Proverbs 16

Hausa Arabic 2020 (أَتَّوْرَتْ دَ أَنَّبَاوَا)

← Chapter 15 Jump to: Chapter 17 →

1شِرْيٜىٰ شِرْيٜىٰنْ ذُوثِيَا، نَمُتُمْ نٜىٰ، عَمَّا أَمْسَرْ، تَ يَهْوٜىٰهْ ثٜىٰ؞

2أَغَنِنْ مُتُمْ، دُكَنْ أَيُّكَنْسَ دَيْدَيْ سُكٜىٰ، عَمَّا يَهْوٜىٰهْ نٜىٰ مَيْ عَوْنَ نُڢِنْ ذُوثِيَارْسَ؞

3دَنْڧَ وَ يَهْوٜىٰهْ أَيُّكَنْكَ، شِرْيٜىٰ شِرْيٜىٰنْكَ كُوَ ذَاسُ كَيْ غَ نَصَرَا؞

4كُواْوَنٜىٰ أَبِنْدَ يَهْوٜىٰهْ يَيِ يَنَدَ مَعَنَ، عِ، حَرْ مَا مُوغُ سَبُواْدَ رَانَرْ عَذَابَ؞

5كُواْوَنٜىٰ مَيْ غِرْمَنْ كَيْ، أَبِنْ ڨَمَ نٜىٰ غَ يَهْوٜىٰهْ ، بَابُ شَكَّ، بَذَيْ كُٻُتَ دَغَ حُكُنْثِبَ؞

6تَوُرِنْ ڧَوْنَ دَ أَمِنْثِ عَكَنْ غَاڢَرْتَا وَمُتُمْ لَيْڢِے، تَوُرِنْ ڟُواْرُوانْ يَهْوٜىٰهْ كُمَ، مُتُمْ يَكَنْ كَوْثٜىٰ وَمُغُنْتَا؞

7عِدَنْ رَايُوَرْ مُتُمْ يَغَمْشِ يَهْوٜىٰهْ ، يَهْوٜىٰهْ يَكَنْسَا حَرْ أَبُواْكَنْ غَابَنْ مُتُمِنْ سُيِ ذَمَنْ لَاڢِيَ دَشِ؞

8ڠُومَّ كَطَنْ دَ مَيْ أَدَلْثِے يَكٜىٰدَشِ، دَ مَيْ يَوَ وَنْدَ عَكَ سَامُ تَهَنْيَرْ رَشِنْ غَسْكِيَ؞

9مُتُمْ يَ عِيَيِنْ شِرْيٜىٰ شِرْيٜىٰ أَ ذُوثِيَارْسَ، عَمَّا يَهْوٜىٰهْ نٜىٰ مَيْ كَيْ مُتُمْ غَ نَصَرَا؞

10مَغَنَ تَبَاكِنْ سَرْكِے كَمَرْ سَڧُوانْ اللَّهْ ثٜىٰ، كُلُّمْ يَكَنْ يَنْكٜىٰ شَرِيعَ دَيْدَيْ؞

11يَهْوٜىٰهْ يَنَ سُوانْ مَعَوْنِ دَ مُودُنْ غَسْكِيَ، ڧَٰعِدَرْ دَشِے يَكَڢَ كٜىٰنَنْ؞

12عَيْكَتَ مُغُنْتَا، أَبِنْ ڨَمَ نٜىٰ غَ سَرَاكُنَ، غَمَا أَنْكَڢَ كُجٜىٰرَرْ مُلْكِ عَكَنْ أَدَلْثِنٜىٰ؞

13سَرْكِے يَكَنْ جِ دَاطِنْ مَغَنَرْ غَسْكِيَ، يَنَ سُوانْ مَاسُ ڢَطِنْ غَسْكِيَ سُواْسَيْ؞

14ڢُشِنْ سَرْكِے مَيْ كَٰوُاْ مُتُوَانٜىٰ، عَمَّا وَنْدَ يَكٜىٰدَ حِكِمَ يَكَنْيِ ڧُواْڧَرِ يَڢَرَنْتَ وَ سَرْكِے رَيْ؞

15دُوبَنْ ڢُسْكَرْ أَلْحٜىٰرِ نَسَرْكِے، يَنَ نُڢِنْ تَبَّثِنْ رَيْ، أَلْحٜىٰرِنْسَ كُمَ كَمَرْ غِذَغِظَنْ دَامِنَ مَاسُ كَٰوُاْ ضُوً سَمَ نٜىٰ؞

16ڠُومَّ أَ سَامِ حِكِمَ دَ أَ سَامِ ظِينَارِيَ، ڠُومَّ أَ ذَاٻِ غَانٜىٰوَ دَ أَ ذَاٻِ أَظُرْڢَا؞

17حَنْيَرْ رَايُوَرْ مَيْ أَدَلْثِے تَنَ كَوْثٜىٰ وَمُغُنْتَا، وَنْدَ يَكُلَ دَ حَنْيَرْسَ، رَايُوَرْسَ ثٜىٰ يَكٜىٰ كِيَايٜىٰوَا؞

18غِرْمَنْ كَيْ يَكَنْ كَيْ غَ هَلَّكَ، طَغَ كَيْ كُمَ يَكَنْ كَيْ غَ ڢَاطُوَ؞

19ڠُومَّ مَيْ سَوْڧِنْ كَيْ تَرٜىٰدَ مَاسُ تَلَوْثِ، دَ أَ سَامِ رَبُوانْ كَايَ تَرٜىٰدَ مَاسُ غِرْمَنْ كَيْ؞

20وَنْدَ يَمَيْدَ حَنْكَلِ غَ كُواْيَرْوَا، ذَيْ يَلْوَتَ؞ مَيْ أَلْبَرْكَ نٜىٰ مُتُمْ وَنْدَ يَدُواْغَرَ غَ يَهْوٜىٰهْ ؞

21مَيْ حِكِمَ ذَاعَ كِرَا شِے مَيْ غَانٜىٰوَ، مَغَنَ مَيْ دَاطِے تَكَنْ ڧَارَ سَامُنْ كَرْٻُوَ؞

22حِكِمَ مَٻُٻُّغَ مَيْ بَادَ رَيْ ثٜىٰ غَ وَنْدَ يَكٜىٰدَ عِتَ، عَمَّا وَوَنْثِ يَكَنْ جَٰوُاْوَ وَوَيٜىٰ حُكُنْثِ؞

23مَيْ حِكِمَ يَكَنْ مَيْدَ حَنْكَلِ يَايِنْ دَيَكٜىٰ مَغَنَ، مَغَنَرْسَ كُوَ تَكَنْ ڧَارَ سَامُنْ كَرْٻُوَ؞

24كَلْمُواْمِ مَاسُ دَاطِے سُنَ كَمَ دَ ظُمَ، مَاسُ كَٰوُاْ ذَاڧِ نٜىٰ غَ رَيْ، لَاڢِيَ كُمَ غَ جِكِے؞

25أَغَنِنْ مُتُمْ، أَݣَويْ حَنْيَرْ دَتَكٜىٰ دَيْدَيْ، عَمَّا ڧَرْشٜىٰنْتَ مُتُوَ ثٜىٰ؞

26يُنْوَرْ مَيْ عَيْكِ تَكَنْ سَا يَيِ عَيْكِ دَ ڨُوذُواْ، نٜىٰمَنْ يَڧُواْسَرْدَ ثِكِنْسَ نٜىٰ يَكٜىٰسَا شِ يِنْ عَيْكِ؞

27طَنْ إِسْكَ يَكَنْ ڧُلَّ حَنْيَرْ ثُوتَا، كَلْمُواْمِنْسَ كُمَ سُنَ ڧُونَ كَمَرْ وُتَا؞

28مَيْ رُوطُ يَكَنْ تَادَ ڢَطَ، مَيْ غُلْمَ يَكَنْ رَبَ أَبُواْكَيْ نَكُرْكُسَ؞

29مَيْ تَادَ ظَوْنٜىٰ ڟَيٜىٰ يَكَنْ رُوطِ مَڨُوبْثِنْسَ، حَرْ يَسَا يَبِے حَنْيَرْ دَ بَاتَدَ ݣَوْ؞

30وَنْدَ يَكَنْيِ عَلَمَ دَ عِدُواْ، رُوطُ نٜىٰ يَكٜىٰ شِرِنْيِ، وَنْدَ يَكَنْيِ عَلَمَ دَ بَاكِنْسَ، مُغُنْتَا يَكٜىٰ شِرِنْيِ كٜىٰنَنْ؞

31ڢُرْڢُرَرْ ڟُوڢَ ضَوَنِنْ دَرَجَ ثٜىٰ، سَكَمَكُواْ نٜىٰ غَ رَنْ مَيْ أَدَلْثِے؞

32مُتُمِنْ دَ يَكٜىٰدَ حَڧُرِ يَڢِ وَنْدَ يَكٜىٰدَ إِيكُواْ، وَنْدَ كُمَ يَ عِيَ مَلَّكِ رُوحُنْسَ يَڢِ وَنْدَ يَثِ بِرْنِ؞

33عَكَنْجٜىٰڢَ ڧُرِعَ دُواْمِنْ سَنِنْ أَبِنْدَ يَكَمَاتَ، عَمَّا سَامُنْ أَمْسَ دَغَ وُرِنْ يَهْوٜىٰهْ نٜىٰ كَطَيْ؞

← Chapter 15 Jump to: Chapter 17 →