1 Chronicles 9

Kirundi (Bibliya Yera 1951, 1967 (Burundi))

← Chapter 8 Jump to: Chapter 10 →

1Nukw Abisirayeli bose bāraharūwe, uk’ urunganwe rwabo rwagiye rukurikirana, kandi banditswe mu gitabo c’abami b’Abisirayeli. Kand’ Abayuda bājanywe i Babuloni ar’ inyagano, bahōwe ukugabitanya kwabo.

2Abābanje kugaruka bagasubira mu matongo yabo yo mu bisagara vyabo n’abanyagihugu bo mu Bisirayeli, bo n’abaherezi n’Abalewi n’abahawe ibango ry’ibikorwa vy’urusengero.

3Abāgiye kuba i Yerusalemu ni bamwe bo mu Bayuda n’abo mu Babenyamini n’abo mu Befurayimu n’abo mu Bamanase, ni bo aba:

4Utayi mwene Amihudi, Amihudi wa Omuri, Omuri wa Imuri, Imuri wa Bani, wo mu ba Peresi mwene Yuda.

5N’abo mu ba Shiloni, uwa mbere ni Asaya n’abahungu biwe.

6N’abo muri bene Zera ni Yeweli n’ab’i wabo, amajana atandatu na mirongwicenda.

7N’ abo mu ba Benyamini, ni Salu mwene Meshulamu, Meshulamu wa Hodaviya, Hodaviya wa Hasenuwa;

8bo na Ibuneya mwene Yerohamu, na Ela mwene Uzi, Uzi wa Mikiri, na Meshulamu mwene Shefatiya, Shefatiya wa Ruweli, Ruweli wa Ibuniya,

9bo n’ab’ i wabo, uk’ urunganwe rwabo rwagenda rukurikirana; bose na bose bār’ amajana cenda na mirongwitanu na batandatu. Abo bose bār’ abakuru b’amazu ya ba sekuruza uko yar’ ari.

10Kand’ abo mu baherezi ni Yedaya na Yehoyaribu na Yakini,

11na Azariya mwene Hilukiya, Hilukiya wa Meshulamu, Meshulamu wa Sadoki, Sadoki wa Merayoti, Merayoti wa Ahitubu, umubgiriza w’ingoro y’Imana;

12bo na Adaya mwene Yerohamu, Yerohamu wa Pashuri, Pashuri wa Malikiya, bo na Mayasayi mwene Adiyeli, Adiyeli wa Yahuzera, Yahuzera wa Meshulamu, Meshulamu wa Meshilemiti, Meshilemiti wa Imeri;

13bo n’abandi bagenzi babo b’abakuru bo mu mazu ya ba sekuruza, igihumbi n’ amajana ndwi na mirongwitandatu; abahinga bazi gukora igikorwa co mu ngoro y’Imana.

14Kand’ abo mu Balewi ni Shemaya mwene Hashubu, Hashubu wa Azurikamu, Azurikamu wa Hashabiya, wo mu ba Merari;

15bo na Bakubakari na Hereshi na Galali na Mataniya mwene Mika, Mika wa Zikuri, Zikuri wa Asafu;

16bo na Obadiya mwene Shemaya, Shemaya wa Galali, Galali wa Yedutuni, bo na Berekiya mwene Asa, Asa wa Elukana, yaba mu mihana y’ Abanetofati.

17Abashibamyi n’aba: Shalumu na Akubu na Talumoni na Ahimani, bo na bagenzi babo; Shalumu ni we yar’ umukuru.

18Kera abo bāshibama ku kirimba c’i bgami gihera i burasirazuba, hanyuma bashibamira ingo z’Abalewi.

19Shalumu mwene Kore, Kore wa Ebiyasafu wo mu ba Kora, bo na bagenzi biwe bo mu nzu ya ba sekuruza, ari bo bandurutse kuri Kora nyene, ni bo bāri bajejwe igikorwa co gushibama ku rwinjiriro rwa rya hema, nk’uko ba sekuruza bāri bārajejwe ivyo gushibama ahashikirwa ku rugo rw’Uhoraho.

20Finehasi mwene Eleyazari ni we yabaganza mur’ ivyo bihe vya kera; kand’ Uhoraho yabana na we.

21Zekariya mwene Meshelemiya ni we yar’ umukumirizi wo ku muryango w’ ihema ry’ibonaniro.

22Abo bose abātoranijwe kuba abakumirizi b’ imiryango, bār’ amajana abiri n’ icumi na babiri, kandi bāri bāraharūwe mu mihana yabo, uko banditswe mu gitabo kibadōndōra. Dawidi na Samweli kamenyi ni bo bābajeje ico gikorwa cabo.

23Nukw abo n’abana babo ni bo bāba kur’ ico gikorwa co kuzigama imiryango y’ingoro y’Uhoraho, ari ryo hema yabamwo, bakāma bakūranwa.

24Abo bakumirizi bama ku mpande ukw ari zine, i burasirazuba n’i burengerazuba n’i burārūko n’i bumanuko.

25Kandi bagenzi babo bāri bagezwe ko bakūranwa, bakaza bavuye mu mihana yabo, kumarana na bo imisi ndwi;

26arikw abakumirizi bane b’Abalewi b’abakuru bama kur’ ico gikorwa ntibakūrwe, kandi bāri bajejwe utwumba n’ububīko vyo mu ngoro y’Imana.

27Bārāra bakikije iyo ngoro y’Imana, kukw ari bo bājejwe kuyiteramira, no kwama bayikingura uko bukeye.

28Kandi bamwe muri bo bāri bajejwe ibintu vy’ibikoreshwa; kuko vyāharūrwa iyo vyinjijwe n’iyo bisohowe.

29Abandi muri bo bāri bajejwe ibintu vy’imbombovu, n’ibikoreshwa vyose vy’ Ahēra, bo n’amafu agogōretse, na vino, n’amavuta ya elayo, n’imibavu, n’ibindi bimoga.

30Kandi bamwe bo mu bana b’abaherezi ni bo bāvanga ibintu bimoga, bakabitunganya.

31Umwe mu Balewi yitwa Matitiya, imfura ya Shalumu wo mu ba Kora, ni we yar’ ajejwe ivy’ udutsima dukarangwa.

32Kandi bamwe muri bagenzi babo b’aba Kohati ni bo bāri bajejwe ivy’ imitsima y’ibiterekerwa, bakāma bayīteguye ukw isabato itashe.

33Abo ni bo baririmvyi, bār’ abakuru mu mazu ya ba sekuruza b’Abalewi, kandi bāba mur’ utwo twumba two ku rusengero, ata kindi gikorwa bakora, kukw igikorwa cabo bāgikora ku murango no mw ijoro.

34Bār’ abakuru mu mazu ya ba sekuruza b’Abalewi, uk’ urunganwe rwabo rwagenda rukurikirana, abantu b’abashingantahe bakomeye; bāba i Yerusalemu.

35Yeyeli se wa Gibeyoni yaba i Gibeyoni nyene; umugore wiwe yitwa Mayaka.

36Imfura yiwe ni Abudoni, agakurikirwa na Suri na Kishi na Bayali na Neri na Nadabu,

37na Gedori na Ahiyo na Zekari na Mikuloti.

38Mikuloti avyara Shimeyamu. Abo na bo bābana n’abo b’i wabo i Yerusalemu, babangikanye.

39Kandi Neri avyara Kishi, Kishi avyara Sauli, Sauli avyara Yonatani na Malikishuwa na Abinadabu na Eshibayali.

40Umuhungu wa Yonatani ni Meribu‐bayali; Meribu‐bayali avyara Mika.

41Bene Mika ni Pitoni na Meliki na Tareya na Ahazi.

42Ahazi avyara Yara; Yara avyara Alemeti na Azimaveti na Zimuri; Zimuri avyara Moza.

43Moza avyara Bineya; mwene Bineya ni Refaya, mwene Refaya ni Eleyasa, mwene Eleyasa ni Asela.

44Kandi Asela yar’ afise abahungu batandatu, amazina yabo n’aya: Azirikamu na Bokeru na Ishimayeli na Sheyariya na Obadiya na Hanani. Abo ni bo bene Asela.

← Chapter 8 Jump to: Chapter 10 →