Proverbs 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1طَانَ، كَدَ كَمَنْتَادَ كُواْيَرْوَاتَا، عَمَّا كَكِيَايٜىٰ عُمَرْنَيْنَ أَ ذُوثِيَارْكَ،

2غَمَا ذَاسُ ڧَارَ مَكَ ڟَوُانْ رَيْ، ذَاسُ كُوَ بَاكَ سَلَمَ عَيَلْوَثٜىٰ؞

3كَدَ كَبَرْ ڧَوْنَ دَ أَمِنْثِ سُرَبُ دَكَيْ، كَطَوْرَسُ أَوُيَنْكَ، رُبُوتَسُ عَكَنْ أَلُّوانْ ذُوثِيَارْكَ؞

4تَهَكَ ذَاكَسَامِ ڢَضٍ جِنِ دَ أَلْحٜىٰرِ، أَغَبَنْ اللَّهْ دَ كُمَ أَغَبَنْ مُتُمْ؞

5دُواْغَضَ غَ يَهْوٜىٰهْ دَ دُكَنْ ذُوثِيَارْكَ، كَدَ كَدُواْغَرَ غَ غَانٜىٰوَرْكَ؞

6أَ دُكَنْ هَنْيُواْيِنْ رَايُوَرْكَ كَغِرْمَمَشِ، شِيكُوَ ذَيْ دَيْدَيْتَ هَنْيُواْيِنْكَ؞

7كَدَ كَطَوْكِ كَنْكَ مَيْ حِكِمَنٜىٰ، كَجِڟُواْرُوانْ يَهْوٜىٰهْ ، كَرَبُ دَ مُغُنْتَا؞

8وَنَّنْ ذَيْ كَٰوُاْ لَاڢِيَ غَ جِكِنْكَ، وَرْكٜىٰوَ كُمَ غَ ڧَسُسُوَنْكَ؞

9غِرْمَمَ يَهْوٜىٰهْ دَ أَبِنْدَ كَكٜىٰ دَشِ، دَ نُونً ڢَارِ نَدُكَنْ أَمْڢَانِنْ غُواْنَرْكَ؞

10تَهَكَ ضُمْبُنَنْكَ ذَاسُثِكَ دَ أَلْبَرْكُ، رَنْدُنَنْ ضُوً إِنَبِنْكَ كُمَ ذَاسُثِكَ ڢَلْ؞

11طَانَ، كَدَ كَڧِ حُواْرُوانْ يَهْوٜىٰهْ ، كُواْ كَغَجِ دَ ڟَاوَتَرْوَرْسَ؞

12غَمَا وَنْدَ يَهْوٜىٰهْ يَكٜىٰ ڧَوْنَ، شِ يَكٜىٰ ڟَاوَتَا مَسَ، يَدَّ بَابَ يَكٜىٰيِ وَطَنْ دَيَكٜىٰ بُغَ ڧِرْجِ عَكَنْسَ؞

13مَيْ أَلْبَرْكَ نٜىٰ مُتُمِنْدَ يَسَامِ حِكِمَ، وَنْدَ كُمَ يَسَامِ ڢَهِمْتَ؞

14غَمَا رِيبَرْ حِكِمَ تَڢِے تَأَظُرْڢَ، دَرَجَرْتَ تَڢِے تَظِنَرِيَ؞

15تَا ڢِے دُوڟٜىٰ مَيْ دَرَجَ ڟَادَ، بَا أَبِنْدَ ذَاعَ ڠُودَ دَ عِتَ؞

16دَ حَنُّنْ دَامَنْتَ، حِكِمَ تَكَنْ بَادَ ڟَوُانْ رَيْ؞ دَ حَنُّوَنْتَ، تَكَنْ بَادَ دُوكِيَ دَ غِرْمَ؞

17هَنْيُواْيِنْتَ هَنْيُواْيِنْ ڢَرَنْتَ رَيْ نٜىٰ، دُكَنْسُ كُوَ نَسَلَمَنٜىٰ؞

18حِكِمَ إِتَاثٜىٰنْ رَيْ ثٜىٰ غَ وَطَنْدَ سُكَ سَامٜىٰتَ، مَاسُ أَلْبَرْكَ نٜىٰ وَطَنْدَ سُكَ رِڧٜىٰتَ؞

19تَوُرِنْ حِكِمَ ثٜىٰ، يَهْوٜىٰهْ يَكَڢَ دُونِيَا، تَوُرِنْ غَانٜىٰوَ كُمَ يَشِمْڢِطَا سَمَّيْ؞

20تَوُرِنْ سَنِنْسَ ظُرْڢَڢَّنْ كُواْغُنَ سُكَ بُوطٜىٰ، غِذَغِظَيْ كُمَ سُكَ ظُبُواْ دَ ضُوَ؞

21طَانَ، كَدَ كَبَرْ وَطَنَّنْ سُرَبُ دَكَيْ، كَرِڧٜىٰ حِكِمَ دَ حَنْكَلِ كَمْكَمْ؞

22ذَاسُ ذَمَ رَيْ أَغَرٜىٰكَ، ݣَكْݣَاوَا كَمَرْ كَايَنْ أَدُواْ أَوُيَنْكَ؞

23دَ حَكَ ذَاكَيِ تَڢِيَ أَ حَنْيَرْكَ لَاڢِيَ، بَ كُوَ ذَاكَيِ تُنْتُٻٜىٰبَ؞

24سَعَدَّ كَݣُونْتَ بَذَاكَ جِڟُواْرُواْ بَ، حَڧِيڧَ، سَعَدَّ كَݣُونْتَ ذَاكَيِ بَرْثِ مَيْ لَاڢِيَ؞

25بَذَاكَجِڟُواْرُوانْ عَذَابَرْ دَ تَذُواْ ڢَرَتْ طَيَبَ، كُواْ هَلَّكَرْ دَ ذَاتَ ڢَاطُواْوَ مُوغَيٜىٰ كَمَرْ هَدَرِ؞

26غَمَا يَهْوٜىٰهْ ذَيْ ذَمَ أَبِنْ دُواْغَضَرْكَ، شِ ذَيْ كِيَايٜىٰ ڧَڢَرْكَ دَغَ شِغَ تَرْكُواْ؞

27كَدَ كَجَنْيٜىٰ أَلْحٜىٰرِ دَغَ وَطَنْدَ سُنْ ثَنْثَنْتَ عَيِ مُسُ، سَعَدَّ إِيكُوانْ يِنْ حَكَ يَنَ حَنُّنْكَ؞

28كَدَ كَثٜىٰ وَمَڨُوبْثِنْكَ، «كَتَڢِے، سَيْ غُواْبٜىٰ ذَنْبَاكَ،» غَاشِ، كَنَ عِيَ بِيَ مَسَ بُڧَاتَ؞

29كَدَ كَشِرْيَ وَ مَڨُوبْثِنْكَ مُغُنْتَا، مَڨُوبْثِنْ دَ كُكٜىٰ ذَمَ ثِكِنْ أَمِنْثِ تَرٜىٰ؞

30كَدَ كَيِ غَرْدَمَ دَ وَنِ بَادَلِيلِ، سَعَدَّ بَيْيِ مَكَ لَيْڢِے بَ؞

31كَدَ كَيِ كِيشِنْ مَاسُ تَادَ حَنْكَلِ، كُواْ كَذَاٻِ وَتَ حَنْيَرْ رَايُوَرْسَ،

32غَمَا يَهْوٜىٰهْ يَنَ ڨَمَرْ مَيْ حَلِنْ رُوطُ، عَمَّا يَنَ أَمِنْثٜىٰوَ دَ مَيْ غَسْكِيَ أَ ظُوثِ؞

33لَعَنَرْ يَهْوٜىٰهْ تَنَ كَنْ غِدَنْ مُوغُ، عَمَّا يَكَنْ سَا وَغِدَنْ مَيْ أَدَلْثِے أَلْبَرْكَ؞

34يَنَ رٜىٰنَ مَاسُ دَارِيَارْ رٜىٰنِ، عَمَّا يَنَ بَادَ أَلْحٜىٰرِ غَ مَاسُ سَوْڧِنْ كَيْ؞

35مَيْ حِكِمَ يَكَنْ سَامِ غِرْمَ، عَمَّا وَاوَا يَكَنْ شَا كُنْيَا؞

← Chapter 2 Jump to: Chapter 4 →