bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezekiel 27
Ezekiel 27
Kamba (Mbivilia) 1956
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Ndeto ya Yeova yambũkĩa ĩngĩ, ĩkĩmbĩa,
2
Naku, mwana wa mũndũ, ambĩlĩlya kĩĩo ũndũ wa Tile;
3
noitavya Tile, We ũla ũtwĩe ũlikĩlonĩ wa ũkanga, wĩ mũthoosya kwa ngoosya andũ kwondũ wa ithama nyingĩ, ũũ nĩw’o Mwĩaĩi Yeova ũnũkwasya: We, Tile, ũneenete, Nyie nĩ mwĩanĩu kwanakavanĩ.
4
Mĩvaka yaku yĩ nthĩnĩ wa maũkanga; aki maku nĩmeanĩĩtye kwanakava kwaku.
5
Nĩmaseũvĩtye mbwaũ syaku syonthe sya ngalawa sya mĩtĩ ya mĩsonovali kuma Senili; nĩmosete mũkũũ ku Levanoni makũseũvĩsye mũlingoti.
6
Nĩmaseũvĩtye mĩtĩ yaku ya ũkũtwaa ya mĩtĩ ya myaloni ya ku Mbasani; nĩmaseũvĩtye ivĩla syaku sya mĩtĩ ya mĩvuena ithũĩĩwe na tũlungu twa maeo ma nzou, kuma ithamanĩ sya Kitimu.
7
Ngũa yaku ĩla yĩkĩawa mũtĩnĩ ĩkwate kĩseve yaĩ ya katane nzeo yatumĩĩwe wanake ku Misili, nĩ kana yĩthĩwe kwaku kĩvevelo; kyandalua kyaku kyaĩ kya vuluu na kya langi wailyĩ mũtune kuma ithamanĩ sya Elisaa.
8
Ala matwĩe Sitoni na Alivati maĩ atwai maku: andũ maku oĩ, we Tile, maĩ nthĩnĩ waku, nĩmo maĩ atongoi maku.
9
Atumĩa ma Ngevali o na andũ oĩ ma vo nĩmo malindaa mbatũku syaku: ngalawa syonthe sya ũkanganĩ vamwe na andũ ala maendaa nasyo maĩ nthĩnĩ waku matandĩthye syĩndũnĩ syaku sya ũthoosya.
10
Andũ ma Velisia na Luti na Vutu maĩ itanĩ syaku, andũ maku ma kaũ: nĩmanĩkie ngao na ngovia nthĩnĩ waku; nĩmoonanisye ndaĩa yaku.
11
Andũ ma Alivati vamwe na ita syaku maĩ maũvainĩ maku ngalĩ syonthe, na andũ me na ũkũmbaũ maĩ myakonĩ yaku mĩtũlu ya mĩnyoolo; nĩmanĩkie ngao syoo maũvainĩ maku ngalĩ syonthe; nĩmeanĩĩtye kwanakava kwaku.
12
Talisisi yathooasya kwaku nũndũ wa wingĩ wa mĩthemba yonthe ya ũthwii; makũanasya vetha, na kĩaa, na kĩaa kya ivava, na ĩvulũ, na syĩndũ syaku sya ũthoosya.
13
Yavani, Tuvali, na Meseki, maĩ atandĩthya kwaku; makũanasya mathayũ ma andũ na mĩio ya ũthuku na syĩndũ syaku sya ũthoosya.
14
Ala ma nyũmba ya Tokalima maetae mbalasi na mbalasi sya kaũ na nyũmbũ makũan’ye na syĩndũ syaku sya ũthoosya.
15
Andũ ma Ndetani maĩ atandĩthya kwaku; ithama nyingĩ syaĩ ing’ang’a sya kw’oko kwaku: nĩmakũetee makũan’ye mbya sya maeo ma nzou na mũvĩngo,
16
Silia yathoosya kwaku kwondũ wa wingĩ wa mawĩa maku ma moko: maetae nzumalati, na langi ũilyĩ ta mũtune, na ngũa itumĩĩwe wanake, na katane nzeo, na tũvila twa vethaluka, na maliani, makũan’ye na syĩndũ syaku sya ũthoosya.
17
Yuta, na nthĩ ya Isilaeli, syaĩ atandĩthya kwaku: maetae nganũ kuma Minithi, na vanaka, na ũkĩ wa nzũkĩ, na mauta, na seli, makũan’ye na syĩndũ syaku sya ũthoosya.
18
Ndamasiku yathoosya kwaku kwondũ wa wingĩ wa mawĩa maku ma moko, nũndũ wa wingĩ wa mĩthemba yonthe ya ũthwii, maetae mbinyu kuma Elivoni, na w’ĩa mweũ wa malondu.
19
Vetani na Yavani makũanasya ndii na syĩndũ syaku sya ũthoosya: kĩaa kĩtue, na kalavuu, na ithua, syaĩ syĩndũnĩ syaku sya ũthoosya.
20
Ndetani yaĩ mũtandĩthya kwaku wa ngũa nzeo sya kwilĩĩla ĩũlũ wa mbalasi.
21
Alavia, na anene onthe me mbee ũsumbĩnĩ ma Ketali, mathooasya kw’okonĩ kwaku; tũtena twa malondũ na ndũũme, na mbũi, nĩsyo mathooasya kwaku.
22
Atandĩthya ma Sieva na Laama, maĩ atandĩthya kwaku; maetae mĩtĩ ĩla yĩ mũuke mũseo mbee, na tũvila tw’onthe twĩ thooa mũnene, na thaavu, makũan’ye na syĩndũ syaku sya ũthoosya.
23
Aalani na Kane na Eteni, atandĩthya ma Sieva, Asuli na Kilimati, maĩ atandĩthya kwaku.
24
Asu maĩ atandĩthya kwaku syĩndũnĩ nzeo, masuka ma vuluu matumĩĩwe wanake, na masandũkũ me ngũa nzeo mũno, movetwe na ndii, na matumĩtwe na mũkũũ, syĩndũnĩ syaku sya ũthoosya.
25
Ngalawa sya Talisisi syaĩ syaku sya ũkua syĩndũ syaku sya ũthoosya: naku wausũwa, na wataĩwa mũno katĩ wa maũkanga.
26
Ala atwai maku makũetie manzĩnĩ maingĩ: kĩseve kyumĩte wumĩlonĩ wa syũa nĩkĩkũtũĩlĩe katĩ wa maũkanga.
27
Mothwii maku, na mĩio yaku, syĩndũ syaku sya ũthoosya, na andũ maku ma ngalawa syaku, na atongoi maku, na maku ala malindaa mbatũku, na akũan’ya ma mĩio yaku, na andũ maku onthe ma kaũ, ala me nthĩnĩ waku, vamwe na nguthu yaku yonthe ĩla yĩ katĩ waku, makavalũka katĩ wa maũkanga mũthenya wa wanangĩko waku.
28
Syengo syĩ ndee ikathingithanga yĩla kwĩ kĩlonzo kya kĩĩo kya atongoi maku.
29
Na onthe ala makwataa mĩtĩ ya kũtwaa, andũ ma ngalawa, na atongoi onthe ma ũkanganĩ, makatheea maume ngalawanĩ syoo; makaũngama nthĩ,
30
na makakwĩw’ĩthya wasya woo, na makaĩa me na woo, na makekya kĩtoo mĩtwenĩ yoo; makeeyalalya mũunĩ:
31
na makeeyenza ũvaa kwondũ waku, na kwĩvotoa makunĩa, na makakũĩĩa me na woo ngoonĩ makĩmeta na woo.
32
Na makĩmeta makambĩlĩlya kĩĩo kwondũ waku, na makakũĩĩa, makyasya, Nũũ ũilyĩ ta Tile, ta ũla ũvindĩthĩtw’e katĩ wa ũkanga?
33
Yĩla syĩndũ syaku sya ũthoosya syaumaw’a maũkakanganĩ, wausũasya ngo mbingĩ sya andũ; wathuasya asumbĩ ma nthĩ na wingĩ wa mothwii maku na wa syĩndũ syaku sya ũthoosya.
34
Ĩvinda yĩla watũlilwe nĩ maũkanga syũngũnĩ sya manzĩ, syĩndũ syaku sya ũthoosya na nguthu yaku yonthe yavalũka katĩ waku.
35
Onthe ala matwĩe ithamanĩ nĩmeũseng’a ũndũ waku, na asumbĩ moo nĩmakĩĩte mũno; nĩmekũũũya mothyũnĩ moo.
36
Athoosya katĩ wa ngo sya andũ nĩmeũkũtimba; nũtw’ĩkĩte ũtĩsyo, na ndũkethĩwa ĩngĩ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48