݣَوْ، دُكْ أَبُبُوَنْدَ كَڢِسُواْ، بَذَاعَ عِيَ ݣُوتَنْتَاسُ دَ عِتَبَ؞

12«نِثٜىٰ حِكِمَ، إِنَدَ وَيُواْ، إِنَدَ سَنِ، إِنَدَ حَنْكَلِ؞

13ڟُواْرُوانْ يَهْوٜىٰهْ ڧِنْ مُغُنْتَا نٜىٰ؞ غِرْمَنْ كَيْ دَ طَغَ كَيْ دَ هَنْيُواْيِنْ مُغُنْتَا، دَ مَغَنْ‌غَنُنْ رُوطُ، إِنَ ڧِنْسُ؞

14إِنَدَ شَوَرَا دَ عَيْنِحِنْ حِكِمَ، إِنَدَ غَانٜىٰوَ، إِنَدَ ڧَرْڢِے؞

15تَوُرِينَ سَرَاكُنَ سُكٜىٰ مُلْكِ، مَاسُ مُلْكِ سُنَ كَڢَ دُواْكُواْكِنْ غَسْكِيَ؞

16تَوُرِينَ سَرَاكُنَ سُكٜىٰ مُلْكِ، حَكَمَا شُوغَبَنِّ، مَاسُ شَرِيعَرْ غَسْكِيَ؞

17إِنَ ڧَوْنَرْ وَطَنْدَ سُكٜىٰ ڧَوْنَتَ، وَطَنْدَ سُكَ نٜىٰمٜىٰنِ دَ غَسْكٜىٰ ذَاسُ سَامٜىٰنِ؞

18دُوكِيَ دَ غِرْمَمَاوَا ذَنْ بَايَرْ، عِ، حَرْ مَا دَ تَبَّتَاثّٜىٰنْ أَرْزِڧِ دَ لَادَنْ أَدَلْثِے؞

19أَمْڢَانِنْ دَ ذَاكَسَامُ أَغَرٜىٰنِ، يَڢِ ظِينَارِيَ، عِ مَا، ظِينَارِيَرْ ظَلَّ، يَڢِ أَظُرْڢَرْ دَ عَكَ تَاثٜىٰ؞

20عَكَنْ حَنْيَرْ أَدَلْثِے نَكٜىٰ تَڢِيَ، دَ كُمَ عَكَنْ هَنْيُواْيِنْ شَرِيعَرْ غَسْكِيَ،

21إِنَ سَا مَاسُ ڧَوْنَتَ سُغَاجِ دُوكِيَ، طَكُنَنْسُ كُمَ سُثِكَ سُواْسَيْ؞

22«نِثٜىٰ ڢَرْكُوانْ حَلِتَّرْ دَ يَهْوٜىٰهْ يَيِ، كَاڢِنْ يَيِ كُواْمٜىٰ؞

23تُنْ كَاڢِنْ زَامَانِنْ ذَامَانَيْ عَكَ كَڢَنِ، كَاڢِنْ مَا عَيِ دُونِيَا؞

24كَاڢِنْ عَيِ ظُرْڢَڢَّنْ ضُوَيٜىٰ، إِنَانَنْ، كَاڢِنْ مَا عَيِ مَٻُٻُّغَرْ ضُوَ؞

25كَاڢِنْ عَكَڢَ مَنْيَنْ تُدَّيْ، إِنَانَنْ، كَاڢِنْ مَا عَكَڢَ تُدَّيْ أَوُرَارٜىٰنْسُ؞

26كَاڢِنْ مَا اللَّهْ يَيِ دُونِيَا دَ ڢِيلَيٜىٰنْتَ، كَاڢِنْ أَ ڢِتَرْدَ ڨُويَرْ ڧَسَا تَڢَرْكُواْ، إِنَانَنْ؞

27إِنَ نَنْ لُواْكَثِنْ دَ يَيِ سَمَّيْ، دَ يَظَانَ لَيِنْ إِيَاكَ أَ ڢُسْكَرْ ظُرْڢَڢَّنْ ضُوَيٜىٰ،

28دَ يَيِ غِرْغِجٜىٰ أَسَرَرِنْ سَمَ، دَ يَكَڢَ مَٻُٻُّغَنْ ظُرْڢَڢَّنْ ضُوَيٜىٰ،

29دَ يَكَڢَ وَ تٜىٰكُ إِيَاكَ، كَدَ ضُوَ يَوُثٜىٰ وُرِنْ دَ عَكَ عُمَرْتَ، دَ يَكَڢَ تُوشٜىٰنْ دُونِيَا؞

30نِے حِكِمَ إِنَانَنْ تَرٜىٰ دَشِ، كَمَرْ ڠُونِنْ عَيْكِ؞ نِثٜىٰ كُلُّمْ أَبِنْدَ يَكٜىٰجِنْ دَاطِنْتَ، كُواْيَوْشٜىٰ إِنَ ڢَضٍ ثِكِ أَغَبَنْسَ،

31إِنَ ڢَضٍ ثِكِ دَ دُونِيَرْسَ غَبَاطَيَ، إِنَ كُمَ جِنْ دَاطِنْ یَنْ أَدَمْ؞

32«يَنْذُ، یَیَنَ، كُكَسَ كُنّٜىٰ غَرٜىٰنِ، مَاسُ أَلْبَرْكَ نٜىٰ وَطَنْدَ سُكٜىٰ كِيَايٜىٰ حَنْيَتَ؞

33كُجِ هُواْرَرْوَتَ، كُذَمَ مَاسُ حِكِمَ، كَدَ كُڨَلٜىٰتَ؞

34مَيْ أَلْبَرْكَ نٜىٰ مُتُمِنْدَ يَسَوْرَرَتَ، كُواْيَوْشٜىٰ يَنَ ڟَيٜىٰ عَبَاكِنْ ڧُواْڢَتَ، يَنَ جِرَا عَڧُواْڢَرْ شِغَ غِدَانَ؞

35غَمَا دُكْ وَنْدَ يَسَامٜىٰنِ، يَسَامِ رَيْ، عَلَمَرْ سَامُنْ ڢَضٍ جِنِ دَغَ وُرِنْ يَهْوٜىٰهْ نٜىٰ؞

36عَمَّا دُكْ وَنْدَ بَيْ سَامٜىٰنِبَ، ثُوتَرْ كَنْسَ يَيِ، دُكْ وَنْدَ يَڧِنِ، مُتُوَ يَكٜىٰسُواْ؞»

← Chapter 7 Jump to: Chapter 9 →