Proverbs 15

Hausa Arabic 2020 (أَتَّوْرَتْ دَ أَنَّبَاوَا)

← Chapter 14 Jump to: Chapter 16 →

1أَمْسَاوَا أَ حَنْكَلِ تَكَنْ ݣُونْتَرْدَ ڢُشِے، عَمَّا يِنْ مَغَنَ دَ ذَاڢِ تَنَ تَادَ ڢُشِے؞

2هَرْشٜىٰ مَيْ حِكِمَ يَنَ بَادَ سَنِ، عَمَّا بَاكِنْ وَاوَا يَنَ ظُبَرْدَ وَوَنْثِ؞

3إِدَانُنْ يَهْوٜىٰهْ سُنَ كُواْعِنَ، سُنَ لُورَ دَ مَاسُ مُغُنْتَادَ مَاسُ كِرْكِ؞

4هَرْشٜىٰ مَيْ مَغَنَرْ أَلْحٜىٰرِ إِتَاثٜىٰ مَيْ بَادَ رَيْ نٜىٰ، عَمَّا مُنَاڢُنْثِنْ مَغَنَ يَنَ كَشٜىٰ رُوحُ؞

5وَاوَا يَكَنْ رٜىٰنَ هُواْرَرْوَرْ بَابَنْسَ، عَمَّا دُكْ مَيْ كَسَ كُنّٜىٰ غَ ڟَاوَتَرْوَ مَيْ حِكِمَ نٜىٰ؞

6أَغِدَنْ مَيْ أَدَلْثِے أَݣَويْ أَجِيَرْ أَرْزِڧِ مَيْ يَوَ، عَمَّا أَرْزِڧِنْ مُوغُ ذَيْ شَا وَهَلَ؞

7بَاكِنْ مَيْ حِكِمَ يَنَ رَرَّبَ سَنِ، عَمَّا ذُوثِيَارْ وَاوَا بَا تَيِنْ حَكَ؞

8هَدَايَرْ مُوغُ أَبِنْ ڨَمَ ثٜىٰ غَ يَهْوٜىٰهْ ، عَمَّا يَهْوٜىٰهْ يَنَ جِنْ دَاطِنْ أَدُّعَرْ مَيْ غَسْكِيَ أَ ظُوثِ؞

9حَنْيَرْ مُوغُ أَبِنْ ڨَمَ ثٜىٰ غَ يَهْوٜىٰهْ ، عَمَّا يَنَ ڧَوْنَرْ وَنْدَ يَكٜىٰيِنْ أَدَلْثِے؞

10هُواْرَرْوَ مَيْ ذَاڢِ نٜىٰ دُواْمِنْ مَيْ ڧِنْ حَنْيَرْ غَسْكِيَ، مَيْ ڧِنْ كَرْٻَرْ ڟَاوَتَرْوَ كُمَ مُتُوَ ذَيْ يِ؞

11أَسِيرِنْ وُرِنْ ذَمَنْ مَتَتُّو دَ هَلَّكَ يَنَ عَبُوطٜىٰ أَغَبَنْ يَهْوٜىٰهْ ، بَلّٜىٰ مَا ظُكَاتَنْ یَنْ أَدَمْ!

12مَيْ رٜىٰنِ بَايَسُواْ أَڟَاوَتَا مَسَ، بَايَ نٜىٰمَنْ شَوَرَا دَغَ وُرِنْ مَاسُ حِكِمَ؞

13ذُوثِيَارْ مُرْنَ تَكَنْ سَا مُرْمُشِ أَ ڢُسْكَ، عَمَّا ٻَثِنْ ذُوثِيَا تَكَنْ كَشٜىٰ رُوحُ؞

14ذُوثِيَا مَيْ غَانٜىٰوَ تَكَنْ نٜىٰمِ سَنِ، عَمَّا بَاكِنْ وَاوَا، عَبِنْثِنْسَ وَوَنْثِنٜىٰ؞

15دُكَنْ ݣُونَكِنْ وَطَنْدَ عَكَ دَنّٜىٰ ثِكٜىٰ دَ وَهَلَ سُكٜىٰ، عَمَّا ذُوثِيَا مَيْ مُرْنَ كُلُّمْ تَنَ ثِكِنْ جِنْ دَاطِے؞

16ڠُومَّ كَطَنْ تَرٜىٰدَ ڟُواْرُوانْ يَهْوٜىٰهْ ، دَ أَ سَامِ أَرْزِڧِ مَيْ يَوَ تَرٜىٰدَ وَهَلَ؞

17ڠُومَّ عَثِ عَبِنْثِ مَرَرْ غِشِرِ عِنْدَ أَݣَويْ ڧَوْنَ، دَ عَثِ نَامَ مَيْݣَوْ عِنْدَ أَݣَويْ ڧِيَيَّ؞

18مَيْ ذَاڢِنْ رَيْ يَكَنْ تَادَ ڢَطَ، عَمَّا مَرَرْ سَوْرِنْ ڢُشِے يَكَنْ ݣُونْتَرْدَ ڢَطَ؞

19حَنْيَرْ مَيْ ڧِوِيَ ثِكٜىٰ تَكٜىٰدَ ڧَيُواْيِ، عَمَّا حَنْيَرْ مَيْ غَسْكِيَ أَ ظُوثِ أَ مِيڧٜىٰ تَكٜىٰ؞

20طَا مَيْ حِكِمَ يَكَنْسَا بَابَنْسَ يَجِ دَاطِے؞ عَمَّا وَوَنْ مُتُمْ يَكَنْ رٜىٰنَ مَامَرْسَ؞

21وَوَنْثِ أَبِنْ ڢَضٍ ثِكِ نٜىٰ غَ مَرَرْ حَنْكَلِ، عَمَّا مَيْ ڢَهِمْتَ يَنَ يِنْ رَايُوَرْسَ دَيْدَيْ؞

22عِدَنْ بَابُ شَوَرَا، شِرِ يَكَنْ لَلَثٜىٰ، عَمَّا تَرٜىٰدَ شَوَرَا مَيْ يَوَ، أَݣَويْ ثِنْ نَصَرَا؞

23كُواْوَ يَكَنْ جِ دَاطِنْ أَمْسَرْ دَ تَيِ دَيْدَيْ، أَبُ مَيْݣَوْ نٜىٰ مَغَنَ تَڢِتَ أَدَيْدَيْ لُواْكَثِ؞

24حَنْيَرْ مَيْ حِكِمَ تَنَ هَوْرَاوَا ذُوَا رَيْ، دُواْمِنْ تَكِيَايٜىٰشِ دَغَ غَنْ‌غَرُواْوَ ذُوَا وُرِنْ ذَمَنْ مَتَتُّو؞

25يَهْوٜىٰهْ يَكَنْ رُشٜىٰ غِدَنْ مَيْ غِرْمَنْ كَيْ، عَمَّا يَكَنْ كِيَايٜىٰ إِيَاكَرْ ڢِيلِنْ مَثٜىٰ وَدَّ مِجِنْتَ يَمُتُ؞

26تُنَانِنْ مُوغُ، أَبِنْ ڨَمَ نٜىٰ غَ يَهْوٜىٰهْ ، عَمَّا كَلْمُواْمِنْ أَلْحٜىٰرِ، أَبِنْ كَرْٻَ نٜىٰ؞

27مَيْ ݣُوطَيِنْ سَامُنْ كُطِ تَهَنْيَرْ ثُوتَا يَكَنْ جَٰوُاْوَ عِيَلِنْسَ دُكَ وَهَلَ، عَمَّا وَنْدَ يَڧِ ثِنْ حَنْثِ، ذَيْ رَايُ؞

28ذُوثِيَارْ مَيْ أَدَلْثِے تَكَنْيِ تُنَانِ كَاڢِنْ تَبَادَ أَمْسَ، عَمَّا بَاكِنْ مُوغُ يَكَنْ ظُبَرْدَ مُوغُوَرْ مَغَنَ؞

29يَهْوٜىٰهْ يَنَ يِنْ نٜىٰسَ دَ مُوغُ، عَمَّا يَنَ كَسَ كُنّٜىٰ غَ أَدُّعَرْ مَيْ أَدَلْثِے؞

30مُرْمُشِ يَنَ سَا مُتُمْ يَيِ مُرْنَ، لَابَرِ مَيْ دَاطِے يَكَنْ كَٰوُاْ لَاڢِيَرْ جِكِے؞

31مَيْ كَسَ كُنّٜىٰ غَ ڟَاوَتَرْوَ مَيْ بَادَ رَيْ ذَيْ كَسَنْثٜىٰ عَثِكِنْ مَاسُ حِكِمَ؞

32وَنْدَ يَڧِ كَرْٻَرْ هُواْرَرْوَ، رٜىٰنَ كَنْسَ يَكٜىٰيِ، عَمَّا وَنْدَ يَكَسَ كُنّٜىٰ غَ ڟَاوَتَرْوَ ذَيْسَامِ حِكِمَ؞

33ڟُواْرُوانْ يَهْوٜىٰهْ كُواْيَرْوَرْ حِكِمَ ثٜىٰ؞ سَوْڧِنْ كَيْ كُمَ يَكَنْ كَيْ غَ غِرْمَمَاوَا؞

← Chapter 14 Jump to: Chapter 16 →