Numbers 7 — Tswana (BAEBELE e e Boitshepo) 1992

1Ga dirala ya re mo tsatsing le Moše o swetsang go tlhoma motlaagana ka lone, a o tloditse, a o itshepisitse, le dilo tsotlhe tse di nnang mo go one, le sebeso, le dilo tsotlhe tsa sone, a di tloditse a di itshepisitse;

2dikgosana tsa Iseraele, ditlhogo tsa dikgotla tsa borra ba bone tsa isa tshupelo; tse e ne e le dikgosana tsa ditso, e le tsone tse di beilweng mo taolong mo go bone ba ba badilweng.

3Ba isa seromololo sa bone fa pele ga Jehofa, makoloi a a khurumeditsweng a le marataro, dikgomo di le 12, koloi e le nngwe fela e pataganetswe ke dikgosana di le pedi, mme kgomo ya mongwe le mongwe wa bone, ba di isa fa pele ga motlaagana.

4Jehofa a bua le Moše, a re:

5“Di tseye mo go bone, gore e nne tsa go dira tirelo ya mogope wa bophuthegelo; o di neye Balefi, mongwe le mongwe ka fa tirelong ya gagwe.”

6Moše a tsaya makoloi le dikgomo, a di naya Balefi.

7A naya bomorwa Gerešone makoloi a le mabedi le dikgomo di le nne, ka fa tirelong ya bone;

8a naya bomorwa Merari makoloi a le mane le dikgomo di le bofera mebedi, ka fa tirelong ya bone, fa tlase ga seatla sa ga Ithamare morwa Arone moperesiti.

9Mme a se ka a naya bomorwa Kohathe epe, ka tirelo ya felo ga boitshepo e le ya bone; ba ne ba tle ba go rwale mo maruding.

10Dikgosana tsa isetsa tshwaelo ya sebeso tshupelo mo tsatsing le se tloditsweng ka lone, ke go re dikgosana tsa isa seromololo sa tsone fa pele ga sebeso.

11Jehofa a raya Moše, a re: “A ba ise seromololo sa bone sa tshwaelo ya sebeso, kgosana nngwe le nngwe ka letsatsi la yone.”

12Yo o isitseng seromololo sa gagwe ka letsatsi la ntlha e ne e le Našone morwa Aminatabe, wa lotso lwa Juta.

13Seromololo sa gagwe e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di le 800, ka fa selekanyong sa felo ga boitshepo; dilo tse tsoo pedi di ne di tletse setou se se tlhakanyeng le lookwane, e le tshupelo ya boupe;

14loswana lwa gouta lo le longwe fela lo lo dikerama di le 110 lo tletse maswalo;

15kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

16podi e le ngwe fela e tonanyana ya tshupelelo ya boleo;

17dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le tsa setlhabelo sa ditshupelo tsa kagiso; e le sone seromololo sa ga Našone morwa Aminatabe.

18Nethanele morwa Suare, kgosana ya Isakare, a isa ka letsatsi la bobedi:

19A isa seromololo sa gagwe e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela wa dikerama di le 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

20loswana lwa gouta lo le longwe fela lo lo dikerama di le 110, lo tletse maswalo;

21kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

22podi e tonanyana e le nngwe fela ya tshupelelo ya boleo;

23dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso; e le sone seromololo sa ga Nethanele morwa Suare.

24Eliabe morwa Helone, kgosana ya bana ba ga Sebulone, a isa ka letsatsi la boraro:

25Seromololo sa gagwe, e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di le 800, ka fa selekanyong sa felo ga boitshepo; dilo tse tsoo pedi di ne di tletse setou se se tlhakanyeng le lookwane, e le tshupelo ya boupe;

26loswana lwa gouta lo le longwe fela lo lo dikerama di 110, lo tletse maswalo;

27kgongwana e le nngwe fela ya ngwaga wa ntlha, e le tshupelo e e fisiwang;

28podi e le nngwe fela e tonanyana ya tshupelelo ya boleo;

29dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso; e ne e le sone seromololo sa ga Eliabe morwa Helone.

30Elisure morwa Shedure, kgosana ya bana ba ga Rubene, a isa ka letsatsi la bone:

31Seromololo sa gagwe e ne e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

32loswana lwa gouta lo le longwe fela lo lo dikerama di 110, lo tletse maswalo;

33kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

34podi e tonanyana e le nngwe fela ya tshupelelo ya boleo;

35dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso; e ne e le sone seromololo sa ga Elisure morwa Shedure.

36Ka letsatsi la botlhano Shelumiele morwa Surišatai, kgosana ya bana ba ga Simeone:

37Seromololo sa gagwe e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

38loswana lwa gouta lo le longwe fela lo lo dikerama di 110, lo tletse maswalo;

39kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

40podi e tonanyana e le nngwe fela ya tshupelelo ya boleo;

41dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso; e ne e le sone seromololo sa ga Shelumiele morwa Surišatai.

42Ka letsatsi la borataro Eliasafe morwa Duele, kgosana ya bana ba ga Gate:

43Seromololo sa gagwe e ne e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di ne di tletse setou se se tlhakanyeng le lookwane, e le tshupelo ya boupe;

44loswana lwa gouta le le longwe fela lo lo dikerama di 110, lo tletse maswalo;

45kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

46podi e tonanyana e le nngwe fela e le tshupelelo ya boleo;

47dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tse ngwaga wa ntlha, e le setlhabelo sa ditshupelo tsa kagiso; e ne e le sone seromololo sa ga Eliasafe morwa Duele.

48Ka letsatsi la bosupa Elišama morwa Amihute, kgosana ya bana ba ga Eferaime:

49Seromololo sa gagwe e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

50loswana lwa gouta lo le longwe fela lo lo dikerama di 110, lo tletse maswalo;

51kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang,

52podi e tonanyana e le nngwe fela e le tshupelelo ya boleo;

53dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le tlhano tsa ngwaga wa ntlha, e le setlhabelo sa ditshupelo tsa kagiso, e le sone seromololo sa ga Elišama morwa Amihute.

54Ka letsatsi la bofera mebedi Gamaliele morwa Petasure, kgosana ya bana ba ga Manase:

55Seromololo sa gagwe e ne e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

56loswana lwa gouta lo le longwe fela lo lo dikerama di 110, lo tletse maswalo;

57kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

58podi e tonanyana e le nngwe fela, e le tshupelelo ya boleo;

59dikgomo di le pedi, diphelefu di le tlhano le dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso, e le sone seromololo sa ga Gamaliele morwa Petasure.

60Ka letsatsi la bofera mongwe fela Abitane morwa Giteoni, kgosana ya bana ba ga Benjamine:

61Seromololo sa gagwe e ne e le sejana sa gouta se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

62loswana lwa gouta lo le longwe fela lo lo dikerama di 110 lo tletse maswalo;

63kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

64podi e tonanyana e le nngwe fela e le tshupelelo ya boleo;

65dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso; e le sone seromololo sa ga Abitane morwa Giteoni.

66Ka letsatsi la lesome Ahiesere morwa Amišatai, kgosana ya bana ba ga Dane:

67Seromololo sa gagwe e ne e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

68loswana lwa gouta lo le longwe fela lo lo dikerama di 110, lo tletse maswalo;

69kgongwana e le nngwe fela, phelefu e le nngwe fela; kwanyana e tonanyana e le nngwe fela ya ngwaga wa ntlha, e le tshupelo e e fisiwang;

70podi e tonanyana e le nngwe fela, e le tshupelelo ya boleo;

71dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso, e le sone seromololo sa ga Ahiesere morwa Amišatai.

72Ka letsatsi la 11 Pagiele morwa Okerane, kgosana ya bana ba ga Ašere:

73Seromololo sa gagwe e ne e le sejane sa selefera se le se sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

74loswana lwa gouta lo le longwe fela lo lo dikerama di 110, lo tletse maswalo;

75kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

76podi e tonanyana e le nngwe fela e le tshupelelo ya boleo;

77dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso, e le sone seromololo sa ga Pagiele morwa Okerane.

78Ka letsatsi la bo 12 Ahira morwa Enane, kgosana ya bana ba ga Nafetali:

79Seromololo sa gagwe e ne e le sejana sa selefera se le sengwe fela, bokete jwa sone e le dikilokerama di le 1,5, mogotšana wa selefera o le mongwe fela o o dikerama di 800, ka fa selekanyong sa felo ga boitshepo; dilo tse tsoo pedi di tletse setou se se tlhakanyeng le lookwane, e le tshupelo ya boupe;

80loswana lwa gouta lo le longwe fela lo lo dikerama di 110, lo tletse maswalo;

81kgongwana e le nngwe fela, phelefu e le nngwe fela, kwanyana e tonanyana e le nngwe fela ya ngwaga wa ntlha, e le tshupelo e e fisiwang;

82podi e tonanyana e le nngwe fela e le tshupelelo ya boleo;

83dikgomo di le pedi, diphelefu di le tlhano, diphoko di le tlhano, dikwanyana tse ditonanyana di le tlhano tsa ngwaga wa ntlha, e le setlhabelo sa ditshupelo tsa kagiso, e le sone seromololo sa ga Ahira morwa Enane.

84E ne e le yone neelo ya sebeso ke dikgosana tsa Iseraele, ka letsatsi le se tloditsweng ka lone; e bong dijana tsa selefera di le 12, megotšana ya selefera e le 12, dintshwana tsa gouta di le 12;

85sejana sengwe le sengwe sa selefera se le bokete jwa dikilokerama di le 1,5, selefera sa dijana tse fa se le mmogo, e ne e le dikilokerama di le 27,6, sengwe le sengwe ka fa selekanyong sa felo ga boitshepo;

86dintshwana tsa gouta tse di 12 tse di tletseng maswalo, bokete jwa tsone tsotlhe di kopanye e ne e le dikilokerama di le 1,32, nngwe le nngwe bokete jwa yone e le jwa dikerama di le 110 ka fa selekanyong sa felo ga boitshepo.

87Dikgomo tsotlhe tsa tshupelo e e fisiwang di ne di le 12, diphelefu di le 12, dikwanyana tse ditonanyana tsa ngwaga wa ntlha di le 12, le tshupelo tsa tsone tsa boupe; dipodi tse ditonanyana tsa tshupelelo ya boleo di le 12.

88Dikgomo tsotlhe tsa ditlhabelo tsa ditshupelo tsa kagiso e ne e le dikgomo di le 24, diphelefu di le 60, dipodi tse ditonanyana di le 60, le dikwanyana tse ditonanyana tsa ngwaga wa ntlha di le 60. E ne e le yone neelo ya sebeso, se sena go tlodiwa.

89E rile Moše a ya mo mogopeng wa bophuthegelo a ya go bua nae, foo a utlwa Lentswe le bua nae le tswa fa godimo ga senno sa boutlwelobotlhoko se se mo godimo ga letlole la tshupo, le tswa mo gare ga ditšheruba tse pedi, mme a bua nae.