bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezekiel 20
Ezekiel 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Na kweethĩwa mwaka wa mũonza, mwei wa katano, mũthenya wa ĩkũmi wa mwei, amwe ma atumĩa ma Isilaeli mooka makũlye Yeova, na mekala nthĩ mbee wakwa.
2
Na ndeto ya Yeova yambũkĩa, ĩkĩmbĩa,
3
Mwana wa mũndũ, neena na atumĩa ma Isilaeli, noimea, Ũũ nĩw’o Mwĩaĩi Yeova ũnũkwasya: Nĩmwooka kũngũlya nyie? O tondũ nĩ thayũ, easya Mwĩaĩi Yeova, ndĩkũlw’a nĩ inyw’ĩ.
4
Ukamasilĩla, mwana wa mũndũ, ũkamasilĩla? Mamanyĩthye mothatyo ma aaĩthe moo;
5
noimea, Ũũ nĩw’o Mwĩaĩi Yeova ũnũkwasya: Mũthenya ũla nanyuvie Isilaeli, na nawĩavĩe ũsyao wa nyũmba ya Yakovo, na neemanyĩthanisye kwoo ku nthĩ ya Misili, yĩla nameavie, ngyasya, Ninyie Yeova Ngai wenyu;
6
mũthenya o ũsu nameavĩa, kũmaumya nthĩ ya Misili kũvika nthĩ ĩla namathianĩe, yusũĩte ĩia na ũkĩ wa nzũkĩ, nayo yĩ ndaĩa kwa nthĩ yonthe.
7
Na namea, Ĩkyai kĩla mũndũ mothatyo ma metho, na mũĩkevukye na mĩvw’anano ya Misili; ninyie Yeova Ngai wenyu.
8
Ĩndĩ mang’endea, na malea kũmbĩthukĩĩsya; matyaaĩkya kũasa kĩla mũndũ mothatyo ma metho make, o na matyaatia mĩvw’anano ya Misili. Nĩvo ĩndĩ naisye ngamonoesya ũthilĩku wakwa, nĩanĩsye ũthatu wakwa ĩũlũ woo me nthĩ ya Misili.
9
Ĩndĩ nĩneekie kwondũ wa syĩtwa yakwa, yĩtikathũkw’e methonĩ ma i mbaĩ, ila maĩ katĩ wasyo, ila methonĩ masyo neemanyĩthanisye kwoo, ngĩmaumya nthĩ ya Misili.
10
Kwondũ wa ũu nĩnamaumisye nthĩ ya Misili, na namaete weũnĩ.
11
Na namanenga myamũlo yakwa, na namon’ya motw’ĩo makwa, ala ethĩwa mũndũ nũmekaa, akekala thayũ kwondũ wamo.
12
O na ĩngĩ namanenga masavato makwa, methĩwe ũvano katĩ wakwa nao, nĩ kana mamanye ninyie Yeova ũla ũmavathanasya methĩwe atheu.
13
Ĩndĩ nyũmba ya Isilaeli yang’endeea weũnĩ: matyaaenda myamũlonĩ yakwa, na malea motw’ĩo makwa, ala ethĩwa mũndũ nũmakwataa, akekala thayũ kwondũ wamo; na mavukya masavato makwa mũno. Nĩvo ĩndĩ naisye ngamonoesya ũthilĩku wakwa me weũnĩ, nĩmamine.
14
Ĩndĩ nĩneekie kwondũ wa syĩtwa yakwa, yĩtikavukw’e methonĩ ma i mbaĩ ila syoonie ngĩmaumya.
15
O na ĩngĩ nameavĩĩa weũnĩ, atĩ ndĩkamalikya nthĩnĩ wa nthĩ ĩla namanengie, yusũĩte ĩia na ũkĩ wa nzũkĩ, nayo yĩ ndaĩa kwa nthĩ syonthe;
16
nĩkwĩthĩwa nĩmaleile motw’ĩo makwa, na matyaaenda myamũlonĩ yakwa, na mavukya masavato makwa: nũndũ ngoo syoo nĩsyaatĩĩe mĩvw’anano yoo.
17
Ĩndĩ itho yakwa yamaekea, na ndyaamananga, o na ndyaamaminĩa vyũ weũnĩ.
18
Na naitavĩsya syana syoo weũnĩ, Mũtikaaende myamũlonĩ ya aaĩthe menyu, o na mũtĩkaakwate motw’ĩo moo, kana kwĩvukya na mĩvw’anano yoo.
19
Ninyie Yeova Ngai wenyu: endaai myamũlonĩ yakwa, na kwataai motw’ĩo makwa, na mũimekaa;
20
na vathan’yai masavato makwa methĩwe matheu; na makeethĩwa ũvano katĩ wakwa nenyu, nĩ kana mũmanye ninyie Yeova Ngai wenyu.
21
Ĩndĩ syana nĩsyang’endeie; ityaaenda myamũlonĩ yakwa, o na ityaakwata motw’ĩo makwa imeke, ala ethĩwa mũndũ nũmekaa, akekala thayũ kwondũ wamo; nĩsyavukisye masavato makwa. Nĩvo ĩndĩ naisye ngasyonoesya ũthilĩku wakwa, nĩanĩĩsye ũthatu wakwa kwasyo weũnĩ.
22
Ĩndĩ naveta kw’oko kwakwa, na neeka kwondũ wa syĩtwa yakwa, yĩtikavukw’e methonĩ ma i mbaĩ, ila syoonie ngĩmaumya.
23
Na ĩngĩ nameavĩĩa weũnĩ, kana ngamanyaĩĩkĩsya i mbaĩnĩ, na kũmanyaĩĩkĩsya katĩ wa i nthĩ;
24
nĩkwĩthĩwa matyaaĩka motw’ĩo makwa, ĩndĩ maleile myamũlo yakwa, na mavukisye masavato makwa, na metho moo maatĩĩe mĩvw’anano ya aaĩthe moo.
25
O na ĩngĩ namanenga myamũlo ĩla ĩtaĩ mĩseo, na motw’ĩo ala matatonya kwĩkala thayũ kwondũ wamo;
26
na namavukya mĩthĩnzĩonĩ yoo ene, nũndũ nĩmavĩtĩlye mwakinĩ onthe ala mambaa kuma ĩvunĩ, nĩ kana nĩmatw’ĩkĩthye athei, nĩ kana mamanye ninyie Yeova.
27
Kwondũ wa ũu, mwana wa mũndũ, neena na nyũmba ya Isilaeli, noimea, Ũũ nĩw’o Mwĩaĩi Yeova ũnũkwasya: Na ĩngĩ ũndũnĩ ũũ aaĩthe menyu nĩmanumĩthisye, nũndũ nĩmambĩtanĩsye.
28
Nũndũ yĩla naminie kũmaete ĩ nthĩ, ĩla nameavĩe nĩmanenge, nĩvo ĩndĩ moonie kĩla kalĩma katũlu, na kĩla mũtĩ mũthungu, na mathembea nthembo syoo kw’o, na maumĩsye ũla ũthatyo wa nthembo yoo kw’o; o na maumĩsya nthembo yoo yĩ mũuke mũseo kw’o, na metĩa nthembo syoo sya kũnyw’a kw’o.
29
Nĩvo ĩndĩ nameie, Nĩ kwa kĩ kũndũ kũtũlu kũla mũendaa? Kwondũ wa ũu syĩtwa ya kw’o yĩtawa Mbama kũvika ũmũnthĩ.
30
Kwondũ wa ũu mĩtavye nyũmba ya Isilaeli, Ũũ nĩw’o Mwĩaĩi Yeova ũnũkwasya: Nĩmwĩvukasya o tondũ aaĩthe menyu meekie? Na kwĩka ũmalwaya mũkĩatĩĩa mothatyo moo?
31
Na yĩla mumasya mĩthĩnzĩo yenyu, yĩla mũũmavĩtĩlya ana menyu mwakinĩ, nĩmwĩvukasya na mĩvw’anano yenyu yonthe kũvika ũmũnthĩ? Na ngakũlw’a nĩ inyw’ĩ, nyũmba ya Isilaeli? O tondũ nĩ thayũ, easya Mwĩaĩi Yeova, ndĩkakũlw’a nĩ inyw’ĩ;
32
na kĩla kĩlikaa kĩlilikanonĩ kyenyu kĩtikethĩwa nongi, nũndũ nĩmũkwasya, Tũkeethĩwa tũilyĩ ta i mbaĩ, ta mĩvĩa ya nthĩ isu, kũthũkũma mĩtĩ na mavia.
33
O tondũ nĩ thayũ, easya Mwĩaĩi Yeova, vate ndĩi ngamũsumbĩka na kw’oko kwĩ vinya, na kw’oko kũtambũũku, na ũthilĩkũ mwonosye.
34
Na ngamumya katĩ wa ngo sya andũ, na ngamũmban’ya kuma nthĩ kũla mwanyaĩĩkĩw’e, na kw’oko kwĩ vinya, na kw’oko kũtambũũku, an ũthilĩku mwonosye;
35
na ngamũete weũnĩ wa ngo sya andũ, na kw’o ngalika silanĩ nenyu ũthyũ kwa ũthyũ.
36
O tondũ nalikile silanĩ na aaĩthe menyu weũnĩ wa nthĩ ya Misili, now’o ngalika silanĩ nenyu, easya ũu Mwĩaĩi Yeova.
37
Ngamũvĩtĩlya ĩtheo wa ndata, na ngamũete wovonĩ wa ũtianĩo;
38
na ngamaindũa kwenyu ala ang’endu, na ala mambĩtanĩasya; ngamaumya nthĩ vala mekalaa ũeni, ĩndĩ matikalika nthĩ ya Isilaeli: na mũkamanya ninyie Yeova.
39
Ũndũ wenyu, inyw’ĩ nyũmba ya Isilaeli, ũũ nĩw’o Mwĩaĩi Yeova ũnũkwasya; Endai, mũthũkũme kĩla ũmwe mĩvw’anano yake, o na ĩvinda yĩla yũkĩte, ethĩwa mũtikambĩthukĩĩsya; ĩndĩ syĩtwa yakwa ĩtheu mũtikayĩvukye ĩngĩ na mĩthĩnzĩo yenyu, na mĩvw’anano yenyu.
40
Nũndũ kĩĩmanĩ kyakwa kĩtheu, kĩĩmanĩ kĩtũlu kya Isilaeli, easya Mwĩĩai Yeova, kw’o nyũmba yonthe ya Isilaeli, onthe mayo, makanthũkũma me ĩ nthĩ: ku nĩkw’o ngametĩkĩlĩla, na ku nĩkw’o ngamumĩthĩsya nthembo syenyu, na mosyao ma mbee ma nthembo syenyu, vamwe na syĩndũ syenyu syonthe ntheu.
41
Ngamwĩtĩkĩla ta kĩndũ kĩnyungaa nesa, yĩla ngamumya katĩ wa ngo sya andũ, na kũmumya nthĩ ila mwanyaĩĩkĩw’a nthĩnĩ wasyo; na ngeeyonan’ya kwenyu atĩ nĩ mũtheu i mbaĩ syene.
42
Na mũkamanya ninyie Yeova, yĩla nĩmũlikya nthĩ ya Isilaeli, nthĩ ĩla neeavĩe kũnenga aaĩthe menyu.
43
Na mũkalilikanĩla mĩendele yenyu kw’o, na meko menyu onthe, ala mwĩvukĩtye namo; na mũkeemena methonĩ menyu ene ũndũ wa mothũku menyu onthe ala mweekie.
44
Na mũkamanya ninyie Yeova, yĩla ngethĩwa nĩmwĩkĩte kwondũ wa syĩtwa yakwa, tĩ kwĩanana na mĩendele yenyu mĩthũku, kana kwĩanana na meko menyu mathũku, inyw’ĩ nyũmba ya Isilaeli, easya ũu Mwĩaĩi Yeova.
45
Na ndeto ya Yeova yambũkĩa, ĩkĩmbĩa.
46
Mwana wa mũndũ, elekelye ũthyũ waku ngalĩ ya ĩtheo, na neena ndeto yaku yelekele ngalĩ ya ĩtheo, noyathanĩa mũtitũ wa kĩsesi wa ngalĩ ya Ĩtheo;
47
noiwĩa mũtitũ wa ngalĩ ya Ĩtheo, Ĩthukĩĩsye ndeto ya Yeova: Ũũ nĩw’o Mwĩaĩi Yeova ũnũkwasya, Sisya, ngakan’ya mwaki nthĩnĩ waku, na ũkavĩvya kĩla mũtĩ mwĩũ wĩ nthĩnĩ waku, na kĩla mũtĩ mũmũ: ũmũĩ mwakanu ndũkavow’a, na mothyũ onthe kuma ngalĩ ya ĩtheo kũvika ngalĩ ya ĩũlũ makavĩvw’a nĩw’o.
48
Na mĩĩ yonthe ĩkoona kana nyie, Yeova, nĩnĩwakanĩtye; na ndũkavow’a.
49
Nĩvo ĩndĩ naisye, A! Mwĩaĩi Yeova! Nĩmekwasya ũndũ wakwa, We tĩ mũneeni wa ngelekan’yo?
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48