Proverbs 20

Hausa Arabic 2020 (أَتَّوْرَتْ دَ أَنَّبَاوَا)

← Chapter 19 Jump to: Chapter 21 →

1ضُوً إِنَبِے مَيْ بَعَ نٜىٰ، أَبِنْ كَٰوُاْ بُغُوَ مَيْ كَٰوُاْ ڢَطَ نٜىٰ؞ بَرِنْ وَنَّنْ يَشَا كَنْسَ ذَيْ حَنَ مُتُمْ سَامُنْ حِكِمَ؞

2ذَاڢِنْ ڢُشِنْ سَرْكِے يَنَ سَا ڢِرْغِتَ كَمَرْ رُورِنْ ذَاكِ، دُكْ مَيْسَا يَيِ ڢُشِے ذَيْ عِيَ رَسَ رَنْسَ؞

3أَبِنْ غِرْمَمَاوَا نٜىٰ مُتُمْ يَجَنْيٜىٰ كَنْسَ دَغَ ڢَطَ، عَمَّا كُواْوَنٜىٰ وَاوَا يَكَنْيِ سَوْرِنْ ڢَطَ؞

4مَيْ ڧِوِيَ بَايَ تَاشِ يَيِ نُواْمَ أَدَيْدَيْ لُواْكَثِ، إِنْ لُواْكَثِنْ غِرْبِے يَيِ، بَايَ سَامُنْ كُواْمٜىٰ؞

5تُنَانِنْ ذُوثِيَارْ مُتُمْ كَمَرْ ضُوَ نٜىٰ مَيْ ظُرْڢِ أَ رِجِيَ، سَيْ مَيْ بَسِيرَ ذَيْ عِيَ جَٰوُاْ شِ؞

6مُتَنٜىٰ دَيَوَ سُكَنْيِ شٜىٰلَرْ ڧَوْنَرْسُ، عَمَّا وَ ذَيْ عِيَ سَامُنْ مَيْ أَمِنْثِ؟

7مَيْ أَدَلْثِے يَنَ تَڢِيَ ثِكِنْ مُتُنْثِ، مَاسُ أَلْبَرْكَ نٜىٰ یَیَنْسَ دَ جِيكُواْكِنْسَ؞

8سَرْكِے مَيْ ذَمَ عَكُجٜىٰرَرْ شَرِيعَ، دَ عِدُوانْسَ يَنَ ڢِڢِّتَرْدَ دُكَنْ مُوغَيٜىٰ؞

9وَنٜىٰنٜىٰ ذَيْ عِيَثٜىٰوَ «نَڟَبْتَثٜىٰ ذُوثِيَاتَ، بَانِدَ سَوْرَنْ ذُنُوبِ»؟

10مَعَوْنِنْ ڧَضْيَا دَ مُودُنْ ثُوتَا، دُكَنْسُ أَبِنْ ڨَمَ نٜىٰ غَ يَهْوٜىٰهْ ؞

11كُواْ يَرُواْ مَا عَكَنْ سَنْ شِ تَأَيُّكَنْسَ، كُواْ عَيْكِنْسَ نَغَسْكِيَانٜىٰ، كُواْ دَيْدَيْنٜىٰ؞

12كُنّٜىٰ دُواْمِنْ جِ، عِدُواْ كُمَ دُواْمِنْ غَنِ، يَهْوٜىٰهْ نٜىٰ يَيِسُ دُكَ؞

13كَدَ كَذَمَ مَيْ سُوانْ بَرْثِ، دُواْمِنْ كَدَ تَلَوْثِ يَكَامَكَ؞ بُوطٜىٰ عِدَنُونْكَ، ذَاكَسَامِ إِسَشّٜىٰنْ عَبِنْثِ؞

14مَيْ سَيَ يَكَنْثٜىٰ، «أَبِنْ مَا بَا ݣَوْ، كُواْ كَطَنْ!» عَمَّا بَايَنْدَ يَتَڢِے، سَيْ يَيِ تَاڧَمَ ثٜىٰوَ يَسَامِ أَبُ مَيْݣَوْ؞

15عِ، أَݣَويْ ظِينَارِيَ، أَݣَويْ دُوَڟُو مَاسُ دَرَجَ عَيَلْوَثٜىٰ، عَمَّا بَاكِ مَيْ ڢِتَرْدَ مَغَنَرْ عِلِمِ، يَڢِسُ دَرَجَ دُكَ؞

16تَبَّتَرْ كَكَرْٻِ جِنْ‌غِنَرْ رِغَا دَغَ مَيْ ڟَيَ وَ بَڧُوانْ دَ يَكَرْٻِ بَاشِ، رِڧٜىٰ كَايَنْسَ يَذَمَ شَيْدَ عَكَنْ بَڧُوانْ؞

17عَبِنْثِنْ دَ عَكَ سَامُ تَهَنْيَرْ ڧَضْيَا يَنَدَ ذَاڧِ بَكَطَنْبَ، عَمَّا دَغَ بَايَ ذَيْ ذَمَ كَمَرْ يَشِينٜىٰ عَبَاكِ؞

18تَرٜىٰدَ شَوَرَا دَبَرُ سُكَنْ كَڢُ، كَسَامِ شَوَرَرْ حِكِمَ كَاڢِنْ كَشِغَ يَاڧِ؞

19مَيْ بَظَ مَغَنَرْ ٻَاتَ سُونَ يَكَنْ تُواْنَ أَسِرَيْ، دُواْمِنْ حَكَ ڢَا، يِنٜىٰسَ دَ مَيْ يَوَنْ سُورُوتُ؞

20عِدَنْ مُتُمْ يَذَاغِ بَابَنْسَ كُواْ مَامَرْسَ، ذَاعَ كَشٜىٰ حَصْكٜىٰنْ ڢِتِلَرْ رَايُوَرْسَ، سَيْ دُهُ كَوَيْ؞

21غَادُوانْ دُوكِيَرْ دَ عَكَ سَامُ دَ سَوْرِ أَ ڢَرْكُواْ، بَ شِ دَ أَلْبَرْكَ عَڧَرْشٜىٰ؞

22كَدَ كَثٜىٰ «ذَنْ رَامَ مُغُنْتَا،» عَمَّا كَجِرَا يَهْوٜىٰهْ ، شِے ذَيْثٜىٰثٜىٰكَ؞

23مَعَوْنِنْ ڧَضْيَا، أَبِنْ ڨَمَنٜىٰ غَ يَهْوٜىٰهْ ، مُودُنْ ڧَضْيَا ڢَا بَاشِ دَݣَوْ؞

24دُكَنْ تَڢِيَرْ مُتُمْ، يَهْوٜىٰهْ نٜىٰ يَشِرْيَ، تَيَيَا مُتُمْ ذَيْ عِيَ غَانٜىٰ حَنْيَرْ دَ يَكٜىٰبِے؟

25تَرْكُواْنٜىٰ غَ مُتُمْ يَيِ سَوْرِنْ كٜىٰٻٜىٰ أَبُ غَ يَهْوٜىٰهْ ، دَغَ بَايَ كُمَ يَڢَارَ تُنَانِ عَكَنْ أَبِنْدَ يَيِ؞

26سَرْكِے مَيْ حِكِمَ يَكَنْ ڢِڢِّتَرْدَ مُوغَيٜىٰ، يَكُمَ حُكُنْتَسُ بَا تَوْسَيِ؞

27رُوحٌ مُتُمْ ڢِتِلَثٜىٰ تَ يَهْوٜىٰهْ ، تَنَ بِنْثِكَ حَرْ ذُوثِيَارْسَ دَ تُنَانِنْسَ؞

28ڧَوْنَ دَ أَمِنْثِ سُكَنْ كِيَايٜىٰ سَرْكِے، كُجٜىٰرَرْ مُلْكِنْسَ تَا ڟَيَ تَوُرِنْ ڧَوْنَ؞

29دَرَجَرْ مَتَسَ تَنَ ثِكِنْ ڧَرْڢِنْسُ، عَمَّا دَرَجَرْ ڟُواْڢَڢِّ عِتَثٜىٰ ڢُرْڢُرَرْ كَنْسُ؞

30بُغُ مَيْ ذَاڢِ يَكَنْ كَوَرْدَ مُغُنْتَا، دُوكَ يَكَنْ ڟَبْتَثٜىٰ ذُوثِيَا دَ تُنَانِ؞

← Chapter 19 Jump to: Chapter 21 →