1 Chronicles 4

Kirundi (Bibliya Yera 1951, 1967 (Burundi))

← Chapter 3 Jump to: Chapter 5 →

1Abākomōtse kuri Yuda ni Peresi na Hesironi na Karumi na Huri na Shobali.

2Reyaya mwene Shobali yavyaye Yahati; Yahati avyara Ahumayi na Lahadi. Iyo ni yo miryango y’Abazorati.

3Aba ni bo bene Etamu: Yezireli na Ishuma na Idubashi, kandi mushiki wabo yitwa Haseleliponi;

4kandi Penuweli yari se wa Gedori, na Ezeri yari se wa Husha. Abo ni bo bākomōtse kuri Huri, imfura ya Efurata se wa Betelehemu.

5Ashuri se wa Tekowa yar’ afise abagore babiri, Hela na Nayara.

6Kuri Nayara avyara Ahuzamu na Heferi na Temeni na Hahashutari. Abo ni bo yavyaranye na Nayara.

7Kuri Hela avyara Zereti na Isuhari na Etunani.

8Hakosi avyara Anubu na Sobeba, kandi ni we yamutsweko n’imiryango ya ba Aharuheli mwene Harumu.

9Yabesi yarusha icubahiro bene nyina; kandi nyina yamwise Yabesi, kuko yavuze, ati Namushikanye bingoye.

10Yabesi atakambira Imana y’Abisirayeli, at’ Icompa ukampa umugisha, ukūngura urubibe rwanje, ukuboko kwawe kukagenda kundamira, ukandinda ivyago, singorwe! Nukw Imana imuha ivyo yasavye.

11Kelubu murumuna wa Shuha avyara Mehiri se wa Eshitoni.

12Eshitoni avyara Beti‐rafa na Paseya na Tehina se wa Irunahashi. Abo ni bo bantu ba Reka.

13Bene Kenazi ni Otiniyeli na Seraya; bene Otiniyeli ni Hatati na Meyonotayi.

14Meyonotayi avyara Ofura; Seraya avyara Yowabu se wa Geharashimu; kandi bār’ abafundi.

15Bene Kalebu mwene Yefune ni Iru na Ela na Nayamu; mwene Ela ni Kenazi.

16Bene Yehaleleli ni Zifu na Zifa na Tiriya na Asareli.

17Bene Ezera ni Yeteri na Meredi na Eferi na Yaloni; kand’ aba ni bo bana Bitiya umukobga wa Farawo yavyaranye na Meredi, ari we nyene yamurongoye: avyara Miriyamu na Shamayi na Ishuba na se wa Eshitemowa.

18Umugore wiwe w’Umuyudakazi avyara Yeredi se wa Gedori, na Heberi se wa Soko, na Yekutiyeli se wa Zanowa.

19Abana ba muka Hodiya, mushiki wa Nahumu, ni se wa Keyila w’i Garumi na se wa Eshitemowa w’i Mayaka.

20Bene Shimoni ni Amunoni na Rina na Beni‐hanani na Tiloni. Bene Ishi ni Zoheti na Beni‐zoheti.

21Aba ni bo bana ba Shela mwene Yuda: Eri se wa Leka, na Layada se wa Maresha, kandi ni we yakomōtsweko n’imiryango y’abajishi b’impuzu zera derere, bo mu nzu ya Ashibeya,

22na Yokimu n’abantu b’i Kozeba, na Yowasi na Sarafu, ari bo bātwara i Mowabu, bo na Yashubilehemu; kand’ ayo majambo n’aya kera.

23Abo ni bo bār’ ababumvyi, baba i Netayimu n’i Gedera; bāba ngaho ku mwami, bamukorera igikorwa.

24Bene Simeyoni ni Nemuweli na Yamini na Yaribu na Zera na Shauli.

25Umuhungu wa Shauli ni Shalumu, uwa Shalumu ni Mibusamu, uwa Mibusamu ni Mishuma;

26umuhungu wa Mishuma ni Hamuweli, uwa Hamuweli ni Zakuri, uwa Zakuri ni Shimeyi.

27Shimeyi yavyaye abahungu cumi na batandatu n’ abakobga batandatu; arikw abo bāvukana ntibāvyaye abana benshi; kand’ umuryango wabo wose ntiwagwiriye nk’uw’ Abayuda.

28Kandi bāba i Beri‐sheba n’i Molada n’i Hazari‐shuwali,

29n’i Biluha n’i Esemu n’i Toladi,

30n’i Betuweli n’i Horuma n’i Sikulagi,

31n’i Beti‐marukaboti n’i Hazari‐susimu n’i Beti‐biri n’i Shayarayimu. Ivyo ni vyo vyar’ ibisagara vyabo gushitsa aho Dawidi yīmiye.

32Utundi dusagara twabo ni Etamu na Ayini na Rimoni na Tokeni na Ashani, twose na twose ni dutanu;

33bo n’imihana yabo yose yo hirya no hino y’ivyo bisagara nyene, ukarinda ushitsa i Bayali. Aho ni ho bāba, kandi bari bafise igitabo kidōndōra ba sekuruza.

34Aya mazina Meshobabu na Yamuleki na Yosha mwene Amaziya,

35na Yoweli na Yehu mwene Yoshibiya, Yoshibiya mwene Seraya, Seraya mwene Asiyeli,

36na Eliyowenayi na Yakoba na Yeshohaya na Asaya na Adiyeli na Yesimiyeli na Benaya;

37na Ziza mwene Shifi, Shifi mwene Aloni, Aloni mwene Yedaya, Yedaya mwene Shimuri, Shimuri mwene Semaya;

38abo uko tubadōnze amazina ni bo bār’ abakuru mu miryango yabo; kand’ amazu ya ba sekuruza yagenda agwira cane.

39Baja ahashikirwa i Gedori, bagendana uruhande rw’umwonga ruhera i burasirazuba, baronderera imikuku yabo amaragiro.

40Basanga har’ ubgatsi bgiza butotahaye, kand’ igihugu cari cāgutse, gifise umutēkāno n’amahoro; kukw abābayo ubga mbere bandurutse kuri Hamu.

41Kandi ba bandi banditswe amazina yabo baje ku ngoma ya Hezekiya umwami w’i Buyuda, batera amahema yabo, batera n’Abameyunimu basanzeyo, barabazimiriza rwose gushitsa n’ubu, basubira mu matongo yabo, kuko hār’ amaragiro y’imikuku yabo.

42Kandi mur’ abo ba Simeyoni, bamwe muri bo, abantu amajana atanu, baja gutera umusozi Seyiri, bari kumwe n’abagabisha babo Pelatiya na Neyariya na Refaya na Uziyeli, bene Ishi.

43Bageseza amasigarira y’Abamaleki bāri bārarokotse, baca babayo gushitsa na bugingo n’ubu.

← Chapter 3 Jump to: Chapter 5 →