1 Chronicles 24

Kirundi (Bibliya Yera 1951, 1967 (Burundi))

← Chapter 23 Jump to: Chapter 25 →

1Imice aba Aroni bāgizwemwo n’iyi: bene Aroni bāri Nadabu na Abihu na Eleyazari na Itamari.

2Ariko Nadabu na Abihu batanze se gupfa, kandi nta bana bāsize; nuko Eleyazari na Itamari ni bo bahawe igikorwa c’ ubuherezi.

3Dawidi afatanya na Sadoki wo mu bākomōtse kuri Eleyazari na Ahimeleki wo mu bākomōtse kuri Itamari, agabanganya aba Aroni mu mice, nk’ukw ibikorwa bahawe gukora bingana.

4Mu bākomōtse kuri Eleyazari amazu ya ba sekuruza yari menshi kuruta ayo mu ba Itamari, nuko babashira kubiri ben’ uku: mu ba Eleyazari abakuru bo mu mazu ya ba sekuruza baba icumi na batandatu, mu ba Itamari baba umunani.

5Nuko babagabanganisha ubupfindo, ata gusumbanya, kuko, ari mu ba Eleyazari, ari mu ba Itamari, hāgenda habamw’ abakuru bakorera Ahēra, n’abakuru bakorera Imana.

6Nuko Shemaya umukarani, mwene Netaneli, Umulewi, abandikira imbere y’umwami n’abakuru, n’imbere y’umuherezi Sadoki na Ahimeleki mwene Abiyatari, n’imbere y’abakuru b’amazu ya ba sekuruza b’abaherezi n’ ab’ Abalewi: ubupfindo bgagenda butanisha imbu kwerekana inzu imwe‐imwe mu ba Eleyazari, n’ imwe‐imwe mu ba Itamari, birtyo birtyo.

7Ubupfindo bga mbere bgerekana Yehoyaribu, ubga kabiri Yedaya;

8ubga gatatu Harimu, ubga kane Seyorimu;

9ubga gatanu Malukiya, ubga gatandatu Miyamini;

10ubg’ indwi Hakosi, ubg’ umunani Abiya;

11ubg’ icenda Yeshuwa, ubg’ icumi Shekaniya;

12ubg’ icumi na rimwe Eliyashibu, ubg’ icumi na kabiri Yakimu;

13ubg’ icumi na gatatu Hupa, ubg’ icumi na kane Yeshebeyabu;

14ubg’ icumi na gatanu Biluga, ubg’ icumi na gatandatu Imeri;

15ubg’ icumi n’indwi Heziri, ubg’ icumi n’umunani Hapisesi;

16ubg’ icumi n’icenda Petahiya, ubga mirongwibiri Yehezekeli;

17ubga mirongwibiri na rimwe Yakini, ubga mirongwibiri na kabiri Gamuli;

18ubga mirongwibiri na gatatu Delaya, ubga mirongwibiri na kane Mahaziya.

19Uko ni kw imbu zabo zākurikirana zo gukora, uko bāgenda baja mu ngoro y’Uhoraho, nk’ukw icagezwe bāhawe na Aroni sekuruza wabo cāshinze, nk’uk’ Uhoraho Imana y’Abisirayeli yari yaramugeze.

20Ngaba abakuru bo mu Balewi bandi: mu ba Amuramu ni Shubayeli, mu ba Shubayeli ni Yehodeya;

21ku vya Rehebiya, mu bana biwe Ishiya ni we yar’ umukuru;

22mu ba Isuhari ni Shelomoti; mu ba Shelomoti ni Yahati;

23mu ba Heburoni, uwa mbere ni Yeriya, uwa kabiri ni Amariya, uwa gatatu ni Yahaziyeli, uwa kane ni Yekameyamu;

24mu ba Uziyeli ni Mika; mu ba Mika ni Shamiri;

25murumuna wa Mika ni Ishiya; mu ba Ishiya ni Zekariya;

26bene Merari ni Mahili na Mushi; mu ba Yahaziya ni Beno;

27mu ba Merari, aba Yahaziya ni Beno na Shohamu na Zakuri na Iburi;

28uwa Mahili yari Eleyazari, ariko nta bana b’abahungu yar’ afise;

29ku vya Kishi, uwo mu bana biwe ni Yerameyeli;

30bene Mushi bāri Mahili na Ederi na Yerimoti. Abo ni bo Balewi, nk’ ukw amazu ya ba sekuruza ari.

31Abo na bo bāpfinda ubupfindo nk’ukw ab’ i wabo bo mu ba Aroni bākoze, bapfindira imbere y’umwami Dawidi n’imbere ya Sadoki na Ahimeleki n’imbere y’ abakuru b’amazu ya ba sekuruza b’ abaherezi n’Abalewi; ukw abo mu mazu y’umukuru bāpfinda, ni kw abo mu mazu y’umutoya bāpfinda.

← Chapter 23 Jump to: Chapter 25 →