Proverbs 19

Hausa Arabic 2020 (أَتَّوْرَتْ دَ أَنَّبَاوَا)

← Chapter 18 Jump to: Chapter 20 →

1ڠُومَّ تَلَكَ ثِكِنْ تَلَوْثِنْسَ دَ مُتُنْثِ، دَاعَثٜىٰ يَذَمَ وَاوَا مَيْ مَغَنَرْ ڧَضْيَا؞

2يِنْ ڨُوذُواْ عَمَّا بَابُ سَنِ بَ شِ دَݣَوْ، مَيْ سَوْرِنْ يِنْ أَبُ كُمَ، يَكَنْيِ كُسْكُرٜىٰ؞

3سَعَدَّ وَوَنْثِنْ مُتُمْ يَكَيْ شِ غَ هَلَّكَ، سَيْ ذُوثِيَارْسَ تَيِ ڢُشِے دَ يَهْوٜىٰهْ ؞

4أَرْزِڧِ يَكَنْ تَارَ أَبُواْكَيْ دَيَوَ، عَمَّا أَبُواْكِنْ دَ تَلَكَ يَكٜىٰدَشِ يَكَنْ رَبُ دَشِ؞

5مَيْ شَيْدَرْ ڧَضْيَا بَذَيْ كُٻُتَ دَغَ حُكُنْثِ بَ، حَكَمَا مَيْ بَظَ ڧَضْيَا بَذَيْ كُٻُتَبَ؞

6كُواْوَ يَكَنْ نٜىٰمِ ڢَضٍ جِنِ وُرِنْ مَيْ بَايَرْوَ حَنُّ سَكٜىٰ، كُواْوَ يَنَ سُواْ يَذَمَ أَبُواْكِ نَمَيْ يَوَنْ بَادَ ݣَوْتَيْ؞

7عِدَنْ ڢَا دَنْ‌غِ سُنْڧِے مُتُمْ دُواْمِنْ تَلَوْثِنْسَ، يَيَ مُتُمِنْ ذَيْ ڧَارَسَ دَ أَبُواْكَنْسَ؟ كُواْ دَمَا يَهَطَ دَ ضُواْڧُوانْسُ، بَابُوَنْدَ ذَيْ سَوْرَرٜىٰشِ؞

8مَيْ سَامُنْ حِكِمَ، ڧَوْنَرْ رَنْسَ يَكٜىٰيِ، مَيْ كِيَايٜىٰ ڢَهِمْتَ كُمَ، ذَيْ يَلْوَتَ؞

9مَيْ شَيْدَرْ ڧَضْيَا بَذَيْ كُٻُتَ دَغَ حُكُنْثِ بَ، حَكَمَا مَيْ بَظَ ڧَضْيَا ذَيْ هَلَّكَ؞

10ذَمَنْ جِنْ دَاطِے بَيْ دَاثٜىٰ دَ وَاوَا بَ، بَلّٜىٰ ڢَا عَثٜىٰ بَاوَ يَيِ مُلْكِ عَكَنْ یَیَنْ سَرْكِے؞

11حَنْكَلِ يَكَنْسَا مُتُمْ يَدَنّٜىٰ ڢُشِنْسَ، ڨَلٜىٰ لَيْڢِنْدَ عَكَيِ مَسَ، أَبُ نٜىٰ مَيْ كَٰوُاْ مَسَ دَرَجَ؞

12ڢُشِنْ سَرْكِے يَنَ بَادَ ڟُواْرُواْ كَمَرْ رُورِنْ ذَاكِ، عَمَّا أَلْحٜىٰرِنْسَ يَنَ كَٰوُاْ أَلْبَرْكَ كَمَرْ رَٻَ؞

13وَوَنْ طَا يَنَ جَٰوُاْوَ بَابَنْسَ وَهَلَ، مَثٜىٰ مَيْ ڢِتِنَ تَنَ كَمَ دَ سُورُوتُنْ طِطِّغَرْ ضُوَ؞

14غِدَا دَ دُوكِيَ غَادُواْ نٜىٰ دَغَ إِيَايٜىٰ، عَمَّا مَثٜىٰ مَيْ حَنْكَلِ دَغَ وُرِنْ يَهْوٜىٰهْ نٜىٰ؞

15ڨُيَ يَكَنْسَا مُتُمْ بَرْثِ مَيْ ظُرْڢِ، مَيْ ڧِنْ عَيْكِ كُمَ ذَيْ شَا يُنْوَ؞

16مَيْ كِيَايٜىٰ عُمَرْنِ، يَنَ كِيَايٜىٰ رَنْسَ نٜىٰ، عَمَّا مَرَرْ لُورَ دَ حَنْيَرْسَ، ذَيْ مُتُ؞

17مَيْيِ وَمَاسُ تَلَكَ كِرْكِ، كَمَرْ يَبَا يَهْوٜىٰهْ رَنْثٜىٰ نٜىٰ، يَهْوٜىٰهْ كُوَ ذَيْسَاكَ مَسَ؞

18يِوَطَنْكَ حُواْرُواْ يَدَّ ذَيْ عِيَكُواْيُواْ، إِنْ بَهَكَبَ، كَهَلَّكَرْ دَشِ كٜىٰنَنْ؞

19مَيْ ذَاڢِنْ رَيْ ذَيْ شَا حُكُنْثِ، عِدَنْ كَكُٻُتَرْ دَشِ سَوْ طَيَ، سَيْ كَسَاكٜىٰ كُٻُتَرْ دَشِ؞

20كَسَ كُنّٜىٰ غَ شَوَرَا، كَكَرْٻِ كُواْيَرْوَا، دُواْمِنْ وَتَرَانَ ذَاكَ ذَمَ مَيْ حِكِمَ؞

21شِرْيٜىٰ شِرْيٜىٰنْ ذُوثِيَارْ مُتُمْ دَيَوَ سُكٜىٰ، عَمَّا نُڢِنْ يَهْوٜىٰهْ نٜىٰ كَطَيْ ذَيْ تَبَّتَا؞

22أَبِنْ دَ عَكٜىٰسُواْ دَغَ مُتُمْ شِينٜىٰ ڧَوْنَ، ڠُومَّ مَتَلَوْثِ دَ مَيْ ڢَطِنْ ڧَضْيَا؞

23ڟُواْرُوانْ يَهْوٜىٰهْ يَنَ كَيْ غَ رَيْ، مَيْ ڟُواْرُوانْ يَهْوٜىٰهْ ذَيْ هُوتَ رَيْ عَݣُونْثٜىٰ، بَابُ مُوغُنْ أَبِنْدَ ذَيْ ڢَرُ دَشِ؞

24مَيْ ڧِوِيَ يَكَنْسَا حَنُّ عَݣُونُوانْ عَبِنْثِ، عَمَّا يَنَيِ مَسَ نَوْيِ يَكَيْ بَاكِ؞

25كَهُواْرِ مَيْ رٜىٰنِ، مَرَرْ تُنَانِ ذَيْسَامِ حَنْكَلِ، ڟَاوَتَا وَمَيْ غَانٜىٰوَ، ذَيْ ڧَارُ دَسَنِ؞

26مَيْ وُلَڧَنْتَ بَابَنْسَ، مَيْ كُواْرَرْ مَامَرْسَ دَغَ غِدَا، شِے طَا نٜىٰ مَيْ كَٰوُاْ كُنْيَا دَ ڧَسْڧَنْثِ؞

27طَانَ، إِنْ كَدَيْنَ جِنْ كُواْيَرْوَا، ذَاكَ كَوْثٜىٰ دَغَ أَبِنْدَ كَارِغَا كَا سَنِ؞

28مَيْ شَيْدَرْ ڧَضْيَا يَنَيِ وَشَرِيعَرْ غَسْكِيَ بَعَ، مُوغُ يَثِكَ بَاكِنْسَ دَ مُغُنْتَا كَمَرْ دَ عَبِنْثِ؞

29أَنْ شِرْيَ حُكُنْثِ دُواْمِنْ مَاسُ بَعَ، بُلَلَ كُمَ دُواْمِنْ وَاوَا؞

← Chapter 18 Jump to: Chapter 20 →