Proverbs 21

Hausa Arabic 2020 (أَتَّوْرَتْ دَ أَنَّبَاوَا)

← Chapter 20 Jump to: Chapter 22 →

1ذُوثِيَارْ سَرْكِے تَنَ كَمَ دَ ضُوً رَاڢِ أَ حَنُّنْ يَهْوٜىٰهْ ، يَهْوٜىٰهْ يَكَنْ جُويَا شِ دُكْ عِنْدَ يَكٜىٰسُواْ؞

2أَغَنِنْ مُتُمْ، دُكَنْ أَيُّكَنْسَ دَيْدَيْنٜىٰ، عَمَّا يَهْوٜىٰهْ نٜىٰ مَيْ عَوْنَ مَنُڢَرْ ذُوثِيَا؞

3عَيْكَتَ أَدَلْثِے دَ يِنْ غَسْكِيَ يَڢِ هَدَايَ سَامُنْ كَرْٻُوَ أَغَبَنْ يَهْوٜىٰهْ ؞

4طَغَ حَنْثِ دَ ذُوثِيَارْ تَاڧَمَ سُونٜىٰ ڢِتِلَرْ مُوغَيٜىٰ، وَنَّنْ كُوَ ذُنُوبِنٜىٰ؞

5شِرْيٜىٰ شِرْيٜىٰ نَمَيْ ڨُوذُواْ لَلَّيْ سُكَنْ كَيْ غَ يَلْوَتَ، عَمَّا دُكْ مَيْيِنْ أَبُ دَ غَغَّاوَا لَلَّيْ بَذَيْ سَامِ بِيَنْ بُڧَاتَبَ؞

6أَرْزِڧِنْ دَ عَكَتَارَ تَهَنْيَرْ ڧَضْيَا، ڧَارٜىٰوَ يَكَنْيِ كَمَرْ هَيَاڧِے، يَكَنْ كُمَ كَيْ غَ مُتُوَ؞

7حَلِنْ تَادَ ظَوْنٜىٰ ڟَيٜىٰ نَمُوغَيٜىٰ ذَيْ كَوَرْ دَسُو، غَمَا سُنْڧِے يِنْ غَسْكِيَ؞

8حَنْيَرْ مَيْ لَيْڢِے تَنَدَ ݣُونَ ݣُونَ، عَمَّا تَمَيْ ڟَبْتَرْ رَيْ أَ مِيڧٜىٰ تَكٜىٰ؞

9ڠُومَّ أَ ذَوْنَ عَڧَرَمِنْ طَاكِ أَوَجٜىٰ، دَ أَ ذَوْنَ عَثِكِنْ غِدَا تَرٜىٰدَ مَثٜىٰ مَيْ ڢِتِنَ؞

10رَنْ مُوغُ يَكَنْيِ مَرْمَرِنْ يِنْ مُغُنْتَا، بَايَيِ وَمَڨُوبْتَنْسَ جِنْڧَيْ؞

11سَعَدَّ عَكَ حُكُنْتَ مَيْ رٜىٰنِ، كُواْ مَرَرْ تُنَانِ مَا يَكَنْ سَامِ حِكِمَ، سَعَدَّ عَكَيِ وَمَيْ حِكِمَ كُواْيَرْوَا، يَكَنْ ڧَارُ دَ سَنِ؞

12اللَّهْ مَيْ أَدَلْثِے يَنَ سَا عِدُواْ أَغِدَنْ مُوغُ، يَكَنْ ڧَسْڧَنْتَرْدَ مُوغَيٜىٰ حَرْ سُلَلَثٜىٰ؞

13مَيْ رُڢٜىٰ كُنّٜىٰنْسَ غَ جِنْ كُوكَنْ تَلَكَ، شِے مَا بَذَاعَجِ كُوكَنْسَبَ؞

14ݣَوْتَ عَٻُواْيٜىٰ تَكَنْ كَوَرْدَ ڢُشِے، ثِنْ حَنْثِ يَكَنْ ݣُونْتَرْدَ بَبَّنْ ڢُشِے؞

15أَبِنْ ڢَضٍ ثِكِ نٜىٰ غَ مَيْ أَدَلْثِے، عَيِ حُكُنْثِنْ غَسْكِيَ، عَمَّا غَ مُوغَيٜىٰ أَبِنْ بَڧِنْ ثِكِ نٜىٰ؞

16مُتُمِنْدَ يَكَوْثٜىٰ وَ حَنْيَرْ حِكِمَ، ذَيْ هُوتَ عَتَارُوانْ رُوحُواْحِنْ مَتَتُّو؞

17مَيْ يَوَنْ سُوانْ جِنْ دَاطِے ذَيْ تَلَوْثٜىٰ، مَيْ سُوانْ ضُوً إِنَبِے دَ عَبِنْثِ مَيْ ڟَادَ، بَذَيْ يِ دُوكِيَبَ؞

18عَكَنْ بَا مُوغُ وَهَلَ دُواْمِنْ أَ ڢَنْشِ مَيْ أَدَلْثِے، مَرَرْ أَمِنْثِ كُمَ دُواْمِنْ أَ ڢَنْشِ مَيْ غَسْكِيَ أَ ظُوثِ؞

19ڠُومَّ أَ ذَوْنَ أَ هَمَادَ، دَ أَ ذَوْنَ تَرٜىٰدَ مَثٜىٰ مَيْ ڢُشِے، مَيْ ڢِتِنَ؞

20أَغِدَنْ مَيْ حِكِمَ أَݣَويْ أَجِيَرْ دُوكِيَ دَ عَبِنْثِ، عَمَّا وَاوَا يَكَنْ ثِنْيٜىٰ نَاسَ نَنْ دَنَنْ؞

21دُكْ وَنْدَ يَنٜىٰمِ أَدَلْثِے دَ ڧَوْنَ، ذَيْسَامِ رَيْ عَيَلْوَثٜىٰ دَ أَدَلْثِے دَ غِرْمَ؞

22مَيْ حِكِمَ طَيَ يَكَنْثِ بِرْنِ وَنْدَ مَاسُ عِيَ يَاڧِ سُكٜىٰ غَادِنْسَ، حَرْ يَرُشٜىٰ كَتَنْ‌غَرْ دَسُكٜىٰ دُواْغَضَ عَكَيْ؞

23دُكْ مَيْ لُورَ دَ بَاكِنْسَ دَ هَرْشٜىٰنْسَ يَكَنْ كِيَايٜىٰ كَنْسَ دَغَ وَهَلَ؞

24مَيْ غِرْمَنْ كَيْ، مَيْ هُورَ حَنْثِ، أَنَ كِرَنْسَ «مَيْ رٜىٰنِ»؞ دُكْ أَبِنْدَ يَكٜىٰيِ، ثِكِنْ طَغَ كَيْنٜىٰ؞

25مَرْمَرِنْ مَيْ ڧِوِيَ يَكَنْ كَشٜىٰشِ، غَمَا حَنُّوَنْسَ سُنَ ڧِنْ يِنْ عَيْكِ؞

26دُكَنْ يِنِ مُوغُ يَنَ ݣُوطَيِ، عَمَّا مَيْ أَدَلْثِے يَنَ بَايَرْوَ حَنُّ سَكٜىٰ؞

27هَدَايَرْ مُوغُ أَبِنْ ڨَمَنٜىٰ، بَلّٜىٰ ڢَا وَدَّ عَكَ كَٰوُاْ دَ مُوغُنْ نُڢِ؞

28مَيْ شَيْدَرْ ڧَضْيَا ذَيْ هَلَّكَ، عَمَّا وَنْدَ يَيِ عَيْنِحِنْ مَغَنَ، عَكَنْ كَرْٻِ شَيْدَرْسَ؞

29مُوغُ يَكَنْ رِڧٜىٰ ڢُسْكَ كَمَرْ بَا كُواْمٜىٰ، عَمَّا مَيْ غَسْكِيَ أَ ظُوثِ يَكَنْيِ تُنَانِ عَكَنْ حَنْيَرْسَ؞

30بَابُ حِكِمَ، كُواْ غَانٜىٰوَ، كُواْ شَوَرَا وَدَّ ذَاتَثِ نَصَرَا عَكَنْ يَهْوٜىٰهْ ؞

31أَنَ شِرْيَ دُواْكِ دُواْمِنْ رَانَرْ يَاڧِ، عَمَّا نَصَرَا دَغَ يَهْوٜىٰهْ نٜىٰ؞

← Chapter 20 Jump to: Chapter 22 →