bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezekiel 18
Ezekiel 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
1
Ndeto ya Yeova yambũkĩa ĩngĩ, ĩkĩmbĩa,
2
Mwĩasya ata mũineena nthimo ĩno ũndũ wa nthĩ ya Isilaeli, mũkyasya, Aaĩthe nĩmaĩe nzavivũ syĩ ngaati, na maeo ma syana maya nthithi?
3
O tondũ nĩ thayũ, easya Maĩaĩi Yeova, mũtikethĩwa na kĩtumi kya kũneena nthimo ĩsu ĩngĩ nthĩnĩ wa Isilaeli.
4
Sisya, mathayũ onthe nĩ makwa; o tondũ thayũ wa ĩthe nĩ wakwa, now’o thayũ wa mwana nĩ wakwa: na mũndũ ũla wĩkaa naĩ, akakw’a.
5
Ĩndĩ ethĩwa mũndũ nĩ mũlũngalu na ekaa ũla wosanaa na mĩao na ũla wa w’o,
6
na ndaaĩa iĩmanĩ, o na ndaamyũkĩlĩlya mĩvw’anano ya nyũmba ya Isilaeli metho make, o na ndaavukya kĩveti kya mũtũi wake, o na ndaathengeea mũndũ mũka ũla wealũlĩte,
7
na ndaamwĩka mũndũ o na wĩva naĩ, ĩndĩ nũmũtũngĩĩte mũkovwa ngwatĩlĩlyo yake, ndaaosa kĩndũ na mbuta, nũnengete ala me na nzaa lĩu wake, na nũmavw’ĩkĩte ngũa ala athei;
8
ndaakovethya atũngĩwe ũtandĩthyo, o na ndaaosa wongeleko, nũtũngĩte kw’oko kwake ndakeke ũthũku, nũsilanĩtye mũndũ na mũndũ na sila wa katĩ,
9
nake nũendaa myamũlonĩ yakwa, na nũkwatĩte motw’ĩo makwa, ekae w’o; ũsu nĩ mũlũngalũ, ndatĩa kwĩkala thayũ, easya ũu Mwĩaĩi Yeova.
10
Ethĩwa akasyaa mwana mũvutani, mwĩtĩkya wa nthakame, na ũla wĩkaa ũmwe wa maũndũ asu,
11
na ndekaa ũmwe wa maũndũ asu ala waĩle kwĩka, ĩndĩ nake nĩwaĩĩe iĩmanĩ, na nũvukĩtye kĩvetĩ kya mũtũi wake,
12
nũmekĩte naĩ ngya na athĩni, nũvutanĩte, ndaatũnga ngwatĩlĩlyo, na nũmyũkĩlĩlye mĩvw’anano metho make, nĩwĩkĩte ũthatyo,
13
nũkovethetye aitũngĩwa ũtandĩthyo, na nĩwosete wongeleko; ũsu akekala thayu? Ndakekala thayũ: nĩwĩkĩte mothatyo asu onthe; ndatĩa ũkw’a; nthakame yake ĩkeethĩwa ĩũlũ wake.
14
Na, sisya, ethĩwa akasyaa mwana, ũla wonaa naĩ syonthe sya ĩthe wake, ila wekie, na nũkĩaa, na ndekaa naĩ ta isu;
15
ndaaĩa iĩmanĩ, o na ndaamyũkĩlĩlya mĩvw’anano ya nyũmba ya Isilaeli metho make, ndaavukya kĩveti kya mũtũi wake,
16
o na ndaamwĩka mũndũ o na wĩva naĩ, ndaaosa kĩndũ kĩthĩwe ngwatĩlĩlyo, o na ndaavutana, ĩndĩ nũnengete ala me na nzaa lĩu wake, na nũvw’ĩkĩte ngũa ala athei;
17
nũtũngĩte kw’oko kwake ndakathĩn’ye ngya, ndaakovethya atũngĩwe ũtandĩthyo kana wongeleko, nĩwĩkĩte motw’ĩo makwa, nũendete myamũlonĩ yakwa; ũsu ndakakw’a kwondũ wa ũthũku wa ĩthe wake, ndatĩa kwĩkala thayũ.
18
Ũndũ wa ĩthe wake, nĩkwĩthĩwa nĩwathĩnasya na thĩna mwai, aĩvuta mwana‐a‐ĩthe, na akĩka ũla ũte ũseo katĩ wa andũ make, sisya, akakw’a e ũthũkunĩ wake.
19
Ĩndĩ inyw’ĩ mwĩasya, Nũndũ wa kĩ mwana ndakuaa ũthũku wa ĩthe? Yĩla wĩkĩte ũla wosanaa na mĩao na ũla wa w’o nũkwatĩte myamũlo yakwa yonthe, na nũmĩkĩte, ndatĩa kwĩkala thayũ.
20
Mũndũ ũla wĩkaa naĩ, ndatĩa kũkw’a: mwana ndakakua ũthũku wa ĩthe, o na ĩthe ndakakua ũthũku wa mwana; ũlũngalu wa ũla mũlũngalu ũkekala ĩũlũ wake, na ũthũku wa ũla mũthũku ũkekala ĩũlũ wake.
21
Ĩndĩ ethĩwa ũla mũthũku akeethyũũa na kũtia naĩ syake syonthe ila wĩkĩte, na kũkwataa myamũlo yakwa yonthe, na kwĩkaa ũla wosanaa na mĩao na ũla wa w’o, ndatĩa kwĩkala thayũ, ndakakw’a.
22
Ĩvĩtyo o na yĩva ya mavĩtyo make ala wĩkĩte yĩtikalilikanwa ĩũlũ wake: ũlũngalunĩ wake ũla wĩkĩte akekala thayũ.
23
Nyie nĩndanĩthaw’a nĩ kĩkw’ũ kya ũla mũthũku? Ekũlya ũu Mwĩaĩi Yeova; na ti kavaa asyoke kũtia mũendele wake, na kwĩkala thayũ?
24
Ĩndĩ yĩla ũla mũlũngalu ũkethyũũa na kũtia ũlũngalu wake, na kwĩkaa ũthũku, na kwĩkaa kwĩanana na mothatyo onthe ala mũndũ mũthũku wĩkaa, ũsu akekala thayũ? O na ũmwe wa meko make malũngalu ala wekie ndũkalilikanwa: ĩvĩtyonĩ yake yĩla wavĩtisye, na naĩnĩ yake ĩla wekie, akakw’ĩa nthĩnĩ wasyo.
25
Ĩndĩ inyw’ĩ mwĩasya, Nzĩa ya Mwĩaĩi ndĩanene. Ĩthukĩĩsye, we nyũmba ya Isilaeli: Nzĩa yakwa ndĩanene? Nzĩa syenyu tisyo iteanene?
26
Yĩla mũndũ mũlũngalu ũkethyũũa na kũtia ũlũngalu wake, nayĩka ũthũku, na kũkw’ĩa nthĩnĩ waw’o; akakw’ĩa ũthũkunĩ wake ũla wekie.
27
Na ĩngĩ, yĩla mũndũ mũthũku ũkethyũũa na kũtia ũthũku wake ũla wekie, na kwĩkaa ũla wosanaa na mĩao na ũla wa w’o, akeetangĩĩa ekale thayu.
28
Nĩkwĩthĩwa nũsũanĩaa, na kwĩthyũũa na kũtĩa mavĩtyo make onthe ala wekie, ndatĩa kwĩkala thayũ, ndakakw’a.
29
Ĩndĩ nyũmba ya Isilaeli ĩasya, Nzĩa ya Mwĩaĩi ndĩanene. We nyũmba ya Isilaeli, nzĩa syakwa ityĩanene? Nzĩa syenyu tisyo iteanene?
30
Kwondũ wa ũu ngakũsilĩla, we nyũmba ya Isilaeli, kĩla ũmwe kwĩanana na mĩendele yake, easya ũu Mwĩaĩi Yeova. Syokai, na mũkĩthyũũa na kũtia mavĩtyo menyu enthe; na ĩndĩ ũthũku ndũkethĩwa wanangĩko wenyu.
31
Ĩkyai kũasa nenyu mavĩtyo menyu onthe, ala mwavĩtisye; ĩseũvĩsyei ngoo nzaũ na veva mweũ: nĩkĩ mũũkw’a, inyw’ĩ nyũmba ya Isilaeli?
32
Nũndũ ndi na ũtanu kĩkw’ũnĩ kya ũla ũnũũkw’a, easya ũu Mwĩaĩi Yeova: kwondũ wa ũu ĩthyũũei, na kwĩkala thayũ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48