Proverbs 14

Hausa Arabic 2020 (أَتَّوْرَتْ دَ أَنَّبَاوَا)

← Chapter 13 Jump to: Chapter 15 →

1مَثٜىٰ مَيْ حِكِمَ تَكَنْ غِنَا غِدَنْتَ، عَمَّا مَيْ وَوَنْثِ تَكَنْ رُشٜىٰ نَاتَ دَ حَنُّوَنْتَ؞

2مَيْ يِنْ تَڢِيَرْسَ ثِكِنْ غَسْكِيَ، مَيْ ڟُواْرُوانْ يَهْوٜىٰهْ نٜىٰ، عَمَّا مَيْ حَلِنْ رُوطُ، رٜىٰنَ شِ يَكٜىٰيِ؞

3مَغَنَرْ وَاوَا تَطَغَ كَيْ بُلَلَثٜىٰ أَغَرٜىٰشِ، عَمَّا كَلْمُواْمِنْ مَيْ حِكِمَ كِيَايٜىٰشِ سُكٜىٰيِ؞

4عِدَنْ بَابُ شَانُنْ نُواْمَ، إِنَا ذَاعَ سَامِ عَبِنْثِ؟ عَمَّا إِنْ أَݣَويْ بِجِمِنْ نُواْمَ، ذَاعَ سَامِ غِرْبِے مَيْ يَوَ؞

5شَيْدَرْ مَيْ أَمِنْثِ، غَسْكِيَ ثٜىٰ، عَمَّا مَيْ شَيْدَرْ ڧَضْيَا، يَنَ بَظَ ڧَضْيَا؞

6مَيْ رٜىٰنِ يَكَنْ نٜىٰمِ حِكِمَ، بَايَ سَامُوَ، عَمَّا سَنِ أَبُ مَيْ سَوْڧِ نٜىٰ غَ مَيْ غَانٜىٰوَ؞

7يِ نِيسَ دَغَ وُرِنْ وَاوَا، غَمَا بَاشِ دَ أَبِنْدَ ذَيْ كُواْيَ مَكَ؞

8حِكِمَ تَمَيْ حَنْكَلِ عِتَثٜىٰ يَغَانٜىٰ تَڢِيَرْسَ، عَمَّا وَوَنْثِنْ وَاوَا يَكَنْ ثُوثٜىٰ شِ؞

9وَاوَا يَنَ وَسَ دَ لَيْڢِے، عَمَّا مَيْ غَسْكِيَ أَ ظُوثِ يَكَنْ نٜىٰمِ غَاڢَرَ؞

10كُواْوَثٜىٰ ذُوثِيَا تَسَنْ بَڧِنْ ثِكِنْتَ، بَ بَڧُوانْ دَ ذَيْ عِيَ سَنِنْ ڢَضٍ ثِكِنْتَ؞

11غِدَنْ مُوغُ ذَيْ هَلَّكَ عَمَّا غِدَنْ مَيْ غَسْكِيَ أَ ظُوثِ ذَيْ يَلْوَتَ؞

12أَغَنِنْ مُتُمْ، أَݣَويْ حَنْيَرْ دَتَكٜىٰ دَيْدَيْ، عَمَّا ڧَرْشٜىٰنْتَ مُتُوَاثٜىٰ؞

13كُواْ عَثِكِنْ دَارِيَا مَا، مَيْيِوُوَ بَڧِنْ ثِكِ يأَنَانً؞ إِنْ مُرْنَ يَتَڢِے، بَڧِنْ ثِكِنْ يأَنَانً؞

14مَيْ كَوْثٜىٰ دَغَ حَنْيَ يَكَنْ كَرْٻِ لَادَنْ مُغُنْتَارْسَ، مُتُمِنْ كِرْكِ كُمَ يَكَنْ سَامِ لَادَنْ عَيْكِنْسَ؞

15مَرَرْ تُنَانِ يَكَنْ غَسْكَتَ كُواْمٜىٰ، عَمَّا مَيْ حَنْكَلِ يَكَنْيِ تُنَانِ كَاڢِنْ يَڢَارَ وَنِ أَبُ؞

16مَيْ حِكِمَ يَكَنْيِ حَنْكَلِ يَكَوْثٜىٰ وَ مُغُنْتَا، عَمَّا وَاوَا يَكَنْيِ سَوْرِ يَعَيْكَتَ أَبُ بَابُ لُورَ؞

17مَيْ سَوْرِنْ ڢُشِے يَكَنْيِ أَبُ ثِكِنْ وَوَنْثِ، مَيْ مُوغُوَرْ دَبَرَ كُمَ عَكَنْ ڧِيشِ؞

18مَرَرْ تُنَانِ يَكَنْ سَامِ أَبُ ڠُورْڠُودُوانْ وَوَنْثِنْسَ، عَمَّا مَيْ حَنْكَلِ، لَادَنْسَ سَنِنٜىٰ؞

19حَڧِيڧَ مُوغُ ذَيْ رُسُنَ أَغَبَنْ مَيْ كِرْكِ، مَيْ مُغُنْتَا كُمَ عَڧُواْڢَرْ مَيْ أَدَلْثِے؞

20بَاوَنْدَ يَكٜىٰسُوانْ مَتَلَوْثِ، كُواْ مَڨُوبْثِنْسَ مَا بَايَ سُوانْسَ، عَمَّا مَيْ أَرْزِڧِ يَنَدَ أَبُواْكَيْ دَيَوَ؞

21مَيْ رٜىٰنِنْ مَڨُوبْثِنْسَ، ذُنُوبِ يَكٜىٰيِ، مَيْ أَلْبَرْكَ نٜىٰ مَيْيِ وَمَتَلَوْثِ أَلْحٜىٰرِ؞

22مَيْ شِرْيَ مُغُنْتَا، بَكَوْثٜىٰ حَنْيَ يَكٜىٰيِبَ كُوَ؟ عَمَّا ڧَوْنَ دَ أَمِنْثِ ذَاسُ كَسَنْثٜىٰ غَ مَيْشِرْيَ أَبُ مَيْݣَوْ؞

23عَثِكِنْ دُكَنْ عَيْكِ أَݣَويْ لَادَ، عَمَّا مَغَنَرْ بَاكِ كَوَيْ بَاتَ كَٰوُاْ كُواْمٜىٰ سَيْ تَلَوْثِ؞

24لَادَنْ مَيْ حِكِمَ دُوكِيَنٜىٰ، عَمَّا لَادَنْ وَاوَا وَوَنْثِنٜىٰ؞

25مَيْ شَيْدَرْ غَسْكِيَ يَكَنْ كُٻُتَرْدَ رَيْ، عَمَّا مَيْبَظَ ڧَضْيَا مَيْثِنْ أَمَانَ نٜىٰ؞

26وَنْدَ يَكٜىٰدَ ڟُواْرُوانْ يَهْوٜىٰهْ يَنَدَ تَبَّثِنْ ذَمَنْ لَاڢِيَ، كُمَ يَهْوٜىٰهْ ذَيْ ذَمَ وُرِنْ ٻُيَ غَ یَیَنْسَ؞

27ڟُواْرُوانْ يَهْوٜىٰهْ شِينٜىٰ مَٻُٻُّغَ مَيْ بَادَ رَيْ، شِے ذَيْسَا مُتُمْ يَكَوْثٜىٰ دَغَ تَرْكُوانْ مُتُوَ؞

28دَرَجَرْ سَرْكِے تَدُواْغَرَ عَكَنْ يَوَنْ مُتَنٜىٰ أَمُلْكِنْسَ، إِنْ بَابُ مُتَنٜىٰ كُوَ، سَرْكِے بَكُواْمٜىٰبَ؞

29مَرَرْ سَوْرِنْ ڢُشِے يَنَدَ ڢَهِمْتَ، عَمَّا مَيْ سَوْرِنْ ذَاڢِنْ رَيْ يَكَنْ بَيَّنَ وَوَنْثِنْسَ أَ ڢِيلِ؞

30ݣُونْثِيَرْ ذُوثِيَا لَاڢِيَ ثٜىٰ غَ جِكِے، عَمَّا كِيشِ يَنَ كَمَ دَ رُٻٜىٰوَ عَڧَسُسُوَ؞

31وَنْدَ يَيِ وَمَرَرْ ڧَرْڢِے دَنِّيَ يَنَ رٜىٰنَ مَحَلِثِّنْسَ نٜىٰ، عَمَّا مَيْيِنْ أَلْحٜىٰرِ غَ مَيْ بُڧَاتَ يَنَ غِرْمَمَ مَحَلِثِّنْسَ نٜىٰ؞

32مُغُنْتَارْ مُوغُ تَكَنْ كَٰوُاْ ڢَاطُوَرْسَ، عَمَّا كُواْ عَثِكِنْ مُتُوَ، مَيْ أَدَلْثِے يَنَسَا ذُوثِيَا؞

33حِكِمَ تَنَ ظَوْنٜىٰ أَ ذُوثِيَارْ مَيْ غَانٜىٰوَ، كُواْ أَ رَايُوَرْ وَاوَا مَا، تَنَ بَيَّنَ كَنْتَ؞

34أَدَلْثِے يَكَنْ طَوْكَكَ أَلْعُمَّ، عَمَّا ذُنُوبِ يَكَنْ كُنْيَتَرْدَ أَلْعُمَّ؞

35سَرْكِے يَكَنْجِ دَاطِنْ بَاوَ مَيْ حَنْكَلِ، عَمَّا ڢُشِنْسَ يَنَ عَكَنْ مَيْيِنْ أَبِنْ كُنْيَا؞

← Chapter 13 Jump to: Chapter 15 →