Numbers 2

Tswana (BAEBELE e e Boitshepo) 1992

← Chapter 1 Jump to: Chapter 3 →

1Jehofa a bua le Moše le Arone, a re:

2“A bana ba Iseraele ba itlhomele megope, mongwe le mongwe fa mokgeleng o e leng wa ga gabo, ba tlhome le ditshupo tsa dikgotla tsa borra ba bone; a ba thibelele bolebagana le mogope wa bophuthegelo mo tikologong.

3“Ba ba tlhomang ntlheng ya botlhabatsatsi, bolebagana le kwa letsatsi le tlhabang, a e nne ba mokgele wa bothibelelo jwa ga Juta, ka fa masomosomong a bone, mme kgosana ya bana ba ga Juta, a e nne Našone morwa Aminatabe.

4Lesomosomo la gagwe, le ba ba badilweng mo go bone, e ne e le 74 600.

5Ba ba tlaa tlhomang go bapa nae a e nne lotso lwa ga Isakare; kgosana ya bana ba ga Isakare a e nne Nethanele morwa Suare.

6Lesomosomo la gagwe le ba ba badilweng mo go bone, e ne e le 54 400.

7Le lotso lwa ga Sebulone; kgosana ya bana ba ga Sebulone a e nne Eliabe morwa Helone.

8Lesomosomo la gagwe, le ba ba badilweng mo go bone, e ne e le 57 400.

9Botlhe ba ba badilweng ba bothibelelo jwa ga Juta, e ne e le 186 400, ka fa masomosomong a bone. Ke bone ba ba tlaa bothologang pele.

10“Ntlheng ya borwa a go nne mokgele wa bothibelelo jwa ga Rubene, ka fa masomosomong a bone; kgosana ya bana ba ga Rubene a e nne Elisure morwa Shedure.

11Lesomosomo la gagwe le ba ba badilweng mo go bone, e ne e le 46 500.

12Ba ba tlaa tlhomang go bapa nae, a e nne lotso lwa ga Simeone; kgosana ya bana ba ga Simeone a e nne Shelumiele morwa Surišatai.

13Lesomosomo la gagwe, le ba ba badilweng mo go bone e ne e le 59 300.

14Le lotso lwa ga Gate; kgosana ya bana ba ga Gate a e nne Eliasafe morwa Reuele.

15Lesomosomo la gagwe, le ba ba badilweng mo go bone e ne e le 45 650.

16Botlhe ba ba badilweng ba bothibelelo jwa ga Rubene e ne e le 151 450, ka fa masomosomong a bone. Mme a e nne bone ba bobedi mo go bothologeng.

17“Foo a mogope wa bophuthegelo o bothologe, o na le ba bothibelelo jwa Balefi mo gare ga mathibelelo; jaaka ba tle ba thibelele, a ba bothologe fela jalo, motho mongwe le mongwe a le mo bonnong jwa gagwe, fa mekgeleng ya bone.

18“Ntlheng ya bophirimatsatsi a go nne mokgele wa bothibelelo jwa ga Eferaime ka fa masomosomong a bone; kgosana ya bana ba ga Eferaime a e nne Eliašama morwa Amihute.

19Lesomosomo la gagwe, le bone ba ba badilweng mo go bone e ne e le 40 500.

20Go bapa nae a go nne lotso lwa ga Manase; kgosana ya bana ba ga Manase a e nne Gamaliele morwa Petasure.

21Lesomosomo la gagwe, le ba ba badilweng mo go bone e ne e le 32 200.

22Le lotso lwa ga Benjamine; kgosana ya bana ba ga Benjamine a e nne Abitana morwa Giteoni.

23Lesomosomo la gagwe, le ba ba badilweng mo go bone e ne e le 35 400.

24Botlhe ba ba badilweng ba bothibelelo jwa ga Eferaime e ne e le 108 100, ka fa masomosomong a bone. A e nne bone ba boraro mo go bothologeng.

25“Ntlheng ya botsheka a go nne mokgele wa bothibelelo iwa ga Dane ka fa masomosomong a bone; kgosana ya bana ba ga Dane a e nne Ahiesere morwa Amišatai.

26Lesomosomo la gagwe le ba ba badilweng mo go bone e ne e le 62 700.

27Ba ba tlhomang go bapa nae a e nne lotso lwa ga Ašere; kgosana ya bana ba ga Ašere a e nne Pagiele morwa Okerane.

28Lesomosomo la gagwe, le ba ba badilweng mo go bone e ne e le 41 500.

29Le lotso lwa ga Nafetali; kgosana ya bana ba ga Nafetali a e nne Ahira morwa Enane.

30Lesomosomo la gagwe le ba ba badilweng mo go bone e ne e le 53 400.

31Botlhe ba ba badilweng ba bothibelelo jwa ga Dane e ne e le 157 600. Ke bone ba ba tlaa nnang ba morago mo go bothologeng fa mekgeleng ya bone.”

32Ba ke bone ba ba badilweng ba bana ba Iseraele, ka dikgotla tsa borra ba bone; botlhe ba ba badilweng ba mathibelelo ka fa masomosomong a bone, e ne e le 603 550.

33Mme Balefi ba se ka ba balelwa mo baneng ba Iseraele, jaaka Jehofa a ne a laotse Moše.

34Bana ba Iseraele ba dira jaana, jaaka tsotlhe tse Jehofa o di laoletseng Moše, ba tlhoma jalo ka fa mekgeleng ya bone, mme ba bothologa jalo, mongwe le mongwe ka ditshika tsa bone, ka fa dikgotleng tsa borra ba bone.

← Chapter 1 Jump to: Chapter 3 →