Proverbs 29

Hausa Arabic 2020 (أَتَّوْرَتْ دَ أَنَّبَاوَا)

← Chapter 28 Jump to: Chapter 30 →

1دُكْ وَنْدَ عَكٜىٰ تَڟَاوَتَا مَسَ عَكَيْ عَكَيْ، عَمَّا يَتَوْرَرَ، بَا لَابَرِ، ذَاعَ ڢَرْڢَشٜىٰشِ، يَڢِ ڧَرْڢِنْ ڠَرَ؞

2سَعَدَّ مَاسُ أَدَلْثِے سُكَ ڧَارُ أَمُلْكِ، مُتَنٜىٰ سُكَنْيِ مُرْنَ، عَمَّا عِدَنْ مُوغَيٜىٰ سُكَ هَوْ مُلْكِ، مُتَنٜىٰ سُكَنْيِ نِيشِ؞

3طَا مَيْ ڧَوْنَرْ حِكِمَ يَكَنْسَا بَابَنْسَ يَيِ ڢَضٍ ثِكِ، عَمَّا مَيْبِنْ كَارُوَيْ، لَلَتَرْدَ أَرْزِڧِنْسَ يَكٜىٰيِ؞

4سَرْكِے يَكَنْسَا ڧَسَا تَكَڢُ تَوُرِنْ يِنْ شَرِيعَرْ غَسْكِيَ، عَمَّا مَيْ كَرْٻَرْ ثِنْ حَنْثِ ذَيْ رُشٜىٰ ڧَسَرْ؞

5وَنْدَ يَيِ وَمَڨُوبْثِنْسَ ذَاڧِنْ بَاكِ، يَنَ شِمْڢِطَا وَ ڧَڢَرْسَ تَرْكُواْ نٜىٰ؞

6ذُنُوبِنْ غَنْ‌غَنْثِ تَرْكُواْ نٜىٰ غَ مُوغُ، عَمَّا مَيْ أَدَلْثِے يَنَ رٜىٰرَ وَاڧَا دَ ڢَضٍ ثِكِ؞

7مَيْ أَدَلْثِے يَكَنْ لُورَ دَ حَكِّنْ مَرَرْ ڧَرْڢِے، عَمَّا مُوغُ بَيْسَنْ وَنَّنْبَ؞

8مَاسُ بَعَ سُكَنْ تَادَ وُتَا عَبِرْنِ، عَمَّا مَاسُ حِكِمَ سُكَنْ ݣُونْتَرْدَ ڢُشِے؞

9مَيْ حِكِمَرْدَ يَشِغَ غَرْدَمَ دَ وَاوَا، ذَيْجِے وَاوَا يَنَ ڢُشِے دَ دَارِيَا كَوَيْ، غَرْدَمَرْ دَيْ بَتَڧَارٜىٰبَ؞

10مَاسُ ظُبْدَ جِنِ سُنَ ڧِنْ مَرَرْ لَيْڢِے، عَمَّا مَاسُ غَسْكِيَ أَ ظُوثِ سُنَ كِيَايٜىٰ رَنْسَ؞

11وَاوَا يَكَنْ نُونَ ڢُشِنْ رُوحُنْسَ أَ ڢِيلِ، عَمَّا مَيْ حِكِمَ يَكَنْ كَمٜىٰ كَنْسَ؞

12مَيْ مُلْكٍ دَ ذَيْ كَسَ كُنّٜىٰ غَ جِنْ ڧَضْيَا، دُكَنْ دَتَّاوَنْسَ ذَاسُ ذَمَ مُوغَيٜىٰ؞

13تَلَكَ دَ مَيْيِ مَسَ دَنِّيَ، بَابُ بَمْبَنْثِ، غَمَا يَهْوٜىٰهْ نٜىٰ يَكٜىٰبَاسُ غَنِنْ غَرِ؞

14سَرْكِنْ دَ ذَيْ يِوَتَلَكَ شَرِيعَرْ غَسْكِيَ، كُجٜىٰرَرْ مُلْكِنْسَ ذَاتَكَڢُ حَرْ أَبَدَا؞

15سَنْدَنْ حُواْرُواْ دَ ڟَاوَتَرْوَ سُكَنْ بَادَ حِكِمَ، عَمَّا يَرُوانْ دَ أَنْسَكٜىٰ مَسَ، ذَيْ جَٰوُاْوَ مَامَرْسَ كُنْيَا؞

16سَعَدَّ مُوغَيٜىٰ سُكَ ڧَارُ أَمُلْكِ، ذُنُوبِنْ غَنْ‌غَنْثِ يَكَنْ ڧَارُ، عَمَّا مَاسُ أَدَلْثِے ذَاسُغَ ڢَاطُوَرْسُ؞

17يِوَطَنْكَ حُواْرُواْ، شِيكُوَ ذَيْ كَٰوُاْ مَكَ سَلَمَ، ذَيْ ڢَرَنْتَ مَكَ رَيْ؞

18وُرِنْ دَ بَابُ بِشٜىٰوَرْ اللَّهْ ، مُتَنٜىٰ سُكَنْيِ رَايُوَرْ بَرْكَتَيْ، عَمَّا وَنْدَ يَكِيَايٜىٰ كُواْيَرْوَرْ مُوسَٰى، شِے مَيْ أَلْبَرْكَ نٜىٰ؞

19مَغَنَ كَوَيْ بَاتَ هُواْرَرْ دَ بَاوَ، غَمَا كُواْ يَغَانٜىٰ، بَذَيْ يِكُواْمٜىٰ عَكَيْبَ؞

20كُواْ كَا تَٻَ غَنِنْ مَيْ سَوْرِنْ يِنْ مَغَنَ؟ تُواْ، أَݣَويْ سَوْرَنْ سَا رَيْ غَ وَاوَا ڢِيٜىٰ دَشِ؞

21بَاوَنْ دَ عَكَ لَلَّشٜىٰشِ تُنْ يَنَ يَرُواْ، عَڧَرْشٜىٰ ذَيْ طَوْكِ كَنْسَ شِے طَا نٜىٰ؞

22مَيْ سَوْرِنْ ڢُشِے يَكَنْ تَادَ ڢَطَ، مَيْ ذَاڢِنْ كَيْ يَكَنْ عَيْكَتَ ذُنُوبِ دَيَوَ؞

23غِرْمَنْ كَنْ مُتُمْ ذَيْ جَٰوُاْ مَسَ ڧَسْڧَنْثِ، عَمَّا سَوْڧِنْ كَيْ ذَيْ كَٰوُاْ مَسَ غِرْمَ؞

24دُكْ وَنْدَ يَذَمَ أَبُواْكِنْ ٻَرَوُاْ، ڧِنْ كَنْسَ يَكٜىٰيِ؞ سَعَدَّ عَكَثٜىٰ مَسَ يَرَنْڟٜىٰ عَكُواْتُ، ذَيْ يِشِضُ؞

25جِنْ ڟُواْرُوانْ مُتُمْ تَرْكُواْ نٜىٰ، عَمَّا مَيْ دُواْغَضَ غَ يَهْوٜىٰهْ ذَيْ ذَوْنَ لَاڢِيَ؞

26مُتَنٜىٰ دَيَوَ سُكَنْ نٜىٰمِ ڢَضٍ جِنِ دَغَ مَيْ مُلْكِ، عَمَّا سَامُنْ شَرِيعَرْ غَسْكِيَ دَغَ وُرِنْ يَهْوٜىٰهْ يَكٜىٰ؞

27أَبِنْ دَ مَيْ أَدَلْثِے يَكٜىٰ ڨَمَ، شِينٜىٰ مَرَرْ غَسْكِيَ، أَبِنْ دَ مُوغُ يَكٜىٰ ڨَمَ، شِينٜىٰ مَيْ غَسْكِيَ أَ ظُوثِ؞

← Chapter 28 Jump to: Chapter 30 →