Ezekiel 41

Kamba (Mbivilia) 1956

← Chapter 40 Jump to: Chapter 42 →

1Na andete ĩkalũnĩ, na athima ituĩ, mĩkono thanthatũ ũthanthau wa ngalĩ ĩmwe, na mĩkono thanthatũ wa ngalĩ ĩla ĩngĩ, naw’o waĩ ũthanthau wa yĩla ĩeema.

2Na ũthanthau wa ũlikĩlo waĩ mĩkono ĩkũmi; na ndee sya ũlikĩlo syaĩ mĩkono ĩtano ngalĩ ĩmwe, na mĩkono ĩtano ngalĩ ĩla ĩngĩ: na athima ũasa wa vo, mĩkono mĩongo ĩna, na ũthanthau, mĩkono mĩongo ĩlĩ.

3Nĩvo ĩndĩ walikile nthĩnĩ, na athima kĩla kĩtuĩ kya ũlikĩlonĩ, mĩkono ĩlĩ; na ũlikĩlo, mĩkono thanthatũ; na ũthanthau wa ũlikĩlo, mĩkono mũonza.

4Na athima ũasa wa vo, mĩkono mĩongo ĩlĩ, na ũthanthau, mĩkono mĩongo ĩlĩ, na ũthanthau, mĩkono mĩongo ĩlĩ, ngalĩ ya mbee ya ĩkalũ: na ambĩa, Vaa nĩ vandũ vala vatheu mbee.

5Na ĩndĩ athima wako wa nyũmba, mĩkono thanthatũ; na ũthanthau wa kĩla kasũmba ke ũtee, mĩkono ĩna, kũthyũlũlũka nyũmba kĩla ngalĩko.

6Na tũsũmba tũla twaĩ ũtee twaĩ tũtatũ twilĩanĩlw’e, kamwe ĩũlũ wa kangĩ, na mĩongo ĩtatũ tũatĩanĩe; na twaakĩĩwe wakonĩ ũla wa nyũmba wĩthĩwe na tũsũmba twĩ ndee tũthyũlũlũkĩte, nĩ kana tũkwatane nthĩnĩ waw’o, na tũtyakwatene, na wako wa ĩ nyũmba.

7Na tũsũmba twĩ ndee twaĩ tũthanthaangu tũkĩthyũlũlũka ĩũlũ na ĩũlũ: nũndũ kũthyũlũlũka kwa nyũmba kwambatie ĩũlũ na ĩũlũ ngalĩ syonthe sya nyũmba: kwondũ wa ũu ũthanthau wa nyũmba nĩwaendeee kũthanthaa kũvika ĩũlũ; na mũndũ ambataa ta ũu kuma kasũmba ka ĩtheo kũvika kasũmba ke ĩũlũ aivĩtĩla kasũmba ka katĩ.

8O na ĩngĩ noona ĩ nyũmba yaĩ na wambĩlĩlyo ũkĩlĩĩlw’e ĩũlũ wa nthĩ ngalĩ syonthe: myambĩlĩlyo ya tũsũmba twĩ ndee yaĩ mũangi mwĩanĩu wa mĩkono thanthatũ mĩasa.

9Kĩemo kya wako, ũla waĩ wa tũsũmba twĩ ndee, ngalĩ ya nza, kyaĩ mĩkono ĩtano: na ũthei ũla watialile waĩ vandũ va tũsũmba twĩ ndee tũla twa nyũmba.

10Na katĩ wa tũsũmba kwaĩ ũthanthau wa mĩkono mĩongo ĩlĩ kũthyũlũlũka nyũmba ngalĩ syonthe.

11Na mĩomo ya tũsũmba twĩ ndee yelekele vandũ vala vatialile, mũomo ũmwe welekele ngalĩ ya ĩũlũ, na mũomo ũngĩ welekele ngalĩ ya ĩtheo: na ũthanthau wa vandũ vau vatiele waĩ mĩkono ĩtano ngalĩ syonthe.

12Na mwako ũla waĩ mbee wa vandũ vavathan’ye ngalĩ ĩla yelekele ũthũĩlonĩ wa syũa ũthanthau waw’o waĩ mĩkono mĩongo mũonza; na kĩemo kya wako wa mwako ũsu kyaĩ mĩkono ĩtano ngalĩ syonthe, na ũasa waw’o waĩ mĩkono mĩongo kenda.

13O ta ũu athima nyũmba, ũasa wayo waĩ mĩkono ĩana; na vandũ vavathan’ye, na mwako, vamwe na mawako maw’o, ũasa nĩ mĩkono ĩana;

14o na ũthanthau wa ngalĩ ya mbee ya nyũmba, na wa vandũ vavathan’ye kwelekela wumĩlonĩ wa syũa, nĩ mĩkono ĩana.

15Na athima ũasa wa mwako mbee wa vandũ vavathan’ye vala vaĩ ĩtina waw’o, na mavalasya maw’o me ĩũlũ nthĩnĩ ngalĩ ĩmwe na ngalĩ ĩla ĩngĩ, mĩkono ĩana; na ĩkalũ ya nthĩnĩ, na mavalasya ma nza;

16myalyo ya mĩomo, na mbũthi mbinge, na mavalasya me ĩũlũ nthĩnĩ mathyũlũlũkĩte tũsũmba tũũ tũtatũ, kamwe ĩũlũ wa kangĩ, kwelekela mwalyo wa mũomo, syaseũvw’a nthĩnĩ kw’onthe na mbwaũ, na kuma nthĩ kũvika mbũthi (na mbũthi syaĩ mbw’ĩke),

17kũvika ũthei ũla wĩ ĩũlũ wa mũomo, o kũvika nyũmba ya nthĩnĩ, na ngalĩ ya nza, kũvikĩa wako w’onthe ũla ũthyũlũlũkĩte nthĩnĩ na ũtee, kwa kũthima.

18Na waseũvw’a wĩ na akeluvi na mĩtĩ ya mĩtende; na kwaĩ mũtĩ wa mũtende katĩ wa mũkeluvi na mũkeluvi, na kĩla mũkeluvi aĩ na mothyũ elĩ;

19o ta ũu kwaĩ ũthyũ wa mũndũ welekele mũtĩ wa mũtende ngalĩ ĩmwe, na ũthyũ wa mũnyambũ wa mũika welekele mũtĩ wa mũtende ngalĩ ĩla ĩngĩ. Kwaseũviw’e ta ũu nyũmbanĩ yonthe ngalĩ syonthe:

20kuma nthĩ kũvika ĩũlũ wa mũomo kwaseũviw’e akeluvi na mĩtĩ ya mĩtende; wako wa ĩkalũ wailyĩ ta ũu.

21Ũndũ wa ĩkalũ, mĩtĩ ĩla yĩ ndee sya mũomo yaseũvw’a yĩanene ngalĩ inya; na ũndũ wa ngalĩ ya mbee ya vala vandũ vatheu, mũvw’anĩle wa vo wailyĩ mũvw’anĩle wa ĩkalũ.

22Kĩthembeo kyaĩ kya mĩtĩ, ũtũlu wakyo mĩkono ĩtatũ, na ũasa wakyo mĩkono ĩlĩ; na ĩkoto syakyo, na ũasa wakyo, na mavava makyo, maĩ ma mĩtĩ: na ambĩa, Ĩno nĩyo mesa ĩla yĩ mbee wa Yeova.

23Na ĩkalũ na vala vandũ vatheu syaĩ na mĩomo ĩlĩ.

24Na mĩomo yaĩ na mbwaũ ilĩ kĩla ũmwe, mbwaũ ilĩ ila ithyũlũlũkaa: mbwaũ ilĩ sya mũomo ũmwe, na mbwaũ ilĩ sya mũomo ũla ũngĩ.

25Na kwavanĩĩw’a ĩũlũ wayo, mĩomonĩ ya ĩkalũ, akeluvi na mĩtĩ ya mĩtende, ta ila syavanĩĩw’e mawakonĩ; na kwaĩ mĩamba mĩnene mbee wa valasya ngalĩ ya nza.

26Na kwaĩ mbũthi mbinge na mĩtĩ ya mĩtende ngalĩ ĩmwe na ngalĩ ĩla ĩngĩ, ndee sya valasya: tũsũmba twĩ ndee sya ĩla nyũmba na myalyo ya mĩomo syailyĩ ũu.

← Chapter 40 Jump to: Chapter 42 →