1 Chronicles 25

Kirundi (Bibliya Yera 1951, 1967 (Burundi))

← Chapter 24 Jump to: Chapter 26 →

1Maze Dawidi bo n’abagabisha b’ingabo barobanurira ibikorwa bamwe bo mu ba Asafu no mu ba Hemani no mu ba Yedutuni, kugira ngo baririmbe, bavugira inanga n’amakembe n’ivyitwa matowazi; igitigiri c’abakora ico gikorwa, uko bāgenda bakūranwa, bār’ aba:

2abo mu ba Asafu ni Zakuri na Yosefu na Netaniya na Asharela, abana ba Asafu nyene, kandi bāgabga na we, yaririmba uk’ umwami amubgirije.

3Aba Yedutuni, abahungu biwe ni Gedaliya na Seri na Yeshaya, na Shimeyi na Hashabiya na Matitiya, abo ukw ari batandatu; bāgabga na se Yedutuni nyene, yaririmba avugira inanga, akengurukira Uhoraho, amutazira.

4Aba Hemani, abahungu biwe ni Bukiya na Mataniya na Uziyeli, na Shebuweli na Yerimoti na Hananiya, na Hanani na Eliyata na Gidaliti, na Romamuti‐ezeri na Yoshibekasha na Maloti, na Hotiri na Mahaziyoti.

5Abo bose bār’ abahungu ba Hemani, kamenyi w’umwami amumenyera ivy’ Imana; kukw Imana yateye Hemani icubahiro, ikamuha abana b’abahungu cumi na bane n’abakobga batatu.

6Abo bose bāgabga na se mu kuririmbira mu ngoro y’Uhoraho, bavuza ivyitwa matowazi n’amakembe n’inanga, ngo bashitse igikorwa co mu ngoro y’ Imana; kandi Asafu na Yedutuni na Hemani, umwami ni we yagenda ababgiriza.

7Nukw igitigiri cabo, hamwe na bagenzi babo bāri bigishijwe kuririmbira Uhoraho, abahinga bose, bār’ amajana abiri na mirongumunani n’umunani.

8Maze bapfinda ubupfindo, ngo barābe ingene bagiye gukurikirana mu bikorwa, bose bapfinda kumwe, abato n’ abakuze, abigisha n’abigishwa.

9Ubupfindo bga mbere bgerekana Yosefu kubga Asafu, ubga kabiri bgerekana Gedaliya, we na bagenzi biwe n’abigishwa biwe, bose na bose bār’ icumi na babiri;

10ubga gatatu bgerekana Zakuri n’abigishwa biwe na bagenzi biwe, bose na bose bār’ icumi na babiri;

11ubga kane bgerekana Isuri n’ abigishwa biwe na bagenzi biwe, bose na bose bār’ icumi na babiri;

12ubga gatanu bgerekana Netaniya n’abigishwa biwe na bagenzi biwe, bose na bose bār’ icumi na babiri;

13ubga gatandatu bgerekana Bukiya n’abigishwa biwe na bagenzi biwe, bose na bose bār’ icumi na babiri;

14ubg’ indwi bgerekana Yesharela n’abigishwa biwe na bagenzi biwe, bose na bose bār’ icumi na babiri;

15ubg’ umunani bgerekana Yeshaya n’ abigishwa biwe na bagenzi biwe, bose na bose bār’ icumi na babiri;

16ubg’ icenda bgerekana Mataniya n’abigishwa biwe na bagenzi biwe, bose na bose bār’ icumi na babiri;

17ubg’ icumi bgerekana Shimeyi n’abigishwa biwe na bagenzi biwe, bose na bose bār’ icumi na babiri;

18ubg’ icumi na rimwe bgerekana Azareli n’abigishwa biwe na bagenzi biwe, bose na bose bār’ icumi na babiri;

19ubg’ icumi na kabiri bgerekana Hashabiya n’abigishwa biwe na bagenzi biwe, bose na bose bār’ icumi na babiri;

20ubg’ icumi na gatatu bgerekana Shubayeli n’abigishwa biwe na bagenzi biwe, bose na bose bār’ icumi na babiri;

21ubg’ icumi na kane bgerekana Matitiya n’abigishwa biwe na bagenzi biwe, bose na bose bār’ icumi na babiri;

22ubg’ icumi na gatanu bgerekana Yeremoti n’abigishwa biwe na bagenzi biwe, bose na bose bār’ icumi na babiri;

23ubg’ icumi na gatandatu bgerekana Hananiya n’abigishwa biwe na bagenzi biwe, bose na bose bār’ icumi na babiri;

24ubg’ icumi n’indwi bgerekana Yoshibekasha n’abigishwa biwe na bagenzi biwe, bose na bose bār’ icumi na babiri;

25ubg’ icumi n’umunani bgerekana Hanani n’abigishwa biwe na bagenzi biwe, bose na bose bār’ icumi na babiri;

26ubg’ icumi n’ icenda bgerekana Maloti n’abigishwa biwe na bagenzi biwe, bose na bose bār’ icumi na babiri;

27ubga mirongwibiri bgerekana Eliyata n’abigishwa biwe na bagenzi biwe, bose na bose bār’ icumi na babiri;

28ubga mirongwibiri na rimwe bgerekana Hotiri n’abigishwa biwe na bagenzi biwe, bose na bose bār’ icumi na babiri;

29ubga mirongwibiri na kabiri bgerekana Gidaliti n’abigishwa biwe na bagenzi biwe, bose na bose bār’ icumi na babiri;

30ubga mirongwibiri na gatatu bgerekana Mahaziyoti n’abigishwa biwe na bagenzi biwe, bose na bose bār’ icumi na babiri;

31ubga mirongwibiri na kane bgerekana Romamuti‐ezeri n’abigishwa biwe na bagenzi biwe, bose na bose bār’ icumi na babiri nyene.

← Chapter 24 Jump to: Chapter 26 →