1 Chronicles 26

Kirundi (Bibliya Yera 1951, 1967 (Burundi))

← Chapter 25 Jump to: Chapter 27 →

1Imbu z’abashibamyi n’izi: mu bandurutse kuri Kora hāri Meshelemiya mwene Kore, wo mu ba Asafu.

2Kandi Meshelemiya yar’ afise abahungu; Zekariya ni we mfura, uwa kabiri ni Yediyayeli, uwa gatatu ni Zebadiya, uwa kane ni Yatiniyeli,

3uwa gatanu ni Elamu, uwa gatandatu ni Yehohanani, uw’ indwi ni Elihowenayi.

4Obed‐edomu na we abahungu biwe bār’ aba: Shemaya ni we mfura, uwa kabiri ni Yehozabadi, uwa gatatu ni Yowa, uwa kane ni Sakari, uwa gatanu ni Netaneli,

5uwa gatandatu ni Amiyeli, uw’ indwi ni Isakari, uw’ umunani ni Peyuletayi; bāri benshi kukw Imana yamuhaye umugisha.

6Shemaya umuhungu wiwe na we avyara abahungu, ni bo bābaye abakuru bo mu mazu ya ba sekuruza, kuko bār’ abantu b’abahizi.

7Shemaya uwo, abahungu biwe n’aba: Otuni na Refayeli na Obedi na Elizabadi; kandi bagenzi biwe Elihu na Semakiya na bo bār’ abahizi.

8Abo bose bār’ abo mu ba Obed‐edomu; abo bo n’abana babo na bagenzi babo bār’ abantu b’inkomezi bashobora ico gikorwa; bose na bose bāri mirongwitandatu na babiri banduruka kuri Obed‐edomu.

9Kandi Meshelemiya, abahungu biwe na bagenzi biwe na bo bār’ abahizi; bose na bose bār’ icumi n’umunani.

10Kandi Hosa wo mu ba Merari na we abahungu biwe bār’ aba: Shimuri ni we yar’ umukuru muri bo, kuko nah’ atar’ imfura, ni we se yahaye ubugabo.

11Uwa kabiri ni Hilukiya, uwa gatatu ni Tebaliya, uwa kane ni Zekariya; abahungu ba Hosa na bagenzi biwe, bose na bose bār’ icumi na batatu.

12Abo bashibamyi, nk’ukw abakuru babo bangana, bāri bafise imbu zabo zo gukora ivyo ku ngoro y’Uhoraho, nk’uko bagenzi babo bāri bazifise.

13Maze bapfinda ubupfindo, ngo barābe ikirimba umuntu wese azoshibamako, bose abato n’abakuru nk’ ukw amazu ya ba sekuruza ari.

14Ubgo ku gihera i burasirazuba bgerekana Meshelemiya. Maze bapfindira umuhungu wiwe Zekariya; yar’ umujanama w’ ubgenge; ubupfindo bgiwe bgerekana igihera i burārūko.

15Ubga Obed‐edomu bgerekana igihera i bumanuko, n’abahungu biwe bgerekana ko bashirwa ku bubīko.

16Ubga Shupimu na Hosa bgerekana igihera i burengerazuba, bo n’ikirimba citwa Shaleketi c’irango riza ridūga rijayo; kwār’ ugushibama habiri, hamwe hatumberanye n’ahandi.

17Mur’ abo Balewi, batandatu bāshibama ku gihera i burasirazuba, ku gihera i burārūko hāshibama bane imisi yose, no ku gihera i bumanuko bane nyene imisi yose, bo n’abo ku bubīko babiri‐babiri.

18Kand’ i burengerazuba, ku kirugu hāshibama bane ahahera inyuma kw irango, babiri na bo ku c’imbere mu kirugu.

19Izo ni zo mbu z’abo bashibamyi bo mu ba Kora no mu ba Merari.

20Abandi Balewi bagenzi babo, abājejwe ububīko bgo mu ngoro y’Imana, n’ububīko burimw’ ivyeguriwe Uhoraho, bār’ aba:

21abandurutse kuri Ladani, ari bo ba Gerushoni bo kuri Ladani nyene, abakuru bo mu mazu ya ba sekuruza bandurutse kur’ uyo Ladani w’Umugerushoni, bāri Yehiyeli

22n’abana biwe, Zetamu na Yoweli murumuna we; ni bo bājejwe ubgo bubīko bgo mu ngoro y’Uhoraho.

23Mu ba Amuramu no mu ba Isuhari no mu ba Heburoni no mu ba Uziyeli,

24Shebuweli wo mu ba Gerushomu mwene Mose ni we yabaye umukuru w’ububiko bgose.

25Ab’i wabo bo kuri Eliyezeri n’aba: umuhungu wiwe ni Rehabiya, uwa Rehabiya ni Yeshaya, uwa Yeshaya ni Yoramu, uwa Yoramu ni Zikuri, uwa Zikuri ni Shelomoti.

26Shelomoti uwo, na bagenzi biwe, ni bo bājejwe ububīko bgose burimw’ ivyeguriwe Uhoraho, ivyo umwami Dawidi yātanze, bo n’abakuru bo mu mazu ya ba sekuruza, n’abagabisha bagaba ibihumbi n’abagaba amajana, n’abagabisha b’ingabo zose.

27Ivyo bākūye mu masahu bāsahuye mu ntambara, babitangakw inyegu ngo bibīkirwe kuzohora bitunganya ingoro y’Uhoraho.

28Kand’ ivyo Samweli kamenyi, na Sauli mwene Kishi, na Abuneri mwene Neri, na Yowabu umwana wa Seruwiya bātanzekw inyegu vyose, mbere ikintu cose umuntu yeguriye Uhoraho, cāgabga na Shelomoti na bagenzi biwe.

29Mu ba Isuhari, Kenaniya n’ abahungu biwe ni bo bākora ivyerekeye ku vy’igihugu, bakaba abashingantahe n’abacamanza mu Bisirayeli.

30Mu ba Heburoni, Hashabiya na bagenzi biwe, abantu b’abahizi igihumbi n’amajana ndwi, ni bo bāgaba Abisirayeli bo hakuno ya Yorodani i burengerazuba, ku bikorwa vyose vy’ Uhoraho no ku bikorwa vy’umwami.

31Kandi Yeriya ni we yar’ umukuru w’aba Heburoni iyo bava bakagera, uk’ urunganwe rwabo rwangana n’ukw amazu ya ba sekuruza yangana. Mu mwaka ugira mirongwine Dawidi ari ku ngoma ni ho bābiseranguye, basanga muri bo ko har’ abantu b’abahizi i Yazeri h’i Gileyadi.

32Kandi bagenzi biwe bār’ ibihumbi bibiri n’amajana ndwi, abantu b’ abahizi, abakuru bo mu mazu ya ba sekuruza; ni bo umwami Dawidi yagize ababgiriza ku Bareyubeni n’Abagadi n’ab’ igihimba c’umuryango w’Abamanase, ngo bababgirize mu biherereye ku vy’ Imana no mu biherereye ku vy’i bgami.

← Chapter 25 Jump to: Chapter 27 →