Proverbs 22

Hausa Arabic 2020 (أَتَّوْرَتْ دَ أَنَّبَاوَا)

← Chapter 21 Jump to: Chapter 23 →

1ڠُومَّ سُنَ مَيْݣَوْ دَ سَامُنْ دُوكِيَ، ڠُومَّ سَامُنْ ڢَضٍ جِنِ دَ سَامُنْ أَظُرْڢَا كُواْ ظِينَارِيَ؞

2مَيْ أَرْزِڧِ دَ تَلَكَ، بَابُ بَمْبَنْثِ غَمَا يَهْوٜىٰهْ نٜىٰ يَحَلِثّٜىٰسُ دُكَ؞

3مَيْ حَنْكَلِ يَكَنْ غَ حَڟَرِ، يَكَوْثٜىٰ، عَمَّا مَرَرْ تُنَانِ يَكَنْسَا كَيْ، يَشَا وَهَلَ؞

4لَادَنْ سَوْڧِنْ كَيْ دَ ڟُواْرُوانْ يَهْوٜىٰهْ دُوكِيَ نٜىٰ دَ غِرْمَ دَ رَيْ عَيَلْوَثٜىٰ؞

5ڧَيَ دَ تَرْكُواْ سُنَ كَنْ حَنْيَرْ مُوغَيٜىٰ، مَيْ لُورَ دَ رَنْسَ ذَيْ يِنٜىٰسَ دَسُو؞

6كُواْيَرْ دَ یَیَنْكَ ثِكِنْ حَنْيَرْ دَ ذَاسُبِے، سَعَدَّ سُنْ ڟُوڢَ بَذَاسُ رَبُ دَ عِتَبَ؞

7مَيْ دُوكِيَ يَكَنْيِ مُلْكِ عَكَنْ تَلَكَ، مَيْ ثِنْ بَاشِ بَاوَ نٜىٰ أَ حَنُّنْ مَيْ بَادَ بَاشِ؞

8دُكْ وَنْدَ يَشُوكَ مُغُنْتَا ذَيْ غِرْبِے مَسِيڢَ، دَنِّيَرْ دَ يَكٜىٰيِ وَ وَطَنْسُ، ذَاعَ كَرْيَتَ؞

9مَيْ بَايَرْوَ حَنُّ سَكٜىٰ مَيْ أَلْبَرْكَ نٜىٰ، غَمَا دَغَ عَبِنْثِنْسَ يَكَنْ رَبَ دَ تَلَكَاوَا؞

10ڢِتَرْ دَ مَيْ رٜىٰنِ، ڢَطَ ذَيْ تَڢِے، غَرْدَمَ دَ زَرْغِ ذَاسُ ڧَارٜىٰ؞

11مَيْ ڧَوْنَرْ ذُوثِيَا مَيْ ڟَبْتَ، مَيْ مَغَنَرْ أَلْحٜىٰرِ ذَيْ ذَمَ أَبُواْكِنْ سَرْكِے؞

12إِدَانُنْ يَهْوٜىٰهْ سُنَ لُورَ دَ عَيْنِحِنْ سَنِ، عَمَّا يَكَنْ تُمْٻُكٜىٰ كَلْمُواْمِنْ مَرَرْ أَمِنْثِ؞

13مَيْ ڧِوِيَ يَكَنْثٜىٰ، «أَݣَويْ ذَاكِ أَوَجٜىٰ! إِنْ نَڢِتَ عَيْكِ، ذَاعَ كَشٜىٰنِ أَ حَنْيَ!»

14بَاكِ نَمَيْ ظِنَ رِجِيَ نٜىٰ مَيْ ظُرْڢِ، وَنْدَ يَكٜىٰ ڧَرْڧَشِنْ ڢُشِنْ يَهْوٜىٰهْ ذَيْ ڢَاطِ عَثِكِنْتَ؞

15وَوَنْثِ أَ مَنّٜىٰ يَكٜىٰ أَ ذُوثِيَارْ يَرُواْ، عَمَّا بُلَلَرْ حُواْرُواْ ذَاتَ كَوَرْدَ وَوَنْثِنْ؞

16مَيْيِ وَمَرَرْ ڧَرْڢِے دَنِّيَ دُواْمِنْ يَڧَارَ وَكَنْسَ دُوكِيَ، دَ مَيْ بَادَ ݣَوْتَا غَ مَيْ أَرْزِڧِ، بَاشَكَّ دُكَنْسُ ذَاسُ تَلَوْثٜىٰ؞

17كَسَ كُنّٜىٰ كَجِ كَلْمُواْمِ نَمَاسُ حِكِمَ، يِ نَظَرِنْ كُواْيَرْوَاتَا أَ ذُوثِيَارْكَ،

18غَمَا ذَاسُ ذَمَ دَ دَاطِے عِدَنْ كَا رِڧٜىٰسُ، عِدَنْ دُكَنْسُ سُنْ سَامِ ذَمَ عَبَاكِنْكَ؞

19دُواْمِنْ دُواْغَضَرْكَ تَكَسَنْثٜىٰ غَ يَهْوٜىٰهْ ، يَوْ، نَسَنَرْ مَكَ دَسُو، عِ، كَيْنٜىٰ نَسَنَرْ مَكَ؞

20غَا كَلْمُواْمِ تَلَتِنْدَ نَرُبُوتَ مَكَ، كَلْمُواْمِنْ ڧَرْڢَڢَاوَا دَ نَسَنِ،

21دُواْمِنْ إِنْ سَنَرْ مَكَ عَيْنِحِنْ غَسْكِيَ، دُواْمِنْ كَبَادَ أَمْسَرْ غَسْكِيَ غَ وَطَنْدَ سُكَ عَيْكٜىٰكَ؞

22كَدَ كَثُوثِ تَلَكَ، غَمَا شِے تَلَكَ نٜىٰ، كُواْ كَدَنّٜىٰ مَتَلَوْتَ أَوُرِنْ شَرِيعَ،

23غَمَا يَهْوٜىٰهْ ذَيْ ڟَيَ مُسُ، ذَيْ ڨُوثٜىٰ رَيْ نَوَطَنْدَ سُكَيِ مُسُ ڨُوثٜىٰ؞

24كَدَ كَيِ أَبُواْكَنْتَكَ دَ مَيْ ذَاڢِنْ رَيْ، كَدَ كَهَطَكَيْ دَ مَيْ ذَاڢِنْ كَيْ،

25دُواْمِنْ كَدَ كَكُواْيِ حَنْيَرْ رَايُوَرْسَ، كَكُمَ طَوْرٜىٰ كَنْكَ ثِكِنْ تَرْكُواْ؞

26كَدَ كَيِ أَلْڧَوَرِنْ بِيَ وَوَنِ رَنْثٜىٰ، كُواْ كَذَمَ مَيْ ڟَيَ وَمَيْ كَرْٻَرْ بَاشِ،

27غَمَا عِدَنْ بَاكَ دَ أَبِنْدَ ذَاكَ بِيَ دَشِ، ذَاعَ طَوْكَ مَكَ غَدُوانْ دَ كَكٜىٰ ݣُونْثِيَ عَكَيْ؞

28كَدَ كَثِرٜىٰ عَلَمَرْ شَيْدَرْ إِيَاكَرْ ڧَسَا تَدَا، وَدَّ كَاكَنِّنْكَ سُكَ كَڢَ؞

29كَنَ عِيَ غَنِنْ مَيْ ڠُونِنْتَ ثِكِنْ عَيْكِنْسَ؟ شِ ذَيْ يِوَسَرَاكُنَ حِدِمَ، بَذَيْ يِحِدِمَ وَ وَطَنْدَ بَعَسَنْ دَسُوبَ؞

← Chapter 21 Jump to: Chapter 23 →