Proverbs 27

Hausa Arabic 2020 (أَتَّوْرَتْ دَ أَنَّبَاوَا)

← Chapter 26 Jump to: Chapter 28 →

1كَدَ كَبُغَ ڧِرْجِ دَ أَبِنْدَ ذَاكَيِ غُواْبٜىٰ، غَمَا بَكَ سَنْ أَبِنْدَ غُواْبٜىٰ ذَيْ كَٰوُاْبَ؞

2بَرِ وَنِ يَيَبٜىٰكَ، بَكَيْ دَ كَنْكَبَ، كُواْ دَمَا بَڧُواْ نٜىٰ شِ، كَدَ أَجِ تَبَاكِنْكَ؞

3دُوڟٜىٰ يَنَدَ نَوْيِ، يَشِ كُمَ يَنَدَ نَوْيِ سُواْسَيْ، عَمَّا وَهَلَرْ دَ وَاوَا يَجَٰوُاْ تَڢِسُ نَوْيِ دُكَ؞

4ذَاڢِنْ ڢُشِے يَكَنْ حَيْڢَرْ دَ رَشِنْ تَوْسَيِ، ڢُشِے كُمَ يَكَنْ هَلَّكَرْ دَ مُتُمْ، عَمَّا دُكْدَهَكَ، كِيشِ يَڢِسُ دُكَ؞

5ڠُومَّ أَڟَاوَتَا وَمُتُمْ أَ ڢِيلِ، دَ أَ نُونَ مَسَ ڧَوْنَ عَٻُواْيٜىٰ؞

6أَبُواْكِ أَبُواْكِ نٜىٰ كُواْ دَ يَٻَاتَ مَكَ رَيْ، أَبُواْكِنْ غَابَا أَبُواْكِنْ غَابَنٜىٰ كُواْ دَ يَضُنْ‌غُمٜىٰكَ سَوْ دَيَوَ؞

7مَيْ ڧُواْشِ بَايَ كُلَ دَ شَنْ ظُمَ، عَمَّا غَ مَيْ جِنْ يُنْوَ، كُواْ دَ أَبُ مَيْ طَاثِ نٜىٰ ذَاڧِ يَكٜىٰجِ؞

8كَمَرْ ڟُنْڟُنْدَ يَبَرْ وُرِنْ ذَمَنْسَ، حَكَمَا مُتُمِنْدَ يَبَرْ غِدَنْسَ

9تُرَارٜىٰ دَ مَنْ ڧَنْشِ سُكَنْ ڢَرَنْتَرْ دَ رَيْ، عَمَّا ڢَضٍ ثِكِنْ أَبُواْكَنْتَكَ دَغَ شَوَرَا مَيْݣَوْ نٜىٰ؞

10كَدَ كَيَاشٜىٰ أَبُواْكِنْكَ كُواْ أَبُواْكِنْ بَابَنْكَ؞ كَدَ كُمَ كَتَڢِے غِدَنْ طَنْعُوَنْكَ أَ رَانَرْ دَ مَسِيڢَ تَڢَاطَ مَكَ؞ ڠُومَّ مَڨُوبْثِ نَكُسَ، دَ طَنْعُوَ وَنْدَ يَكٜىٰ نٜىٰسَ؞

11يَا طَانَ، كَذَمَ مَيْ حِكِمَ، دُواْمِنْ ذُوثِيَاتَ تَجِ دَاطِے، دُواْمِنْ إِنْ بَادَ أَمْسَ غَ مَيْيِ مِنِ رٜىٰنِ؞

12مَيْ حَنْكَلِ يَكَنْ غَ حَڟَرِ، يَكَوْثٜىٰ، عَمَّا مَرَرْ تُنَانِ يَكَنْسَا كَيْ، يَشَا وَهَلَ؞

13تَبَّتَرْ كَكَرْٻِ جِنْ‌غِنَرْ رِغَا دَغَ مَيْ ڟَيَاوَا بَڧُوانْدَ يَكَرْٻِ بَاشِ، رِڧٜىٰ كَايَنْسَ يَذَمَ شَيْدَ عَكَنْ مَاتَرْ وَنِ؞

14مُتُمِنْدَ يَتَاشِ دَ سَسَّڢٜىٰ يَ أَلْبَرْكَثِ مَڨُوبْثِنْسَ دَ بَبَّرْ مُرْيَ، ذَاعَ طَوْكَ لَعَنْتَشِ يَكٜىٰيِ؞

15مَثٜىٰ مَيْ ڢِتِنَ، كَمَ دَ سُورُوتُنْ طِطِّغَرْ ضُوَ تَكٜىٰ؞

16وَنْدَ يَيِ ڧُواْڧَرِنْ هَنَتَ كَمَرْ حَنَ إِسْكَ يَكٜىٰيِ، كُواْ كَمَرْ رِڧٜىٰ مَنْ ڠَطَ دَ تَڢِنْ حَنُّوَ؞

17كَمَرْ يَدَّ ڧَرْڢٜىٰ دَ ڧَرْڢٜىٰ سُكَنْ وَاسَ جُونَ، حَكَ مُتُمْ دَ مُتُمْ سُكَنْ ڠَرَ رَايُوَرْ جُونَ؞

18مَيْ لُورَ دَ إِتَاثٜىٰنْ ٻَوْرٜىٰ ذَيْثِ أَمْڢَانِنْتَ، مَيْ لُورَ دَ مَيْغِدَنْسَ، ذَيْسَامِ غِرْمَ؞

19يَدَّ عَكٜىٰ غَنِنْ ڢُسْكَرْ مُتُمْ أَ ضُوَ، حَكَ عَكٜىٰ غَنِنْ ذُوثِيَارْ مُتُمْ أَ ڢُسْكَ؞

20وُرِنْ ذَمَنْ مَتَتُّو دَ هَلَّكَ، عَكُلُّمْ بَاسَ ڧُواْشِ، حَكَنَنْ كُوَ إِدَانُنْ مُتُمْ بَاسَ تَٻَ ڧُواْشِ دَ غَنِ؞

21ظِينَارِيَ دَ أَظُرْڢَا، دَ وُتَا عَكَنْ سَنْ دَرَجَرْسُ، حَكَ عَكَنْ سَنْ دَرَجَرْ مُتُمْ تَوُرِنْ يَبُوانْ دَ عَكٜىٰ بَاشِ؞

22كُواْ دَ كَا دَكَ وَاوَا عَتُرْمِ دَ تَٻَرْيَ كَمَرْ غَارِنْ حَڟِ، دُكْدَهَكَ وَوَنْثِ بَذَيْ رَبُ دَشِيبَ؞

23تَبَّتَ كَسَنْ لَاڢِيَرْ غَرْكُنَنْكَ، كَكُمَيِ ڧُواْڧَرِ كَلُورَ دَ شَانُنْكَ،

24غَمَا أَرْزِڧِ بَذَيْ دَطٜىٰ حَرْ أَبَدَابَ، مُلْكِ مَا بَذَيْ دَطٜىٰ حَرْ إِيَاكَرْ ڟَارَرْكَبَ؞

25عَكَنْ يَنْكَ ثِيَوَ، سَابَبِّے كُمَ سُتُواْهُ، عَكَنْ تَتَّارَ غَنْيَيٜىٰنْ تُدَّيْ دُواْمِنْ غَرْكٜىٰ،

26ذَاعَ سَامِ رِيغُنَ دَغَ غَاشِنْ تُمَكِنْكَ، عَكُمَ سَيِ غُواْنَ دَ كُطِنْ أَوَكِ؞

27ذَاعَ سَامِ مَدَرَرْ أَوَكِ عَيَلْوَثٜىٰ، وَدَّ ذَاتَ ثِيَرْ دَكَيْ دَ عِيَلِنْكَ، دَ كُمَ دُكَنْ بَايِنْكَ یَنْ مَاتَا؞

← Chapter 26 Jump to: Chapter 28 →