Numbers 26 — Lao Bible 2012 (ພຣະຄຳພີສັກສິ)

9ແລະພວກລູກຊາຍຂອງລາວມີ: ເນມູເອນ, ດາທານ ແລະອາບີຣາມ. (ດາທານແລະອາບີຣາມແມ່ນຜູ້ທີ່ຖືກເລືອກຂຶ້ນມາຈາກຊຸມຊົນ. ພວກເຂົາໄດ້ກະບົດຕໍ່ໂມເຊແລະອາໂຣນ ໂດຍເຂົ້າຮ່ວມເປັນພັກພວກກັບໂກຣາ ເມື່ອພວກເຂົາໄດ້ກະບົດຕໍ່ພຣະເຈົ້າຢາເວນັ້ນ.

10ພື້ນດິນໄດ້ຍະກືນກິນພວກເຂົາ ແລະ ພວກເຂົາໄດ້ຕາຍໄປພ້ອມກັບໂກຣາ ຕະຫລອດທັງພັກພວກ 250 ຄົນໃນຕອນທີ່ຖືກໄຟເຜົາຜານນັ້ນ. ສິ່ງນີ້ໄດ້ເກີດຂຶ້ນເພື່ອເຕືອນປະຊາຊົນທັງຫລາຍ.

11ແຕ່ພວກລູກຊາຍຂອງໂກຣາບໍ່ໄດ້ຖືກຂ້າ.)

12ເຜົ່າຊີເມໂອນປະກອບດ້ວຍຕະກຸນເນມູເອນ, ຢາມິນ, ຢາກິນ,

13ເຊຣາແລະໂຊນ.

14ຕະກຸນເຫຼົ່ານີ້ມີຈຳນວນພົນ 22.200 ຄົນ.

15ເຜົ່າກາດປະກອບດ້ວຍຕະກຸນຂອງເຊໂຟນ, ຮັກກີ, ຊູນີ,

16ໂອຊະນີ, ເອຣີ,

17ອາໂຣດ ແລະອາເຣລີ.

18ຕະກຸນເຫຼົ່ານີ້ມີຈຳນວນພົນ 40.500 ຄົນ.

19ເຜົ່າຢູດາປະກອບດ້ວຍຕະກຸນເຊລາ, ເປເຣັດ, ເຊຣາ, ເຮຊະໂຣນ ແລະຮາມູນ. (ລູກຊາຍສອງຄົນຂອງຢູດາ ຄືເອຣະ ແລະໂອນານໄດ້ຕາຍຢູ່ດິນແດນການາອານ.)

22ຕະກຸນເຫຼົ່ານີ້ມີຈຳນວນພົນ 76.500 ຄົນ.

23ເຜົ່າອິດຊາຄາປະກອບດ້ວຍຕະກຸນໂຕລາ, ປູອາ,

24ຢາຊຸບ ແລະຊິມໂຣນ.

25ຕະກຸນເຫຼົ່ານີ້ມີຈຳນວນພົນ 64.300 ຄົນ.

26ເຜົ່າເຊບູໂລນປະກອບດ້ວຍຕະກຸນເສເຣັດ, ເອໂລນ ແລະຢາເລເອນ.

27ຕະກຸນເຫຼົ່ານີ້ມີຈຳນວນພົນ 60.500 ຄົນ.

28ເຜົ່າໂຢເຊັບມີລູກຊາຍສອງຄົນ ຄືມານາເຊແລະເອຟຣາອິມ.

29ເຜົ່າມານາເຊ: ມາກີລູກຊາຍຂອງມານາເຊພໍ່ຂອງກີເລອາດ ແລະຕະກຸນດັ່ງຕໍ່ໄປນີ້ໄດ້ສືບເຊື້ອສາຍໃຫ້ກີເລອາດ ດັ່ງນີ້:

30ຕະກຸນອີເອເຊ, ເຮເລັກ,

31ອາສະຣິເອນ, ເຊເຄມ,

32ເຊມີດາ ແລະເຮເຟ.

33ເຊໂລເຟຮັດຜູ້ທີ່ເປັນລູກຊາຍຂອງເຮເຟບໍ່ມີລູກຊາຍ ມີແຕ່ລູກສາວ ຊຶ່ງມີຊື່ດັ່ງນີ້: ມາຮະລາ, ໂນອາ, ໂຮກະລາ, ມີລະກາ ແລະຕີຣະຊາ.

34ຕະກຸນເຫຼົ່ານີ້ມີຈຳນວນພົນ 52.700 ຄົນ.

35ເຜົ່າເອຟຣາອິມປະກອບດ້ວຍຕະກຸນຊູເທລາ, ເບເຄ ແລະຕາຮານ.

36ຕະກຸນຂອງເອຣານສືບເຊື້ອສາຍມາຈາກຊູເທລາ.

37ຕະກຸນເຫຼົ່ານີ້ມີຈຳນວນພົນ 32.500 ຄົນ. ຕະກຸນເຫຼົ່ານີ້ແມ່ນສືບເຊື້ອສາຍມາຈາກໂຢເຊັບ.

38ເຜົ່າເບັນຢາມິນປະກອບດ້ວຍຕະກຸນເບລາ, ອາຊະເບນ, ອາຮີຣາມ,

39ເຊຟູຟາມ ແລະຮູຟາມ.

40ສ່ວນຕະກຸນຂອງອາກດາ ແລະອານາມານແມ່ນໄດ້ສືບເຊື້ອສາຍມາຈາກເບລາ.

41ຕະກຸນເຫຼົ່ານີ້ມີຈຳນວນພົນ 45.600 ຄົນ.

42ເຜົ່າດານປະກອບດ້ວຍຕະກຸນຮູຊິມ,

43ຊຶ່ງມີຈຳນວນພົນ 64.400 ຄົນ.

44ເຜົ່າອາເຊປະກອບດ້ວຍຕະກຸນອີມນາ, ອີຊະວີ ແລະເບຣິຢາ.

45ຕະກຸນເຮເບ ແລະມັນກີເອນໄດ້ສືບເຊື້ອສາຍມາຈາກເບຣິຢາ.

46ອາເຊມີລູກສາວຜູ້ໜຶ່ງຊື່ວ່າ ເສຣາ.

47ຕະກຸນເຫຼົ່ານີ້ມີຈຳນວນພົນ 53.400 ຄົນ.

48ເຜົ່າເນັບທາລີປະກອບດ້ວຍຕະກຸນຢາເຊເອນ, ກູນີ,

49ເຢເຊ ແລະຊິນເລັມ.

50ຕະກຸນເຫຼົ່ານີ້ມີຈຳນວນພົນ 45.400 ຄົນ.

51ຈຳນວນຜູ້ຊາຍຊາວອິດສະຣາເອນທັງໝົດມີ 601.730 ຄົນ.

52ພຣະເຈົ້າຢາເວໄດ້ບອກໂມເຊວ່າ,

53“ຈົ່ງແບ່ງດິນແດນໃຫ້ແກ່ຊາວອິດສະຣາເອນເຜົ່າຕ່າງໆຕາມຈຳນວນປະຊາຊົນ.

54ໃນການແບ່ງປັນດິນແດນເທື່ອນີ້ ຈົ່ງໃຊ້ສະຫລາກເປັນວິທີແບ່ງປັນ ແລະເຜົ່າໃດທີ່ມີຈຳນວນຄົນຫລາຍ ກໍຈະໄດ້ສ່ວນແບ່ງດິນແດນຫລາຍ ແລະເຜົ່າໃດທີ່ມີຈຳນວນຄົນໜ້ອຍ ກໍຈະໄດ້ສ່ວນແບ່ງດິນແດນໜ້ອຍ.”

57ສ່ວນເຜົ່າເລວີນັ້ນປະກອບດ້ວຍຕະກຸນ ດັ່ງນີ້: ເກໂຊນ, ໂກຮາດ ແລະເມຣາຣີ.

58ເຊື້ອສາຍຂອງພວກເຂົາໄດ້ຮວມເອົາທັງຕະກຸນຍ່ອຍດັ່ງນີ້: ລິບນີເຮັບໂຣນ, ມາຮະລີ, ມູຊີ ແລະໂກຣາ. ໂກຮາດເປັນພໍ່ຂອງອຳຣາມ.

59ເມຍຂອງລາວແມ່ນໂຢເກເບັດ ລູກສາວຂອງເລວີທີ່ເກີດໃນປະເທດເອຢິບ. ນາງໄດ້ເກີດລູກຊາຍໃຫ້ອຳຣາມສອງຄົນ ດັ່ງນີ້: ອາໂຣນ ແລະ ໂມເຊກັບລູກສາວຜູ້ໜຶ່ງຊື່ມີຣີອາມ.

60ອາໂຣນມີລູກຊາຍສີ່ຄົນ ດັ່ງນີ້: ນາດາບ ອາບີຮູ ເອເລອາຊາ ແລະອີທາມາ.

61ນາດາບແລະອາບີຮູໄດ້ຕາຍ ຕອນທີ່ພວກເຂົາໄດ້ຖວາຍບູຊາໄຟທີ່ຕ້ອງຫ້າມຕໍ່ໜ້າພຣະເຈົ້າຢາເວ.

62ລູກຊາຍຂອງຊາວເລວີທີ່ມີອາຍຸໜຶ່ງເດືອນຂຶ້ນໄປມີຈຳນວນ 23.000 ຄົນ. ພວກເຂົາບໍ່ໄດ້ຖືກນັບຮ່ວມເຂົ້າກັບປະຊາຊົນອິດສະຣາເອນເຜົ່າອື່ນໆ ຍ້ອນພວກເຂົາຈະບໍ່ໄດ້ຮັບຊັບສົມບັດສ່ວນໃດໆຢູ່ໃນຊາດອິດສະຣາເອນ.

63ໂມເຊແລະເອເລອາຊາເປັນຜູ້ຈົດທະບຽນຕະກຸນຕ່າງໆເຫຼົ່ານີ້ ເມື່ອເພິ່ນໄດ້ເຮັດສຳມະໂນຄົວຊາວອິດສະຣາເອນທີ່ທົ່ງພຽງໂມອາບ ຊຶ່ງຢູ່ອີກຟາກໜຶ່ງຂອງແມ່ນໍ້າຈໍແດນກົງກັນຂ້າມເມືອງເຢຣິໂກ.

64ຕາມບັນຊີທີ່ໂມເຊແລະປະໂຣຫິດອາໂຣນໄດ້ຈົດທະບຽນປະຊາຊົນອິດສະຣາເອນເທື່ອທຳອິດໃນຖິ່ນແຫ້ງແລ້ງກັນດານຊີນາຍນັ້ນ ບໍ່ມີຜູ້ຊາຍລຸ້ນກ່ອນແມ່ນແຕ່ຄົນດຽວທີ່ມີຊີວິດຢູ່.

65ເພາະພຣະເຈົ້າຢາເວໄດ້ກ່າວຕໍ່ພວກເຂົາໄວ້ວ່າ, ພວກເຂົາທຸກຄົນຈະຕ້ອງຕາຍໃນຖິ່ນແຫ້ງແລ້ງກັນດານ ແລະກໍໄດ້ເປັນດັ່ງນັ້ນທຸກປະການ ຍົກເວັ້ນແຕ່ກາເລັບລູກຊາຍຂອງເຢຟຸນເນ ແລະໂຢຊວຍລູກຊາຍຂອງນູນ.