Proverbs 30

Hausa Arabic 2020 (أَتَّوْرَتْ دَ أَنَّبَاوَا)

← Chapter 29 Jump to: Chapter 31 →

1غَا كَلْمُواْمِنْ سَڧُواْ نَ أَغُرْ طَنْ يَكٜىٰ؞ يَا اللَّهْ ، نَا غَجِ، عِ، نَا غَجِ، يَا اللَّهْ ، ڧَرْڢِينَ يَڧَارٜىٰ؞

2حَڧِيڧَ نَڢِ كُواْوَنٜىٰ مُتُمْ وَوَنْثِ، بَانِ دَ غَانٜىٰوَ إِرِنَّیَنْ أَدَمْ؞

3بَنْ كُواْيِ حِكِمَبَ، بَنْ كُوَ سَنْ مَيْ ڟَرْكِنَّنْ بَ؞

4وَ يَهَوْ سَمَ يَكُمَ سَوْكَ؟ وَ يَتَٻَ كَامَ إِسْكَ ثِكِنْ تَڢِنْ حَنُّنْسَ؟ وَ يَتَٻَ ڧُنْشٜىٰ ضُوَ عَثِكِنْ رِغَرْسَ؟ وَ كُمَ يَكَڢَ إِيَاكَرْ دُونِيَا؟ مٜىٰنٜىٰنٜىٰ سُونَنْسَ؟ مٜىٰنٜىٰنٜىٰ كُمَ سُونَنْ طَنْسَ؟ ڢَطَا مِنِ إِنْ كَسَنِ!

5أَنْ تَاثٜىٰ كُواْوَثٜىٰ كَلْمَرْ اللَّهْ ؞ شِے كُوَ غَرْكُوَنٜىٰ غَ مَاسُ نٜىٰمَنْ ٻُيَ أَوُرِنْسَ؞

6كَدَ كَيِ ڧَارِ عَكَنْ مَغَنَرْسَ، دُواْمِنْ كَدَ يَڟَاوَتَا مَكَ، عَكُمَ بَيَّنَ كَيْ مَيْ ڧَضْيَانٜىٰ؞

7«يَا يَهْوٜىٰهْ ، أَبُ بِيُ نٜىٰ نَا ضُواْڧَا أَغَرٜىٰكَ، كَدَ كَحَنَ مِنِسُ كَاڢِنْ إِنْمُتُ؞

8كَوَرْ دَ رَشِنْ غَسْكِيَ دَغَ غَرٜىٰنِ، سَا ڢَطِنْ ڧَضْيَا يَيِ نٜىٰسَ دَنِے؞ كَدَ كَبَانِ تَلَوْثِ كُواْ دُوكِيَ، سَيْدَيْ كَاثِيَرْ دَنِے دَ عَبِنْثِ دَيْدَيْ دَ بُڧَاتَتَ؞

9دُوانْ كَدَ إِنْڧُواْشِ إِنْيِ مُسُونْ سَنِنْكَ، إِنْ ثٜىٰ، ‹وَنٜىٰنٜىٰ يَهْوٜىٰهْ ؟› كَدَ كُمَ إِنْ ذَمَ مَتَلَوْثِ حَرْ إِنْيِسَاتَا إِنْ مَيْدَ سُونَنْ اللَّهْ نَأَبِنْ وَسَ؞»

10«كَدَ كَٻَاتَ سُونَنْ بَاوَ أَوُرِنْ مَيْغِدَنْسَ، دُواْمِنْ كَدَ بَاوَنْ يَذَغٜىٰكَ، أَ سَامٜىٰكَ دَ لَيْڢِے؞

11«أَݣَويْ وَطَنْدَ سُكَ لَعَنْتَ إِيَايٜىٰنْسُ مَظَا، بَاسَ كُمَ أَلْبَرْكَثِ إِيَايٜىٰنْسُ مَتَ؞

12أَݣَويْ وَطَنْدَ سُكٜىٰ غَنِنْ كَنْسُ مَاسُ ڟَبْتَ نٜىٰ، عَمَّا بَسُوَنْكٜىٰ دَتِّنْسُبَ؞

13أَݣَويْ وَطَنْدَ سُكٜىٰيِنْ كَلُّوانْ رٜىٰنِ، سُنَ غَنِنْ كَنْسُ سُو وَنِ أَبُنٜىٰ!

14أَݣَويْ وَطَنْدَ هَڧُواْرَنْسُ كَمَرْ تَكُبَنٜىٰ، هَڧُواْرَنْسُ كُوَ كَمَرْ وُڧَڧٜىٰنٜىٰ، دُواْمِنْ سُهَلَّكَ مَتَلَوْتَ دَغَ ڧَسَا، دَ مَاسُ بُڧَاتَ دَغَ ثِكِنْ یَنْ أَدَمْ؞

15«ݣُوطَيِ تَنَدَ یَیَ مَتَ بِيُ، أَنَ كِرَنْسُ ‹بَانِ! بَانِ!› أَݣَويْ أَبُ عُكُنْ دَ بَسُ ڧُواْشِبَ، عِ، حَرْ حُطُ وَطَنْدَ بَاسَثٜىٰوَ ‹يَ إِسَ›؞

16سُونٜىٰ، وُرِنْ ذَمَنْ مَتَتُّو، دَ مَحَيْڢَرْ مَرَرْ حَيْڢُوَ، دَ ڧَسَرْدَ بَاتَ ڧُواْشِ دَ ضُوَ، دَ وُتَرْ دَ بَاتَثٜىٰوَ ‹يَ إِسَ؞›

17«إِدَانُو مَاسُيِ وَبَابَ كَلُّوانْ رٜىٰنِ، مَاسُ ڧِنْ بِيَيَّ غَ مَامَا، عُنْ‌غُلَيٜىٰ ذَاسُثِنْيٜىٰسُ، هَنْكَكِنْ ݣُورِ ذَاسُ ثِثِّرٜىٰسُ؞

18«أَݣَويْ أَبُ عُكُنْ دَ سَنِنْسُ يَڢِ غَانٜىٰوَتَ، عِ، حَرْ حُطُ وَطَنْدَ بَنْ سَنِبَ؞

19سُونٜىٰ تَڢِيَرْ غَغَّڢَ أَسَرَرِنْ سَمَ، دَ تَڢِيَرْ مَثِيجِ عَكَنْ دُوڟٜىٰ، دَ تَڢِيَرْ جِضْغٍ ضُوَ عَكَنْ ڟَكِيَرْ تٜىٰكُ، دَ شَعَنِنْ تَڢِيَرْ سَوْرَيِ دَ يَارِنْيَ؞

20«غَا يَدَّ تَڢِيَرْ مَيْ ظِنَ تَكٜىٰ، تَكَنْثِ تَشَرٜىٰ بَاكِنْتَ، سَيْ تَثٜىٰ، ‹بَنْيِ لَيْڢِنْ كُواْمٜىٰبَ؞›

21«أَݣَويْ أَبُ عُكُنْ دَ سُكَسَا ڧَسَا تَغِرْغِظَ، عِ، حَرْ حُطُ وَطَنْدَ دُونِيَا بَاتَ عِيَ جِمْرٜىٰوَ دَسُو؞

22سُونٜىٰ، بَاوَنْدَ يَذَمَ سَرْكِے، دَ وَوَنْ دَ يَكٜىٰدَ عَبِنْثِ دَيَوَ،

23دَ مَثٜىٰ مَيْ بَڧِنْ جِنِ وَدَّ تَسَامِ مِجِ، دَ بَيْوَرْ دَ تَڨُوثٜىٰ مَڟَيِنْ عُوَرْغِدَنْتَ؞

24«أَݣَويْ أَبُبُوَ حُطُ عَدُونِيَا، ڧَنَانَا نٜىٰ عَمَّا سُنَدَ حِكِمَ سُواْسَيْ؞

25سُونٜىٰ، كِيَشِ ڧُنْ‌غِيَ ثٜىٰ مَرَسَ ڧَرْڢِے، دُكْدَهَكَ سُكَنْ تَتَّارَ عَبِنْثِنْسُ دَ رَانِ؞

26رٜىٰمَيٜىٰ ڧُنْ‌غِيَ ثٜىٰ مَرَسَ ڧَرْڢِے، دُكْدَهَكَ، سُكَنْيِ غِدَاجٜىٰنْسُ أَدُوَڟُو؞

27ڢَارِ بَاسُدَ سَرْكِے، دُكْدَهَكَ سُكَنْيِ تَڢِيَ لَيِ لَيِ؞

28ڧَدَنْ‌غَرٜىٰ، أَنَ عِيَ كَامَ شِ دَ حَنُّ، دُكْدَهَكَ سُكَنْ شِغَ أَغِدَنْ سَرْكِے؞

29«أَݣَويْ أَبُبُوَ عُكُنْ دَسُكٜىٰ تَاڧَمَ ثِكِنْ تَڢِيَ، عِ، حَرْ مَا حُطُ وَطَنْدَ سُكٜىٰ تَڢِيَ دَ نُونَ ڧَرْڢِے؞

30سُونٜىٰ، ذَاكِنْدَ يَڢِ دُكَنْ دَبُّواْبِے ڧَرْڢِے، بَايَ بَا وَنِ حَنْيَ،

31دَ ظَكَرَ مَيْ ثَارَ، دَ بُنْسُرُ، دَ سَرْكِے مَيْ تَڢِيَ أَغَبَنْ سُواْجُواْجِنْسَ؞

32«عِدَنْ كَايِ وَوَنْثِ كَنَ طَوْكَكَ كَنْكَ، كُواْ كَنَ شِرْيَ مُغُنْتَا، تُواْ، رُڢٜىٰ بَاكِنْكَ دَ حَنُّ؞

33يَدَّ مُواْڟَ مَدَرَ تَكَنْ كَٰوُاْ مَيْ، مُرْطَ حَنْثِ كُمَ تَكَنْ كَٰوُاْ جِنِ، حَكَنَنْ تَادَ ڢُشِے يَكَنْ كَٰوُاْ ڢَطَ؞»

← Chapter 29 Jump to: Chapter 31 →