bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezekiel 21
Ezekiel 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Na ndeto ya Yeova yambũkĩa, ĩkĩmbĩa,
2
Mwana wa mũndũ, elekelya ũthyũ waku Yelusaleme, na neena ndeto yaku yelekele kũndũ kũtheu, noimyathanĩa nthĩ ya Isilaeli;
3
noitavya nthĩ ya Isilaeli, Ũũ nĩw’o Yeova ũnũkwasya: Sisya, nĩ na ũndũ naku, na ngakũa ũvyũ wakwa kumya ndoonĩ yaw’o, na ngaveta kwaku alũngalu na athũku.
4
Na nũndũ ngaveta kwaku alũngalu na athũku, kwondũ wa ũu ũvyũ wakwa ũkauma ndoonĩ yaw’o ũkite na mĩĩ yonthe kuma ngalĩ ya ĩtheo kũvika ngalĩ ya ĩũlũ:
5
na mĩĩ yonthe ĩkamanya nyie, Yeova, nĩnĩkũĩte ũvyũ wakwa kumya ndoonĩ yaw’o; ndũkasyoka ĩngĩ.
6
Kwondũ wa ũu vevũũka, we mwana wa mũndũ; ũkavevũũka mene na metho moo ũndũ wa kũtũlĩka kwa kĩnyunyu kyaku na ũndũ wa woo.
7
Na kũkeethĩwa, yĩla mekũkũlya, Wĩvevũũkw’a nĩ kyaũ? Ũkasũngĩa, Nũndũ wa ũvoo, nũndũ nĩwũkĩte; na kĩla ngoo ĩkatweka, na moko onthe makaleela, na kĩla veva ũkateva, na mau onthe makeethĩwa mate vinya ta manzĩ: sisya, nĩwũkĩte, na ũkeekĩka, easya ũu Mwĩaĩi Yeova.
8
Na ndeto ya Yeova yambũkĩa, ĩkĩmbĩa,
9
Mwana wa mũndũ, athana, noyasya, Ũũ nĩw’o Yeova ũnũkwasya: Neena, Ũvyũ, ũvyũ, nĩ mũnoe, o na nĩ mũkute;
10
nũnoetwe nĩ kana wũae; nũkutĩtwe nĩ kana wĩthĩwe ta ũtisi: nĩtwaĩlwe nĩ kũtana? Ndata ya mwana wakwa, nĩvũthasya kĩla mũtĩ.
11
Na nũnenganĩtwe ũkutwe, nĩ kana ũkwatangwe: ũvyũ, nũnoetwe, ĩĩ, ũnenganwe kw’okonĩ kwa mũaani.
12
Ĩa noikaya mũno, mwana wa mũndũ; nũndũ ũvyũ wĩ ĩũlũ wa andũ makwa, wĩ ĩũlũ wa anene onthe ma Isilaeli ala me mbee ũsumbĩnĩ: nĩmanenganĩtwe ũvyũnĩ vamwe na andũ makwa; kwondũ wa ũu kũna waswa waku.
13
Nũndũ ve ũtatwa; na nata ethĩwa o na ndata ĩla ĩvũthasya ndĩkethĩwa vo ĩngĩ? Easya ũu Mwĩaĩi Yeova.
14
Kwondũ wa ũu, mwana wa mũndũ, athana, noikũnangan’ya mbĩ syaku; na ũvyũ wongelwe mavinda elĩ, o na mavinda atatũ, ũvyũ wa ala akũnange kũvikĩa kĩkw’ũ; nĩ ũvyũ wa ũla mũnene ũla ũkũnangĩtwe kũvikĩa kĩkw’ũ, ũla ũlikaa tũsũmbanĩ twoo twa nthĩnĩ.
15
Nĩniĩte ũvyũ wa kũtĩsya welekele mbingĩlo syoo syonthe, nĩ kana ngoo syoo itweke, na molulutĩkyo moo maingĩvwe: asi! Ũseũvĩtw’e ta ũtisi, nĩwĩkĩĩtwe mũthya wa kũaana.
16
Ĩyũmban’ye, enda ngalĩ ya kw’oko kwa aũme, ĩtaũsye ũkite, enda ngalĩ ya kw’oko kwa aka, o vala ũthyũ waku welekele.
17
Nakwa ngakũnangan’ya mbĩ syakwa, na ngathũmũsya ũthilĩkũ wakwa: nyie, Yeova nĩnĩneenete ũu.
18
Ndeto ya Yeova yambũkĩa ĩngĩ, ĩkĩmbĩa,
19
Na ĩngĩ, we mwana wa mũndũ, ia nzĩa ilĩ, nĩ kana ũvyũ wa mũsumbĩ wa Mbaviloni wũke; isu syelĩ ikauma nthĩ ĩmwe: na vana vandũ, ũvane wambĩlĩlyonĩ wa nzĩa ĩla ĩendete ndũanĩ.
20
Ũkaia nzĩa ya ũvyũ ya kũka ndũa ya Lava ya ana ma Amimoni, na ya kũka Yuta ku Yelusaleme ndũa mbiie.
21
Nũndũ mũsumbĩ wa Mbaviloni aũngamie mataanĩsyonĩ ma nzĩa, wambĩlĩlyonĩ wa nzĩa isu ilĩ, nĩ kana aaũsye: athũngũthangya mĩsyĩ, akũlya mĩvw’anano yĩtawa telavimu, asisya ĩtema.
22
Kw’okonĩ kwake kwa aũme kwaĩ ĩaũ ya kũaũsya ya Yelusaleme, nĩ kana aie mĩio ya kũomboa vyũ, na kwathamya kanyw’a kũaanwe, na kũkĩlya wasya na kũlonzan’ya, na kwiĩa mbingĩlo mĩio ya kwiomboa, na kũmba mbumbu, na kwaka ngome.
23
Na kũkeethĩwa kwoo ũvũngũ wa kũaũsya methonĩ moo, ala mamevĩtĩe mawĩvĩto; ĩndĩ we nũmalilikanasya ũthũku, nĩ kana makwatwe.
24
Kwondũ wa ũu Mwĩaĩi Yeova easya atĩĩ: Nĩkwĩthĩwa nĩmwatumie ũthũku wenyu ũlilikanwa, nũndũ mavĩtyo menyu nĩ mavue, o kũvika naĩ syenyu nikwoneka mekonĩ menyu onthe; nũndũ nĩmwalilikanwa, mũkakwatwa na kw’oko.
25
Naku, mũthũku, ũla ũkũnangĩtwe kũvikĩa kĩkw’ũ, mũnene wĩ mbee ũsumbĩnĩ wa Isilaeli, ũla mũthenya waku nĩ mũku, ĩvinda ya ũthũku wa mũminũkĩlyo,
26
ũũ nĩw’o Mwĩaĩi Yeova ũnũkwasya: Umya ĩla ngutw’a, na umya ngovia ya mũsumbĩ; isu itikethĩwa itilyĩ ĩngĩ tondũ syailyĩ: nenevya kĩla kĩnyivu, noinyivya kĩla kĩtũlu.
27
Ngang’uthũla, ng’uthũle, nũng’uthũle: ũũ ndũkethĩwa ĩngĩ, kũvika yĩla wĩũka ũla kĩanda kĩ kyake; na ngamũnenga.
28
Naku, mwana wa mũndũ, athana, noyasya, Ũũ nĩw’o Mwĩaĩi Yeova ũnũkwasya ũndũ wa ana ma Amimoni, na ũndũ wa kũvũthw’a kwoo; na ũkyasya, Ũvyũ, ũvyũ nũkũĩtwe, nũkutĩtwe ũndũ wa kũaana, ũmine, nĩ kana wĩthĩwe ta ũtisi;
29
yĩla mekwona mawoni ma ũvũngũ ũndũ waku, yĩla meũkũathĩa movũngũ, makwie ngingonĩ sya athũku ala makũnangĩtwe kũvikĩa kĩkw’ũ, ala mũthenya woo nĩ mũku ĩvinda ya ũthũku wa mũminũkĩlyo.
30
Ũtũngĩe ndoonĩ yaw’o. Ngakũsilĩĩla vandũ vala woombĩwe, nthĩ ya kũsyaĩwa kwaku.
31
Na ngakwonoesya ũthatu wakwa; ngakũvuvĩĩa na mwaki wa ũthilĩku wakwa; na ngakũnengane kw’okonĩ kwa andũ mailyĩ ta nyamũ mbai, me na ũĩ wa kwananga.
32
Ũkeethĩwa ngũ sya mwaki; nthakame yaku ĩkeethĩwa ku ĩ nthĩ katĩ; ndũkalilikanwa ĩngĩ: nũndũ nyie, Yeova, nĩnĩneenete ũu.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48