Proverbs 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1طَانَ، كَكَسَ كُنّٜىٰ غَ حِكِمَتَ، كَبُوطٜىٰ كُنُّوَ غَ مَغَنَرْ بَسِيرَتَ،

2دُواْمِنْ كَيِكُواْمٜىٰ ثِكِنْ حَنْكَلِ مَيْݣَوْ، بَاكِنْكَ كُمَ يَنُونَ كَنَدَ سَنِ؞

3كَسَنِ ڢَا، بَاكِنْ مَثٜىٰ مَيْ ظِنَ يَنَدَ ذَاڧِ كَمَرْ ظُمَ، مَغَنَرْتَ كُمَ تَكَنْڢِے مَنْ شَڢَاوَا لَوْشِ؞

4عَمَّا ڧَرْشٜىٰنْ ذَمَ دَ عِتَ، سَيْ طَاثِ، ذَاتَ سُواْكٜىٰكَ كَمَرْ تَكُواْبِے مَيْثِ بَاكِ بِيُ؞

5ڧَڢَاڢُنْتَ سُنَ غَنْ‌غَرُواْوَ ذُوَا كَبَرِ نٜىٰ، حَنْيَرْتَ ذَاتَ كَيْكَ وُرِنْ ذَمَنْ مَتَتُّو؞

6بَتَ دَامُ دَ حَنْيَرْ رَيْبَ، هَنْيُواْيِنْتَ بَعَمِيڧٜىٰ سُكٜىٰبَ، عِتَ كُوَ بَتَسَنْ حَكَ تَكٜىٰبَ؞

7يَنْذُ ڢَا، يَا طَانَ، كَسَوْرَرَتَ، كَدَ كَرَبُ دَ كَلْمُواْمِنْ بَاكِنَ؞

8يِ نٜىٰسَ دَ حَنْيَرْتَ، كَدَ مَا كَيِ كُسَدَ ڧُواْڢَرْ غِدَنْتَ؞

9كَدَ ڧَرْڢِنْكَ يَڧَارٜىٰ عَكَنْ وَطَنْسُ، كَمُتُ عَڧُرُثِيَ أَ حَنُّنْ مَرَسَ تَوْسَيِ،

10بَاڧِ كُوَ سُݣُوشٜىٰ ڧَرْڢِنْ جِكِنْكَ، ظُڢَرْكَ تَتَڢِے غِدَنْ وَنِ عَبَنْظَ؞

11عَڧَرْشٜىٰنْ رَنْكَ كُمَ كَنَ نِيشِ ثِكِنْ ذَاڢِ، سَعَدَّ ثِيوُاْ يَثِنْيٜىٰ جِكِنْكَ،

12ذَاكَثٜىٰ «مٜىٰيَسَا نَڧِ كَرْٻَرْ ڠَرَ؟ مٜىٰيَسَا ذُوثِيَاتَ تَرٜىٰنَ ڟَاوَتَرْوَ؟

13مٜىٰيَسَا بَنْ كَسَ كُنّٜىٰ غَ مَلَمَيْنَبَ؟ مٜىٰيَسَا بَنْ سَوْرَرِ مَاسُ كُواْيَرْ دَنِے بَ؟

14غَاشِ، إِنَ غَبْ دَ هَلَّكَ، يَنْذُ إِنَ غَبْ دَ شَنْ كُنْيَا أَغَبَنْ جَمَعَ؞»

15جِ دَاطِنْ ڧَوْنَرْ مَاتَرْكَ كَطَيْ، شَا ضُوَ دَغَ رِجِيَرْ نَنْ كَطَيْ، ضُوَ مَيْ لَاڢِيَ كُمَ دَغَ ثِكِنْ ضَنْدَارْكَ؞

16دَيْدَيْ نٜىٰ مَٻُٻُّغَرْ ضُوً جِكِنْكَ يَغُدُ كُواْعِنَ؟ كُواْ يَذَمَ نَكُواْوَ دَ كُواْوَ؟

17بَرِ سُذَمَ نَاكَ كَطَيْ، بَذَاكَ رَبَ دَ بَڧُواْبَ؞

18بَرِ ضُوَنْكَ يَذَمَ دَ أَلْبَرْكَ، كَيِ ڢَضٍ ثِكِ دَ مَاتَرْكَ تَڧُرُثِيَرْكَ،

19ݣَكْݣَوَرْ غَنِ كَمَرْ بَرٜىٰوَ، كُواْ یَرْ بَرٜىٰوَ مَيْ ݣَنْ غَنِ؞ بَرِ نُواْنُوانْتَ سُإِشٜىٰكَ كُلُّمْ، ڧَوْنَرْتَ كُمَ يَشَا كَنْكَ؞

20طَانَ، مٜىٰ ذَيْسَا مَتَا مَيْ ظِنَ تَشَا كَنْكَ؟ مٜىٰ ذَيْسَا كَضُنْ‌غُمِ مَاتَرْ وَنِ؟

21غَمَا هَنْيُواْيِنْ رَايُوَرْ طَنْ أَدَمْ عَبَيَّنٜىٰ سُكٜىٰ أَعِدُوانْ يَهْوٜىٰهْ ، يَهْوٜىٰهْ كُوَ يَكَنْ ڠُودَ دُكَنْ هَنْيُواْيِنْسَ؞

22لَيْڢُواْڢِنْ مُوغُ تَرْكُواْ نٜىٰ غَرٜىٰشِ، إِغِيُواْيِنْ ذُنُبَنْسَ سُكَنْ رِڧٜىٰشِ كَمْ؞

23يَكَنْ مُتُ سَبُواْدَ رَشِنْ كَمٜىٰوَرْسَ، ڟَنَنِنْ وَوَنْثِنْسَ يَكَنْ كَيْشِ غَ هَلَّكَ؞

← Chapter 4 Jump to: Chapter 6 →