Proverbs 28

Hausa Arabic 2020 (أَتَّوْرَتْ دَ أَنَّبَاوَا)

← Chapter 27 Jump to: Chapter 29 →

1مُوغُ يَكَنْ غُدُ بَا مَيْ كُواْرَرْسَ، عَمَّا مَيْ أَدَلْثِے يَنَ يِنْ ذَمَنْسَ أَ سَكٜىٰ كَمَرْ ذَاكِ؞

2ڧَسَا مَيْ عَيْكَتَ ذُنُوبِ، تَكَنْيِ تَثَنْجَ مَاسُ مُلْكِ دَيَوَ؞ عِنْدَ مَيْ مُلْكِ يَكٜىٰدَ غَانٜىٰوَ دَ سَنِ، ڧَسَا تَكَنْ كَڢُ تَكُمَ دَوَّمَ؞

3مَتَلَوْثِ مَيْ دَنّٜىٰ مَرَسَ ڧَرْڢِے كَمَرْ ضُوً ڧَنْڧَرَنٜىٰ مَيْ لَلَتَرْدَ أَمْڢَانِنْ غُواْنَ؞

4مَيْ ڧِنْ بِيَيَّ دَ دُواْكَا يَنَ يَبُوانْ حَلِنْ مُوغَيٜىٰ، عَمَّا مَيْ ڧُواْڧَرِنْ كِيَايٜىٰ دُواْكَا يَنَ غَابَادَ حَلِنْ مُوغَيٜىٰ؞

5مُوغَيٜىٰ بَسُ غَانٜىٰ شَرِيعَرْ غَسْكِيَابَ، عَمَّا مَاسُ نٜىٰمَنْ يَهْوٜىٰهْ سُنْ غَانٜىٰ سُواْسَيْ؞

6ڠُومَّ ذَمَنْ تَلَكَ تَرٜىٰدَ مُتُنْثِ، دَ ذَمَنْ مَيْ أَرْزِڧِ دَ رَايُوَرْ ݣُونَ ݣُونَ؞

7مَيْ كِيَايٜىٰ دُواْكَا، طَا مَيْ حِكِمَنٜىٰ، عَمَّا أَبُواْكِنْ یَنْ إِسْكَ يَكَنْ جَٰوُاْوَ بَابَنْسَ كُنْيَا؞

8وَنْدَ يَتَارَ أَرْزِڧِ تَوُرِنْ ڧَظَامَرْ رِيبَ، يَنَ تَارَ وَوَنِ نٜىٰ مَيْيِ وَتَلَكَاوَا أَلْحٜىٰرِ؞

9عِدَنْ مُتُمْ يَڧِ كَسَ كُنّٜىٰ غَ دُواْكَا، أَدُّعَرْسَ مَا أَبِنْ ڨَمَثٜىٰ؞

10دُكْ وَنْدَ يَسَا مَيْ غَسْكِيَ أَ ظُوثِ يَبِے حَنْيَرْ مُغُنْتَا، شِ دَ كَنْسَ ذَيْ ڢَاطَ ثِكِنْ رَامِنْ، عَمَّا مَرَرْ لَيْڢِے ذَيْسَامِ غَادُواْ مَيْݣَوْ؞

11أَ عِدُوانْ مَيْ أَرْزِڧِ، شِے مَيْ حِكِمَنٜىٰ، عَمَّا تَلَكَ مَيْ غَانٜىٰوَ يَكَنْ تُواْنَ أَسِيرِنْسَ؞

12سَعَدَّ مُتُمِنْ أَدَلْثِے يَثِ نَصَرَا، كُواْوَ دَ كُواْوَ يَكَنْيِ مُرْنَ، عَمَّا سَعَدَّ مُوغُ يَهَوْ مُلْكِ، مُتَنٜىٰ سُكَنْ غُدُ سُٻُيَ؞

13دُكْ وَنْدَ يَرُڢٜىٰ ذُنُبَنْسَ، بَذَيْ ثِيغَبَبَ، عَمَّا وَنْدَ يَڢُرْتَ يَكُمَ ڧِيسُ، ذَيْسَامِ جِنْڧَيْ؞

14مَيْ أَلْبَرْكَنٜىٰ شِے وَنْدَ يَكٜىٰ ڟُواْرُوانْ يَهْوٜىٰهْ كُلُّمْ، عَمَّا شِے وَنْدَ يَتَوْرَرَ ذُوثِيَارْسَ، ذَيْ ڢَاطَ ثِكِنْ مَسِيڢَ؞

15كَمَرْ ذَاكِ مَيْ رُورِ كُواْ بٜىٰيَرْ مَيْ ڢَرَوْتَ، حَكَ مُوغُنْ سَرْكِے مَيْ ڟُواْرَتَرْدَ تَلَكَاوَا يَكٜىٰ؞

16سَرْكِنْ دَ بَاشِ دَ غَانٜىٰوَ مُوغُنٜىٰ مَيْ دَنِّيَ، عَمَّا وَنْدَ يَڧِ ڧَظَامَرْ رِيبَ ذَيْ دَطٜىٰ عَدُونِيَا؞

17مُتُمِنْ دَ أَلْحَكِنْ جِنِنْ وَنِ يَكٜىٰيِ مَسَ دَنِّيَ، ذَيْ يِتَغُدُ حَرْ لُواْكَثِنْ مُتُوَرْسَ، كَدَ وَنِ يَتَيْمَكٜىٰشِ؞

18مَيْ تَڢِيَ ثِكِنْ مُتُنْثِ، ذَاعَ ثٜىٰثٜىٰشِ، عَمَّا مَيْ رَايُوَرْ ݣُونَ ݣُونَ، ذَيْ ڢَاطِ؞

19وَنْدَ يَنُواْمٜىٰ غُواْنَرْسَ ذَيْسَامِ إِسَشّٜىٰنْ عَبِنْثِ، عَمَّا وَنْدَ يَكٜىٰبِنْ أَيُّكَنْ بَنْظَ ذَيْ جَٰوُاْ وَكَنْسَ إِسَشّٜىٰنْ تَلَوْثِ؞

20مَيْ أَمِنْثِ ذَيْثِكَ دَ أَلْبَرْكُ، عَمَّا مَيْ نٜىٰمَنْ سَامُنْ أَرْزِڧِ دَ سَوْرِ، بَذَيْ كُٻُتَ دَغَ حُكُنْثِبَ؞

21نُونَ بَمْبَنْثِ بَا ݣَوْ، دُكْدَهَكَ، دُواْمِنْ سَامُنْ عَبِنْثِ كَطَنْ، مُتُمْ ذَيْ عَيْكَتَ مُغُنْتَا؞

22مَيْ ضُواْوَ يَكَنْ سُواْ يَيِ أَرْزِڧِ دَ سَوْرِ، بَايَ كُوَ تُنَانِ ثٜىٰوَ تَلَوْثِ ذَيْ ڢَاطُواْ مَسَ؞

23دُكْ وَنْدَ يَڟَاوَتَا وَمُتُمْ، ذَيْ كَرْٻِ ڢَضٍ جِنِ دَغَ بَايَ، ڢِيٜىٰدَ مَيْ يَوَنْ يِمَسَ ذَاڧِنْ بَاكِ؞

24دُكْ مَيْيِ وَبَابَنْسَ كُواْ مَامَرْسَ سَاتَا، يَنَ ثٜىٰوَ «أَيْ، وَنَّنْ بَلَيْڢِے بَنٜىٰ،» دَيْدَيْ دَ طَنْ ڢَشِنٜىٰ شِے؞

25مَيْ ݣُوطَيِ يَكَنْ تَادَ ڢَطَ، عَمَّا مَيْ دُواْغَضَ غَ يَهْوٜىٰهْ ذَيْ يَلْوَتَ؞

26مَيْ دُواْغَضَ غَ كَنْسَ وَاوَا نٜىٰ، عَمَّا مَيْ تَڢِيَ دَ حِكِمَ ذَيْ ڟِيرَا؞

27مَيْ بَايَرْوَ حَنُّ سَكٜىٰ غَ تَلَكَاوَا بَذَيْ رَسَ كُواْمٜىٰبَ، عَمَّا مَيْ رُڢٜىٰ عِدُواْ غَ بُڧَاتَرْسُ، ذَيْسَامِ لَعَنَ دَيَوَ؞

28سَعَدَّ مُوغَيٜىٰ سُكَ هَوْ مُلْكِ، مُتَنٜىٰ سُكَنْ غُدُ سُٻُيَ، عَمَّا سَعَدَّ مُوغَيٜىٰ سُكَ مُتُ، مَاسُ أَدَلْثِے سُكَنْ ڧَارُ؞

← Chapter 27 Jump to: Chapter 29 →