1 Chronicles 13

Kirundi (Bibliya Yera 1951, 1967 (Burundi))

← Chapter 12 Jump to: Chapter 14 →

1Maze Dawidi aja inama n’ abagabisha bagaba ibihumbi n’abagaba amajana, mbere n’umukuru wese.

2Dawidi abarira ikoraniro ryose ry’Abisirayeli, ati Ni mwumva mubishimye, kandi namba bivuye k’Uhoraho Imana yacu, dutume hose kuri bagenzi bacu basigaye mu ntāra zose z’i Bgisirayeli, no ku baherezi n’Abalewi bari mu bisagara vyabo bifise amaragiro, kugira ngo bakoranire aho turi;

3duheze tuje kugarukana isandugu y’Imana aho turi; kuko tutāyibabaye ku ngoma ya Sauli.

4Nukw abahakoraniye bose baravyemera, kukw abantu bose bashimye iyo nama.

5Nuko Dawidi akoranya Abisirayeli bose, uhereye kuri Shihori, uruzi rwa Egiputa, ugashitsa ahafata i Hamati, kugira ngo baje i Kiriyati‐yeyarimu gukūray’ isandugu y’Imana.

6Nukw adūgana n’Abisirayeli bose, baja i Bayala, ari ho Kiriyati‐yeyarimu h’i Buyuda, kugira ngo bakūrey’ iyo sandugu y’Imana yitirirwa rya Zina, ari ryo ry’Uhoraho yama avyagiye ku bakerubi.

7Nuko bakūra iyo sandugu y’ Imana kwa Abinadabu, bayishize ku mukogote musha; Uza na Ahiyo bayobora inka zikwega uyo mukogote.

8Dawidi n’Abisirayeli bose bagenda biyereka biginagura, bar’ imbere y’Imana, baririmba, bavuza inanga n’amakembe n’udushāko tw’ingoma n’ ivyitwa matowazi n’inzumbete.

9Maze bashitse ku mbuga ya Kidoni, Uza atuma ukuboko ngw asame iyo sandugu, kukw inka zari zitirimutse.

10Maz’ uburake bg’ Uhoraho buziriringira Uza, aca amutsinda aho nyene, kuko yarāmvuye ukuboko ngw afate iyo sandugu; nukw agwa ngah’ imbere y’Imana.

11Bibabaza Dawidi k’Uhoraho yahwikiye Uza; aho hantu haca hitwa Peres‐uza, kugeza na bugingo n’ubu.

12Uwo musi Dawidi aca aterwa ubgoba n’Imana; aravuga, ati Mbega noshobora nte gutahana isandugu y’Imana?

13Nuko Dawidi ntiyajana iyo sandugu i we ku murwa wiwe, arikw ayikebereza kwa Obed‐edomu w’Umunyegati.

14Nukw iyo sandugu y’Imana imara amezi atatu mu nzu kwa Obed‐edomu, kand’ Uhoraho aha umugisha urugo rwa Obed‐edomu n’ivyo yar’ afise vyose.

← Chapter 12 Jump to: Chapter 14 →