Proverbs 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to: Chapter 14 →

1طَا مَيْ حِكِمَ يَكَنْ كَرْٻِ هُواْرَرْوَرْ بَابَنْسَ، عَمَّا طَا مَيْ رٜىٰنِ بَايَ جِنْ ڟَاوَتَرْوَ؞

2مُتُمِنْ كِرْكِ يَكَنْثِ دَغَ أَلْبَرْكَرْ بَاكِنْسَ، عَمَّا مَرَرْ كِرْكِ يَكَنْسَا كَيْ غَ تَادَ حَنْكَلِ؞

3مَيْ لُورَ دَ أَبِنْدَ يَكٜىٰ ڢِتُواْوَ دَغَ بَاكِنْسَ يَنَ كِيَايٜىٰ رَيْ، عَمَّا وَنْدَ بَيْ كُلَ دَ مَغَنَرْسَبَ، ذَيْ كَيْ كَنْسَ غَ هَلَّكَ؞

4مَيْ ڧِوِيَ يَكَنْيِ مَرْمَرِنْ أَرْزِڧِ، عَمَّا بَايَ سَامُنْ كُواْمٜىٰ، عَمَّا مَيْ ڨُوظُوانْ عَيْكِ ذَيْسَامِ أَبِنْدَ يَكٜىٰ بُڧَاتَ عَيَلْوَثٜىٰ؞

5مَيْ أَدَلْثِے يَنَ ڧِنْ ڧَضْيَا، عَمَّا مُوغُ يَنَ يِنْ أَبِنْ كُنْيَا دَ ڧَسْڧَنْثِ؞

6أَدَلْثِے يَكَنْ كِيَايٜىٰ مَيْ غَسْكِيَ أَ ظُوثِ، عَمَّا مُغُنْتَا تَكَنْ تُمْٻُكٜىٰ مَيْ ذُنُوبِ؞

7وَنِ يَكَنْ نُونَ كَنْسَ شِے مَيْ أَرْزِڧِ نٜىٰ، عَمَّا بَ شِ دَكُواْمٜىٰ؞ وَنِ كُمَ يَكَنْ نُونَ كَنْسَ بَاشِ دَكُواْمٜىٰ، عَمَّا يَنَدَ أَرْزِڧِ مَيْ يَوَ؞

8مَيْ أَرْزِڧِ ذَيْ يِ أَمْڢَانِ دَ كُطِنْسَ دُواْمِنْ ڢَنْسَرْ رَنْسَ، عَمَّا مَيْ تَلَوْثِ بَابُ مَيْ دَامُنْسَ؞

9حَصْكٜىٰنْ مَيْ أَدَلْثِے يَنَ حَصْكَكَاوَا سُواْسَيْ، عَمَّا ڢِتِلَرْ مُوغُ تَنَ مُتُوَ؞

10حَنْيَرْ غِرْمَنْ كَيْ تَكَنْ كَٰوُاْ ڢَطَ كَوَيْ، عَمَّا حِكِمَ تَنَ وُرِنْ مَيْ نٜىٰمَنْ شَوَرَا؞

11أَرْزِڧِنْ دَ عَكَ سَامُ تَهَنْيَرْ رَشِنْ غَسْكِيَ ذَيْ وَڟٜىٰ نَنْ دَنَنْ، عَمَّا وَنْدَ يَسَامُ دَ ظُڢَرْسَ ذَيْ يِتَڧَارُوَ؞

12سَا رَيْ وَنْدَ بَتَبِيَ بُڧَاتَبَ، تَكَنْسَا ذُوثِيَا تَٻَثٜىٰ، عَمَّا سَامُنْ أَبِنْدَ رَيْ يَكٜىٰسُواْ، إِتَاثٜىٰ مَيْ بَادَ رَيْنٜىٰ؞

13مَيْ رٜىٰنِنْ مَغَنَ ذَيْ هَلَّكَ، عَمَّا مَيْ كَرْٻَرْ عُمَرْنِ ذَيْ كَرْٻِ لَادَ؞

14كُواْيَرْوَرْ مَيْ حِكِمَ مَٻُٻُّغَرْ ضُوً رَيْ ثٜىٰ، مَيْ كَرْٻَرْتَ ذَيْ كَوْثٜىٰ تَرْكُوانْ مُتُوَ؞

15حَلِنْ كِرْكِ يَكَنْ جَٰوُاْ ڢَضٍ جِنِ، عَمَّا حَنْيَرْ مَرَرْ أَمِنْثِ تَنَدَ وُيَ؞

16مَيْ حَنْكَلِ يَسَنْ أَبِنْدَ يَكٜىٰيِ، عَمَّا وَاوَا يَكَنْ نُونَ وَوَنْثِنْسَ أَ ڢِيلِ؞

17مُوغُنْ طَنْ عَيْكَ يَكَنْ كَٰوُاْ دَامُوَ، عَمَّا وَكِيلِ مَيْ أَمِنْثِ يَكَنْ كَٰوُاْ سَلَمَ؞

18وَنْدَ يَڧِ كَرْٻَرْ هُواْرَرْوَ، ذَيْ تَلَوْثٜىٰ يَشَا كُنْيَا، عَمَّا وَنْدَ يَكَسَ كُنّٜىٰ غَ ڟَاوَتَرْوَ، ذَيْسَامِ طَوْكَكَ؞

19سَامُنْ بِيَنْ بُڧَاتَ يَكَنْ ڢَرَنْتَ رَيْ، عَمَّا أَبِنْ ڨَمَ نٜىٰ غَ وَوَيٜىٰ سُرَبُ دَ مُغُنْتَا؞

20وَنْدَ يَيِ تَڢِيَ تَرٜىٰدَ مَاسُ حِكِمَ ذَيْ كَسَنْثٜىٰ دَ حِكِمَ، عَمَّا أَبُواْكِنْ تَڢِيَرْ وَوَيٜىٰ ذَيْ لَلَثٜىٰ؞

21مُغُنْتَا تَنَ بِنْ مَيْ ذُنُوبِ، عَمَّا أَلْبَرْكَ عِتَثٜىٰ لَادَنْ مَيْ أَدَلْثِے؞

22مُتُمِنْ كِرْكِ يَكَنْ بَرْ غَادُواْ غَ یَیَنْسَ حَرْ ذُوَا جِيكُواْكِنْسَ، عَمَّا أَرْزِڧِنْ مَيْ ذُنُوبِ عَكَنْ أَجِيٜىٰ وَمَيْ أَدَلْثِے؞

23كُواْ دَ غُواْنَرْ تَلَكَ تَبَادَ أَمْڢَانِ سُواْسَيْ، مَرَسَ غَسْكِيَ سُكَنْذُواْ سُڨُوثٜىٰ غَبَاطَيَ؞

24عِدَنْ كَاڧِ كَيِ وَطَنْكَ حُواْرُواْ، كَا نُونَ بَاكَ ڧَوْنَرْسَ كٜىٰنَنْ، عَمَّا عِدَنْ كَنَ ڧَوْنَرْسَ، كَتَبَّتَا كَهُواْرَرْ دَشِ؞

25مَيْ أَدَلْثِے يَكَنْثِ حَرْ رَنْسَ يَڧُواْشِ، عَمَّا مُوغُ، ڢَامَ يَكٜىٰيِ دَ يُنْوَ كُواْيَوْشٜىٰ؞

← Chapter 12 Jump to: Chapter 14 →