Proverbs 5

Luganda (BIBU1) (BIBULIYA ENTUKUVU)

← Chapter 4 Jump to: Chapter 6 →

1Mwana wange, tegereza magezi gange; okutegeera kwange kutegere amatu,

2olyoke weekuume mu bulabufu, n'emimwa gyo gikuume okumanya.

3Emimwa gy'omukazi omwenzi gitonnyolokoka mubisi gwa njuki, by'ayogera binyirira okusinga omuzigo;

4naye oluvannyuma akaawa ng'omususa, asala ng'ekiso ekyogi ku njuyi zombi.

5Ebigere bye biserengeta mu lumbe; ebigere bye bikutte ly'emagombe.

6Takuuma kakubo ka bulamu, amakubo ge geenyoleza, ate ye tamanyi.

7Kale nno, baana bange, mumpulire, ebigambo by'akamwa kange temubivaako.

8Omuyitanga wala, tosembereranga mulyango gwa nnyumba ye,

9sikulwa ng'ekitiibwa kyo okigabulira abalala, n'emyaka gyo n'ogiwa omukambwe.

10Sikulwa ng'ab'ebweru beeriira bye wateganira, bye wafaabiinira ne bidda mu nnyumba y'omulala.

11Ku nkomerero n'osinda, emifumbi n'omubiri nga biggweekeredde,

12n'ogamba nti: “Bye banjigiriza lwaki nabikyawa, lwaki omutima gwange tegwasiima kunenyezebwa?

13Saawuliriza ddoboozi ly'abayigisa bange, n'abanjigiriza saabategera matu.

14Kati ntuuse okuzikirira, wakati ng'ekibiina kikuŋŋaanye.”

15Amazzi ganywenga mu kidiba kyo, amazzi agakulukuta ag'omu luzzi lwo.

16Enzizi zo za ndyaladde ebweru, za ndikoze emyala gy'amazzi mu nguudo?

17Enzizi zo zeemalize wekka, si za kugabana na b'ebweru.

18Oluzzi lwo lubeere lwa mukisa; sanyukira mu mukazi w'omu buvubuka bwo:

19akasirabo akaganzi, akaweewo akagonvu. Ka amabeere ge gakumatizenga bulijjo, okwagala kwe kukutamiizenga.

20Mwana wange, lwaki wanditamidde omukazi malaaya, n'ogwa mu kifuba ky'atali wuwo?

21Kubanga amakubo g'omuntu Omukama agatunuulira; yekkaanya obukubo bwe bwonna.

22Omubi, ebyambyone by'akola birimutega, emiguwa gy'ebibi bye girimumyumyula.

23Kyaliva afa, kubanga teyeefuganga; awabye olw'obusiru bwe obungi.

← Chapter 4 Jump to: Chapter 6 →