Proverbs 26

Hausa Arabic 2020 (أَتَّوْرَتْ دَ أَنَّبَاوَا)

← Chapter 25 Jump to: Chapter 27 →

1كَمَرْ ڧَنْڧَرَ أَ لُواْكَثِنْ ذَاڢِ كُواْ ضُوً سَمَ أَ لُواْكَثِنْ غِرْبِے، حَكَ كُوَ غِرْمَ بَيْ دَاثٜىٰ دَ وَاوَابَ؞

2لَعَنَ بَذَاتَثِ مُتُمْ مَرَرْ لَيْڢِے بَ؞ تَنَ كَمَ دَ ڟُنْڟَيٜىٰنْ دَسُكٜىٰ تَاشِ سَمَ، سُنَ تَڢِيٜىٰ تَڢِيٜىٰ بَاسَ سَوْكَ ڧَسَا؞

3بُلَلَ دُواْمِنْ دُواْكِ، لِنْظَمِ دُواْمِنْ جَاكِ، سَنْدَنْ دُوكَ كُمَ دُواْمِنْ وَوَيٜىٰ؞

4كَدَ كَبَا وَاوَا أَمْسَ بِسَغَ وَوَنْثِنْسَ، دُواْمِنْ كَدَ كَذَمَ كَمَرْسَ؞

5أَمْسَ وَوَوَ بِسَغَ وَوَنْثِنْسَ، دُواْمِنْ كَدَ يَغَ كَنْسَ شِے مَيْ حِكِمَنٜىٰ؞

6مَيْ عَيْكَ دَ سَڧُواْ تَهَنُّنْ وَاوَا، كَمَرْ مَيْ ثِثِّرٜىٰ يَڟُنْ ڧَڢَاڢُنْسَ نٜىٰ، كُواْ كُوَ مَيْ نٜىٰمَ وَكَنْسَ شَنْ وَهَلَ؞

7كَرِنْ مَغَنَ عَبَاكِنْ وَاوَا كَمَرْ ڧَڢَاڢُنْ غُرْغُنْ دَسُكٜىٰ أَ مُرْطٜىٰ نٜىٰ؞

8كَمَرْ يَدَّ بَعَطَوْرَ دُوڟٜىٰ ثِكِنْ مَجَجَّوَ، حَكَمَا بَعَبَادَ غِرْمَ غَ وَاوَا؞

9كَرِنْ مَغَنَ عَبَاكِنْ وَاوَا، يَنَ كَمَ دَ إِتَاثٜىٰنْ ڧَيَ وَنْدَ مَيْ بُغُوَ يَنَ وَسَ دَشِ؞

10كَمَرْ مَيْ هَرْبِنْ دَ يَكَنْيِ هَرْبِے بَرْكَتَيْ يَيِ وَكُواْوَ رَوْنِ، حَكَ وَنْدَ يَطَوْكِ وَاوَا عَيْكِ يَكٜىٰ، حَكَ وَنْدَ يَطَوْكِ مَاسُ وُثٜىٰوَ عَيْكِ يَكٜىٰ؞

11كَمَرْ يَدَّ كَرٜىٰ يَكَنْ كُواْمَ غَ أَمَنْسَ، حَكَ وَاوَا يَكَنْ مَيْمَيْتَ وَوَنْثِنْسَ؞

12إِنْ كَغَ وَنْدَ يَغَ كَنْسَ مَيْ حِكِمَنٜىٰ، تُواْ، أَشٜىٰ وَاوَا يَنَدَ سَا رَيْ ڢِيٜىٰ دَشِ؞

13مَيْ ڧِوِيَ يَكَنْثٜىٰ، «بَذَنْ ڢِتَ عَيْكِبَ، أَݣَويْ ذَاكِ عَكَنْ حَنْيَ! أَݣَويْ دُواْدُواْ عَكَنْ تِيتِ!»

14مَيْ ڧِوِيَ يَكَنْيِ تَجُويَاوَا أَغَدُوانْسَ، كَمَرْ يَدَّ ڧُواْڢَ تَكٜىٰ جُويَاوَا أَوُرِے طَيَ؞

15مَيْ ڧِوِيَ يَكَنْسَا حَنُّ عَݣُونُوانْ عَبِنْثِ، عَمَّا يَنَيِ مَسَ نَوْيِ يَكَيْ بَاكِ؞

16مَيْ ڧِوِيَ يَنَ غَنِنْ كَنْسَ مَيْ حِكِمَنٜىٰ ڢِيٜىٰدَ مُتُمْ بَݣَويْ مَاسُ مَيَرْدَ مَغَنَ ثِكِنْ حَنْكَلِ؞

17مُتُمِنْ دَيَكٜىٰ وُثٜىٰوَ سَيْ يَسَا بَاكِ ثِكِنْ ڢَطَنْ دَ بَيْ شَاڢٜىٰشِيبَ، يَنَ كَمَ دَ مَيْ كَامَ كَرٜىٰ تَكُنّٜىٰ؞

18كَمَرْ مَهَوْكَثِنْ دَيَكٜىٰ وَسَ دَ وُتَادَ كِبِيُواْيِ دَ مُتُوَ،

19حَكَنٜىٰ مُتُمِنْدَ يَرُوطِ مَڨُوبْثِنْسَ سَعَنً يَثٜىٰ «أَيْ، إِنَ وَسَنٜىٰ!»

20عِنْدَ بَابُ إِتَاثٜىٰ، وُتَا تَكَنْ مُتُ، عِنْدَ بَابُ مَيْ غُلْمَ مَا، ڢَطَ يَكَنْ ٻَثٜىٰ؞

21كَمَرْ غَاوَايِ يَكٜىٰ غَ غَرْوَشِنْ وُتَا، يَدَّ إِتَاثٜىٰ كُمَ غَ وُتَا، حَكَمَا مَيْ ڢِتِنَ يَكٜىٰ غَ تَادَ ڢَطَ؞

22مَغَنَرْ مَيْ غُلْمَ كَمَرْ عَبِنْثِ مَيْ دَاطِے تَكٜىٰ، يَنَ غَنْ‌غَرُواْوَ حَرْ ثَنْ ثِكِنْ ثِكِ؞

23ذَاڧِنْ بَاكِ تَرٜىٰدَ مُوغُوَرْ ذُوثِيَا، يَنَ كَمَ دَ تُكُنْيَرْ لَاكَ وَدَّ عَكَ شَاڢٜىٰ دَ أَظُرْڢَا؞

24مَيْ ڧِيَيَّ يَكَنْ ٻُواْيٜىٰ ڧِيَيَّرْسَ دَ ذَاڧِنْ مَغَنَ، عَمَّا ذُوثِيَارْسَ ثِكٜىٰ تَكٜىٰدَ ثُوتَا؞

25سَعَدَّ يَيِ مَغَنَ مَيْݣَوْ، كَدَ كَغَسْكَتَشِ، غَمَا ذُوثِيَارْسَ ثِكٜىٰ تَكٜىٰ دَ تُنَانِنْ أَبُبُوَنْ ڨَمَ؞

26كُواْدَيَكٜىٰ ذَيْ ٻُواْيٜىٰ ڧِيَيَّرْسَ دَوَيُواْ، مُغُنْتَارْسَ ذَاتَ تُواْنُ عَثِكِنْ تَارُوانْ جَمَعَ؞

27دُكْ وَنْدَ يَتُواْنَ رَامِنْ مُغُنْتَا شِ ذَيْ ڢَاطِ عَثِكِ، شِے وَنْدَ يَنَ هَوْرَرْ دَ دُوڟٜىٰ، دُوڟٜىٰنْ ذَيْ كُواْمُواْ يَبِے تَكَنْسَ؞

28بَاكِنْ مَيْ ڢَطِنْ ڧَضْيَا يَنَ ڧِنْ وَطَنْدَ يَثُوثٜىٰسُ، مَيْ ذَاڧِنْ بَاكِ كُمَ ٻَرْنَ يَكٜىٰيِ؞

← Chapter 25 Jump to: Chapter 27 →