bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
1 Samuel 4
1 Samuel 4
Luganda (BIBU1) (BIBULIYA ENTUKUVU)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
1
Ekigambo kya Samweli ne kituuka wonna mu Yisirayeli. Mu nnaku ezo, Abayisirayeli baagenda okulwanyisa Abafilisitiini. Ne basiisira e Ebeni Azeri n'Abafilisitiini e Afeki.
2
Abafilisitiini ne batala okulwanyisa Yisirayeli; olutalo ne lunyiinyittira; Yisirayeli n'awangulwa. Abafilisitiini ne babattamu abasajja ng'enkumi nnya mu ddwaniro.
3
Abantu ne bakomawo mu lusiisira, abakadde ba Yisirayeli ne babuuza nti: “Omukama lwaki olwa leero atulese ne tuwangulibwa mu maaso g'Abafilisitiini? Ssanduuku y'Endagaano y'Omukama tugiggye e Silo tugireete eno, tugende nayo etuwonye mu mikono gy'abalabe baffe.”
4
Abantu ne batuma e Silo ne baggyayo Ssanduuku y'Endagaano y'Omukama w'Amagye awaŋŋamye wakati mu bakerubi; batabani ba Eli ababiri Kofuni ne Finekasi ne bagendera ku Ssanduuku y'Endagaano ya Katonda.
5
Ssanduuku y'Endagaano y'Omukama bwe yatuuka mu lusiisira, Yisirayeli yenna n'aleekaana n'eddoboozi ddene, ettaka ne liduduma.
6
Abafilisitiini ne bawulira eddoboozi ly'enduulu, ne bagamba nti: “Eddoboozi lya nduulu nnabaki zino ez'amaanyi mu lusiisira lw'Abeebureeyi?” Bwe baamanya nti Ssanduuku y'Omukama ezze mu lusiisira,
7
Abafilisitiini ne batya, ne bagamba nti: “Katonda azze mu lusiisira.” Ne bakaaba nga bagamba nti:
8
“Zitusanze! Kino n'okutuusa kati tekibangawo. Zitusanze! Ani anaatuwonya mu mikono gya balubaale ab'amaanyi? Bano be balubaale abaakuba Misiri ebibonoobono ebya buli kika mu ddungu.
9
Abafilisitiini, mugume, mubeere basajja, sinnakindi mufuuka abaddu b'Abeebureeyi nga bo bwe babadde abaddu bammwe. Mubeere basajja, mulwane.”
10
Abafilisitiini ne balwana, Yisirayeli n'awangulwa, buli omu n'adduka ng'adda mu weema ye. Baakubibwa bubi nnyo; mu Yisirayeli ne mufaamu abalwanira ku bigere emitwalo esatu.
11
Ssanduuku ya Katonda n'ewambibwa, ne batabani ba Eli ababiri, Kofuni ne Finekasi, ne bafa.
12
Ku olwo, omusajja Omubenyamiini n'adduka okuva mu ddwaniro n'ajja e Silo, engoye ze nga ziyuliseyulise n'enfuufu emuli mu mutwe.
13
Bwe yajja, Eli yali atudde ku katebe kumpi n'omulyango ng'alindirira, kubanga omutima gwe gwali gweraliikirira Ssanduuku y'Omukama. Omusajja bwe yayingira ekibuga, n'akibuulira; ekibuga kyonna ne kireekaana.
14
Eli n'awulira oluyoogaano, n'agamba nti: “Luyoogaano ki olwo oluvuga lutyo?” Omusajja n'ayanguwako n'abuulira Eli.
15
Eli yali wa myaka kyenda mu munaana egy'obukulu, amaaso nga gafumye; yali tasobola kulaba.
16
N'agamba Eli nti: “Naakava mu ddwaniro, nziruseeyo lwa leero.” Ye n'amubuuza nti: “Bigenze bitya, mwana wange?”
17
Eyali aleese amawulire n'ayanukula nti: “Yisirayeli adduse Abafilisitiini; abantu bangi batokomose, mu bo nga mwe muli ne batabani bo ababiri; Kofuni ne Finekasi bafudde, n'Essanduuku ya Katonda enyagiddwa.”
18
Oli olwayogera ku Ssanduuku ya Katonda, Eli n'aneguka ku katebe n'agwa bugazi enkoto okumpi n'omulyango, ensingo n'emenyeka, n'afa, kubanga yali musajja mukadde ate nga munene. Yali amaze emyaka amakumi ana ng'alamula Yisirayeli.
19
Mukaamwana we, muka Finekasi, yali lubuto ng'anaatera okuzaala. Olwawulira nga Ssanduuku ya Katonda ewambiddwa, nga ne ssezaala we ne bba bafudde, n'afunirawo ebisa, n'azaala, naye obulumi bw'okuzaala ne bumuyitirirako.
20
Bwe yali afa, abaali bamuzaalisa ne bamugamba nti: “Leka kutya; ozadde mulenzi.” Naye ye teyabaanukula, teyafaayo.
21
Omwana n'amutuuma Yikabodi, ng'agamba nti: “Ekitiibwa kivudde mu Yisirayeli,” anti Ssanduuku ya Katonda yali ewambiddwa, ate nga ne ssezaala we ne bba bafudde.
22
N'agamba nti: “Ekitiibwa kivudde mu Yisirayeli, kubanga Ssanduuku ya Katonda ewambiddwa.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31