Proverbs 23

Hausa Arabic 2020 (أَتَّوْرَتْ دَ أَنَّبَاوَا)

← Chapter 22 Jump to: Chapter 24 →

1عِدَنْ كَا ذَوْنَ دُوانْ ثِنْ عَبِنْثِ تَرٜىٰدَ سَرْكِے، لُورَ دَݣَوْ دَ أَبِنْدَ يَكٜىٰ غَبَنْكَ؞

2عِدَنْ كُوَ كَيْ مَيْ سُوانْثِ نٜىٰ، تُواْ، سَيْ كَكَمٜىٰ كَنْكَ؞

3كَدَ كَيِ مَرْمَرِنْ عَبِنْثِنْسَ مَيْ دَاطِے، غَمَا بَ أَبِنْدَ كَكٜىٰ ڟَمَّنِبَ؞

4كَدَ كَغَجِيَرْ دَ كَنْكَ غَرِنْ نٜىٰمَنْ دُوكِيَ، كَيِ أَمْڢَانِ دَ حِكِمَرْكَ كَكَوْثٜىٰ؞

5سَعَدَّ كَكَڢَ عِدُواْ عَكَنْتَ، ذَاتَ شُوطٜىٰ؞ بَاشَكَّ تَكَنْيِ ڢِكَڢِكَيْ تَتَاشِ أَ سَمَ كَمَرْ غَغَّڢَ؞

6كَدَ كَثِ عَبِنْثِنْ مَيْ ضُواْوَ، كَدَ مَا كَيِ مَرْمَرِنْ عَبِنْثِنْسَ مَيْ دَاطِے،

7غَمَا شِے مَيْ تُنَانِنْ أَبِنْ كَشٜىٰوَ نٜىٰ؞ ذَيْثٜىٰ «سَيْ كَثِ كَشَا،» عَمَّا ذُوثِيَارْسَ بَاتَنَنْ أَوُرِنْكَ؞

8طَنْ كَطَنْ دَكَثِ ذَاكَ أَمَيْدَشِ، ذَاكَ كُمَ لَلَتَرْدَ كَلْمُواْمِنْكَ مَاسُ دَاطِے؞

9كَدَ كَيِ مَغَنَ عَكُنّٜىٰنْ وَاوَا، غَمَا ذَيْ رٜىٰنَ حِكِمَرْ كَلْمُواْمِنْ بَاكِنْكَ؞

10كَدَ كَثِرٜىٰ عَلَمَرْ شَيْدَرْ إِيَاكَرْ ڧَسَا تَدَا، كُواْ كَڧٜىٰتَرٜىٰ كَڨُوثٜىٰ ڢِيلَيٜىٰنْ مَرَسَ إِيَايٜىٰ،

11غَمَا مَيْ ڢَنْسَرْسُ مَيْ ڧَرْڢِے نٜىٰ، ذَيْ ڟَيَ مُسُ يَيِ غَابَادَكَيْ؞

12كَمَيْدَ حَنْكَلِ غَ كَرْٻَرْ كُواْيَرْوَا، كُنُّوَنْكَ كُمَ غَ كَرْٻَرْ كَلْمُواْمِنْ سَنِ؞

13كَدَ كَجَنْيٜىٰ حَنُّ دَغَ يِوَيَرُواْ حُواْرُواْ، غَمَا كُواْ كَيِ مَسَ دُوكَ دَ سَنْدَا، بَذَيْ مُتُبَ؞

14غَمَا إِنْ كَايِ مَسَ دُوكَ دَ سَنْدَا، لَلَّيْ كَا كُٻُتَرْدَ رَنْسَ كٜىٰنَنْ دَغَ وُرِنْ ذَمَنْ مَتَتُّو؞

15طَانَ، عِدَنْ كَنَدَ حِكِمَ أَ ذُوثِيَارْكَ، نِے مَا ذُوثِيَاتَ ذَاتَجِ دَاطِے؞

16رَيْنَ ذَيْ يِمُرْنَ عِدَنْ بَاكِنْكَ يَڢِتَرْدَ أَبِنْدَ يَكٜىٰ دَيْدَيْ؞

17كَدَ كَبَرْ ذُوثِيَارْكَ تَيِ كِيشِنْ مَيْ ذُنُوبِ، عَمَّا كَڧَوْنَثِ يَهْوٜىٰهْ دُكَنْ يِنِ؞

18تَيِنْهَكَ، أَݣَويْ سَا رَيْ نَنْ غَبَ، كُمَ بَذَاعَ كَوَرْدَ سَا ذُوثِيَارْكَبَ؞

19يَا طَانَ، كَسَوْرَرَتَ كَسَامِ حِكِمَ، كَبِدَ ذُوثِيَارْكَ أَ حَنْيَرْ دَتَكٜىٰ دَيْدَيْ؞

20كَدَ كَهَطَكَيْ دَ مَاسُ بُغُوَ، كُواْ مَاسُيَوَنْ ثِنْ عَبِنْثِ،

21غَمَا مَاسُ بُغُوَ دَ مَاسُيَوَنْ ثِ ذَاسُ ڧَارَسَ ثِكِنْ تَلَوْثِ، يَوَنْ بَرْثِ ذَيْسَا سُرُڢُ دَ ڟُمُّواْكِ؞

22كَسَ كُنّٜىٰ غَ بَابَنْدَ يَحَيْڢٜىٰكَ، كَدَ كَرٜىٰنَ مَامَرْكَ لُواْكَثِنْ دَ تَڟُوڢَ؞

23كَسَيِ غَسْكِيَ، كَدَ كَسَيَرْ، كَكُمَ سَامِ حِكِمَ دَ هُواْرَرْوَ دَ غَانٜىٰوَ؞

24بَابَنْ طَا مَيْ أَدَلْثِے، يَكَنْيِ ڢَضٍ ثِكِ سُواْسَيْ، مَحَيْڢِنْ طَا مَيْ حِكِمَ مَا يَكَنْجِ دَاطِے؞

25ڢَرَنْتَاوَا بَابَنْكَ دَ مَامَرْكَ رَيْ، بَرِ وَدَّ تَحَيْڢٜىٰكَ كُمَ تَيِ ڢَضٍ ثِكِ؞

26طَانَ، كَبَانِ حَنْكَلِنْكَ، كَڢَ عِدَنُونْكَ كَيِ كُواْيِ دَغَ حَنْيَتَ؞

27غَمَا كَارُوَ ڢَا رَامِ ثٜىٰ مَيْ ظُرْڢِ، مَاتَرْ وَنِ كُمَ، رَامِ ثٜىٰ مَيْ وُيَنْ ڢِتَ؞

28تَكَنْيِ ݣُونْتُواْ كَمَرْ طَنْ ڢَشِ، تَنَ ڧَارَ يَوَنْ مَظَا مَاسُثِنْ أَمَانَ؞

29وَ يَكٜىٰيِنْ «وَيُّواْ»؟ وَ يَكٜىٰدَ بَڧِنْ ثِكِ؟ وَ يَكٜىٰ تَيِنْ ڢَطَ؟ وَ يَكٜىٰ تَيِنْ غُنَغُنِ؟ وَ يَكٜىٰدَ رَوْنُكَ بَادَلِيلِ؟ وَ يَكٜىٰدَ جَجَّيٜىٰنْ إِدَانُو؟

30سَيْ وَنْدَ يَدَطٜىٰ يَنَ شَنْ ضُوً إِنَبِے، وَنْدَ يَيِ تَطَنْطَنَ ضُوً إِنَبِے إِرِ إِرِ؞

31كَدَ كَبَرْ ضُوً إِنَبِے يَجَرَّبْثٜىٰكَ، كُواْدَيَكٜىٰ يَيِجَا يَنَدَ ݣَنْ غَنِ، كُواْدَيَكٜىٰ يَنَ ڨَلْڨَلِ عَثِكِنْ ݣُوڢْ، كُواْدَيَكٜىٰ يَنَ غَنْ‌غَرُواْوَ دَ دَاطِے؞

32عَڧَرْشٜىٰ يَنَ سَارَ كَمَرْ مَثِيجِ مَيْ دَڢِ، يَنَ هَرْبِے كَمَرْ كُنَمَ؞

33عِدَنُونْكَ ذَاسُغَ أَبُبُوَ إِرِ إِرِ، تُنَانِنْكَ ذَيْ رُوطَرْ دَ مَغَنَرْكَ؞

34ذَاكَ ذَمَ كَمَرْ مَيْ ݣُونْثِيَ عَكَنْ تٜىٰكُ، كُواْ كَمَرْ مَيْ لِلُواْ أَ سَمَنْ إِتَاثٜىٰنْ جِضْغٍ ضُوَ؞

35ذَاكَثٜىٰ، «سُنْ بُغٜىٰنِ، عَمَّا بَنْجِ رَوْنِبَ! سُنْيِ مِنِ دُوكَ، عَمَّا بَنْجِ كُواْمٜىٰبَ! يَوْشٜىٰ ذَنْ ڢَرْكَ إِنْ ڧَارَ شَا كُمَ؟»

← Chapter 22 Jump to: Chapter 24 →