1 Chronicles 2

Kirundi (Bibliya Yera 1951, 1967 (Burundi))

← Chapter 1 Jump to: Chapter 3 →

1Aba ni bo bana ba Isirayeli: Reyubeni na Simeyoni na Lewi na Yuda na Isakari na Zebuloni,

2na Dani na Yosefu na Benyamini na Nafutali na Gadi na Asheri.

3Bene Yuda ni Eri na Onani na Shela; abo ukw ari batatu yabavyaranye na Batishuwa Umunyakananikazi. Kandi Eri, imfura ya Yuda, yakora ivyo Uhoraho abona kw ari bibi: Uhoraho araheza aramwica.

4Maze Yuda avyara Peresi na Zera kuri Tamari, umukazana wiwe. Nukw abahungu ba Yuda bose na bose bāri batanu.

5Bene Peresi ni Hesironi na Hamuli.

6Bene Zera ni Zimuri na Etani na Hemani na Kalukoli na Dara; bose na bose bāri batanu.

7Mwene Karumi ni Akani, yateje Abisirayeli amagorwa, igihe yacumura mu vyagizwe inyegu.

8Mwene Etani ni Azariya.

9Kand’ abana Hesironi yavyaye ni Yerameyeli na Ramu na Kelubayi.

10Ramu avyara Aminadabu; Aminadabu avyara Nahashoni, umukuru wo mu muryango wa Yuda.

11Nahashoni avyara Saluma; Saluma avyara Bowazi.

12Bowazi avyara Obedi; Obedi avyara Isayi.

13Isayi avyara Eliyabu, imfura yiwe, uwa kabiri ni Abinadabu, uwa gatatu ni Shimeya,

14uwa kane ni Netaneli, uwa gatanu ni Radayi,

15uwa gatandatu ni Osemu, uw’ indwi ni Dawidi;

16kandi bashiki babo ni Seruwiya na Abigayili. Abana ba Seruwiya ni Abishayi na Yowabu na Asaheli, ukw ari batatu.

17Abigayili avyara Amasa, kandi se wa Amasa yari Yeteri w’Umwishimayeli.

18Kalebu mwene Hesironi avyara abana kuri Azuba umugore wiwe, no kuri Yeriyoti; aba ni bo bana ba Azuba: Yesheri na Shobabu na Aridoni.

19Azuba apfuye, Kalebu yābīra Efurata, bavyarana Huri.

20Huri avyara Uri, Uri avyara Besaleli.

21Hanyuma Hesironi yābīra umukobga wa Makiri se wa Gileyadi, kandi Hesironi yar’ amaze imyaka mirongwitandatu igihe yamurongora; bavyarana Segubu.

22Segubu avyara Yayiri; Yayiri ni we yaganza ibisagara mirongwibiri na bitatu mu ntāra y’i Gileyadi.

23Hanyuma Geshuri na Aramu banyaga aba Yayiri ivyo bisagara, bo n’i Kenati n’udusagara tuhakūkira, vyose na vyose vyar’ ibisagara mirongwitandatu. Abo bose ni bo bandurutse kuri Makiri se wa Gileyadi.

24Bukeye Hesironi amaze gupfa, aguye i Kalebu‐efurata, umugore wiwe Abiya inda yasigaranye ayivyaramwo Ashuri se wa Tekowa.

25Bene Yerameyeli imfura ya Hesironi n’aba: uw’ imfura ni Ramu, agakurikirwa na Buna na Oreni na Osemu na Ahiya.

26Kandi Yerameyeli yar’ afise uwundi mugore yitwa Atara; uwo ni we nyina wa Onamu.

27Bene Ramu imfura ya Yerameyeli ni Mayasi na Yamini na Ekeri.

28Bene Onamu ni Shamayi na Yada; bene Shamayi ni Nadabu na Abishuri.

29Muka Abishuri yitwa Abihayili: bavyarana Ahubani na Molidi.

30Bene Nadabu ni Seledi na Apayimu; ariko Seledi apfa ar’ imponnyi.

31Mwene Apayimu ni Ishi; mwene Ishi ni Sheshani; mwene Sheshani ni Ahulayi.

32Bene Yada murumuna wa Shamayi ni Yeteri na Yonatani; ariko Yeteri apfa ar’ imponnyi.

33Bene Yonatani ni Peleti na Zaza. Abo bose ni bo bandurutse kuri Yerameyeli.

34Kandi Sheshani nta muhungu yagira, atar’ abakobga gusa; ariko yar’ afise umugurano ava muri Egiputa yitwa Yaruha;

35nuko Sheshani uwo mugurano wiwe amushingira umukobga wiwe, bavyarana Atayi.

36Atayi avyara Natani, Natani avyara Zabadi;

37Zabadi avyara Efulali, Efulali avyara Obedi;

38Obedi avyara Yehu, Yehu avyara Azariya;

39Azariya avyara Helesi, Helesi avyara Eleyasa;

40Eleyasa avyara Sisimayi, Sisimayi avyara Shalumu;

41Shalumu avyara Yekamiya, Yekamiya avyara Elishama.

42Mwene Kalebu murumuna wa Yerameyeli ni Maresha, kandi ni we mfura yiwe, ni we se wa Zifu; mwene Maresha ni Heburoni.

43Bene Heburoni ni Kora na Tapuwa na Rekemu na Shema.

44Shema avyara Rahamu se wa Yorikeyamu; Rekemu na we avyara Shamayi.

45Mwene Shamayi ni Mayoni; kandi Mayoni ni we se wa Beti‐suri.

46Kandi Efa, incoreke ya Kalebu, Kalebu amuvyarako Hara na Mosa na Gazezi; Harani avyara Gazezi.

47Bene Yahidayi ni Regemu na Yotamu na Geshani na Peleti na Efa na Shafi.

48Kandi Mayaka, incoreke ya Kalebu, Kalebu amuvyarako Sheberi na Tiruhana.

49Kandi bavyarana na Shafi se wa Madumana, na Sheva se wa Makubena, bo na se wa Gibeya; kand’ umukobga wa Kalebu yitwa Akisa.

50Abo bose ni bo bandurutse kuri Kalebu. Bene Huri imfura ya Efurata ni Shobali se wa Kiriyati‐yeyarimu,

51na Saluma se wa Betelehemu, na Harefu se wa Beti‐gaderi.

52Kandi Shobali se wa Kiriyati‐yeyarimu yar’ afise abandi bahungu, ni Harowe na Hasi‐hamenuhoti.

53Imiryango yandurutse kuri Kiriyati‐yeyarimu n’Abanyituri n’Abaputi n’Abashumati n’Abamishurayi; kur’ abo ni ho handurutse Abasorati n’Abanyeshitayoli.

54Abandurutse kuri Saluma ni Betelehemu n’Abanetofati na Atiroti‐Beti‐Yowabu na Hasi‐hamanahati n’Abasori.

55Imiryango y’abakarani yaba i Yabeshi, n’Abatirati n’Abashimeyati n’Abasukati. Abo ni bo Banyakeni bākomōtse kuri Hamati, ari we gishitsi c’umuryango wa Rekabu.

← Chapter 1 Jump to: Chapter 3 →