bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezekiel 23
Ezekiel 23
Kamba (Mbivilia) 1956
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
1
Ndeto ya Yeova yambũkĩa ĩngĩ, ĩkĩmbĩa,
2
Mwana wa mũndũ, kwaĩ aka elĩ, eĩtu ma inyia ũmwe:
3
na meeka ũmalwaya nthĩ ya Misili; meeka ũmalwaya wĩĩtunĩ woo; nondo syoo nĩsyavivĩwe kw’o, na kĩthũi kya wĩĩtu woo kyakwatangĩwa kw’o.
4
Na masyĩtwa moo, ũla mũkũũ eetawa Oola, na mwĩĩtu‐a‐inyia Ooliva: na matw’ĩka makwa, na masyaa ana na eĩtu. Na ũndũ wa masyĩtwa moo, Samalia nĩ Oola, na Yelusaleme nĩ Ooliva.
5
Na Oola eeka ũmalwaya yĩla waĩ wakwa; na amenda mũno endwa make, nao nĩ Aasuli atũi make,
6
ala meevw’ĩkĩte ngũa sya vuluu, makavana na asumbĩki, onthe anake ma kwendwa, andũ maendaa makuĩtwe nĩ mbalasi.
7
Na eeka ũmalwaya wake nao, andũ onthe ala aseo mbee ma Asuli; na o ala wamendaa, nĩwevukisye na mĩvw’anano yoo yonthe.
8
O na ndaatia ũmalwaya wake kuma mĩthenya ya Misili; nũndũ yĩla waĩ wĩĩtunĩ wake nĩmakomaa nake, na makwatangaa kĩthũi kya wĩĩtu wake; na mamwĩtĩkĩsya ũmalwaya woo.
9
Kwondũ wa ũu namũnengane kw’okonĩ kwa endwa make, kw’okonĩ kwa Aasuli, ala wamendaa.
10
Asu mamũvua oneke e mũthei; moosa ana make na eĩtu make; na mamũaa na ũvyũ: na atw’ĩka wa kũvũthĩĩw’a akanĩ; nũndũ nĩmamũsilĩle.
11
Na mwĩĩtu‐a‐inyia Ooliva oona ũu, ĩndĩ nake aĩ mũthũku kwĩ we kwendanĩ kwake, na ũmalwayanĩ wake ũla waĩ mwingĩ kwĩ ũmalwaya wa mwĩĩtu‐a‐inyia.
12
Nĩwamendaa Aasuli, makavana na asumbĩki, atũi make, meevw’ĩkĩte ngũa mbanakavye, andũ maendaa makuĩtwe nĩ mbalasi, onthe anake ma kwendwa.
13
Na noona nĩwavukĩtw’e; asu elĩ nĩmaendaa na nzĩa ĩmwe.
14
Nake aingĩvya ũmalwaya wake; nũndũ nĩwonie aũme mavanĩtwe ũvainĩ, mĩvw’ano ya Akalitei mĩvane na langi mũtune mũno,
15
mavotoete inyunyu syoo mĩsivi, na mĩtwenĩ yoo mekĩĩte ngutw’a syĩkĩĩtwe langi, onthe anene me mbee ũsumbĩnĩ kwonekanĩ kwoo, kũatĩĩa mũvw’anĩle wa Ambaviloni nthĩ ya Kalitei, nthĩ ĩla masyaĩwe.
16
Na o yĩla wamonie amenda, na amatũmĩa atũmwa ku Kalitei.
17
Na Ambaviloni mathi vala ũĩ ũkomonĩ wa wendo, na mamũvukya na ũmalwaya woo, nake avukanĩw’a nao, na ngoo yake yataanĩsya nao.
18
Kwondũ wa ũu avua ũmalwaya wake, na eevua oneke e mũthei: nĩvo ĩndĩ ngoo yakwa yataanĩsya nake, o tondũ ngoo yakwa yataanĩsye na mwĩĩtu‐a‐inyia wake.
19
Ĩndĩ aingĩvya ũmalwaya wake, akĩlilikana mĩthenya ya wĩĩtu wake, yĩla wekie ũmalwaya e nthĩ ya Misili.
20
Na nĩwamendaa endwa moo, ala mĩĩ yoo ĩilyĩ mĩĩ ya mang’oi, na mũluo woo ũilyĩ mũluo wa mbalasi.
21
O ta ũu nũlilikanaa wathe wa wĩĩtu waku, ũndũ wa kũkwatangwa kĩthũi kyaku nĩ Amisli nũndũ wa nondo sya wĩĩtu waku.
22
Kwondũ wa ũu, we Ooliva, ũũ nĩw’o Mwĩaĩi Yeova ũnũkwasya: Sisya, ngakũkĩlĩlya endwa maku, ala ngoo yaku ĩtaanĩtw’e nao, na ngamaete mokite naku kĩla ngalĩko:
23
Ambaviloni na Akalitei onthe, Vekoti na Soa na Koa, na Aasuli onthe vamwe nao; anake ma kwendwa, onthe nĩ makavana na asumbĩki, anene me mbee ũsumbĩnĩ na andũ me ndaĩa, onthe makuĩtwe nĩ mbalasi.
24
Na makakũkĩa na mĩio ya kaũ, makasya ma kaũ, na makasya ma mĩio, na me na nguthu ya ngo sya andũ; makeeyũmban’ya mokite naku me na tũkalo na ngao na ngovia mathyũlũlũkĩte ngalĩ syonthe: na ngamanenga kũsila, na makakũsilĩla kwĩanana na mosilĩlo moo.
25
Na ngakwelekelya kĩwĩu kyakwa, na makakwĩka na ũthatu mwai; makaumya ĩnyiũũ yaku na matũ maku; na ũtialo waku ũkavalũkw’a na ũvyũ: na makoosa ana maku na eĩtu maku; na ũtialo waku ũkavĩvw’a na mwaki.
26
O na makakumya ngũa syaku, na makakũvuta mĩio yaku mĩseo ya wanake.
27
O ta ũu ngakũekethya wathe waku, o na ũmalwaya waku ũla waetie kuma nthĩ ya Misili; nĩ kana ndũkaawũkĩlĩlye metho maku, o na kũlilikana Misili ĩngĩ.
28
Nũndũ ũũ nĩw’o Mwĩaĩi Yeova ũnũkwasya: Sisya, ngakũnengane kw’okonĩ kwa ala ũmamenaa, kw’okonĩ kwa ala ngoo yaku yĩtaanĩsye nao;
29
na makakwĩka na kĩmena, na makaveta wĩa waku w’onthe, na makaũtia wĩ mũthei ũte ngũa; na ũthei wa ũmalwaya waku ũkavuũwa woneke wĩ mũthei, wathe waku na ũmalwaya waku syelĩ.
30
Ũkeekwa maũndũ asu, nũndũ nĩwĩkĩte ũmalwaya na i mbaĩ, na nũndũ nũvukĩtw’e nĩ mĩvw’anano yoo.
31
Nũkinyĩte mũendelenĩ wa mwĩĩtu‐a‐nyukwe; kwondũ wa ũu ngakũnenga kĩkombe kyake kw’okonĩ kwaku.
32
Ũũ nĩw’o Mwĩaĩi Yeova ũnũkwasya: Ũkanyw’a kĩkombe kya mwĩĩtu‐a‐nyukwe, kĩla kĩ kĩliku na kĩnene; ũkathekeewa mũno na kũvũthw’a; nĩ kyusĩe ki.
33
Ũkausũw’a ũthengi na woo, kĩkombe kya ũseng’ya na wanangĩko, kĩkombe kya mwĩĩtu‐a‐nyukwe Samalia.
34
Ũkakĩnyw’a na kũkĩng’ũlũlya, na ũkaveveta ilĩo syakyo, na ũkatembũanga nondo syaku; nũndũ nĩnĩneenete ũu, easya ũu Mwĩaĩi Yeova.
35
Kwondũ wa ũu Mwĩaĩi Yeova easya: Nũndũ nĩwũlĩtwe ninyie, na nũndũngĩte ĩtina waku, kwondũ wa ũu kua wathe waku na ũmalwaya waku.
36
Na ĩndĩ Yeova angũlya: Mwana wa mũndũ, ũkasilĩla Oola na Ooliva? Ĩndĩ matavye mothatyo moo.
37
Nũndũ nĩmekĩte ũlaalai, na nthakame yĩ mokonĩ moo; na nĩmekĩte ũlaalai na mĩvw’anano yoo; o na ana moo, ala manzyaĩe, mavĩtĩlya mwakinĩ kwondũ wayo mavĩvw’e.
38
Na ĩngĩ nĩmambĩkĩte ũũ: nĩmavukisye vandũ vakwa vatheu mũthenya o ũsu, na mavukĩtye masavato makwa.
39
Nũndũ yĩla mamyũaĩĩte mĩvw’anano yoo syana syoo, nĩvo ĩndĩ mookie o mũthenya ũsu vandũnĩ vakwa vatheu mavavukye; na, sisya, ũu nĩmeekĩe nyũmbanĩ yakwa nthĩnĩ.
40
Na ũndũ ũngĩ nĩmũtũmanĩte andũ maume kũasa, ala mũtũmwa watũmiwe kwoo, na, sisya, nĩmokie; na wathamba, na wavaka metho maku langi, na weeyanakavya na mĩio ya wanake kwondũ woo,
41
na wekalĩla ũkomo wa ndaĩa, na mesa yalanĩtw’e mbee waw’o, ĩla waiĩte ũvani wakwa na mauta makwa.
42
Na wasya wa andũ aingĩ ala mathũmũĩte waĩ nake: na vamwe na andũ mate ndaĩa nĩkwaetiwe athengi kuma weũnĩ; na mamekĩa asu elĩ itang’a mokonĩ moo, na ngovia sya ũsumbĩ nzeo mũno mĩtwenĩ yoo.
43
Nĩvo ĩndĩ naisye ũndũ wa ũla waĩ mũkũũ molaalainĩ, Yu makeeka ũmalwaya nake, nake nao.
44
Na malika vala waĩ, o tondũ malikaa kwa ĩlwaya: now’o malikaa kwa Oola na kwa Ooliva, aka athe.
45
Na andũ alũngalu makamasilĩla na ũsilĩlo wa ilaalai, na ũsilĩlo wa aka ala metĩkasya nthakame; nĩkwĩthĩwa nĩ ilaalai, na nthakame yĩ mokonĩ moo.
46
Nũndũ ũũ nĩw’o Mwĩaĩi Yeova ũnũkwasya: Ngamaetee nguthu, na ngamanengane mekangw’e kũũ na kũũ na kũvutwa.
47
Na nguthu ĩkamakimanga na mavia, na kũmoaa na mbyũ syoo; makooaa ana moo na eĩtu moo, na kũvĩvya nyũmba syoo na mwaki.
48
Ta ũu ngatuma wathe ũthela ĩ nthĩ, nĩ kana aka onthe mamanyĩw’e matikaatĩĩe wathe wenyu.
49
Na makamũĩva wathe wenyu, na mũkakua naĩ sya mĩvw’anano yenyu; na mũkamanya ninyie Mwĩaĩi Yeova.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48